Verkamaðurinn - 26.05.1928, Blaðsíða 4
4
VERKAMAÐURINN
Slysfarir.
Það hörmulega slys vildi til hér
app í bæjarlandinu í gærkvöldi, að
drengur varð undir þúfnabana, sem
þar var að verki. Drengurinn marð-
ist til bana samstundis. Hann var 9
ára gamall, sonur Jakobs Karlssonar
kaupmanns.
-----o----
Finnur /ónsson
sjötugur.
Hinn 29. þ. m., verður Finnur
Jónsson prófessor í Kaupmannahöfn
sjötugur. Hann er fæddur hér á Ak-
ureyri 29. Maí 1858. Engum efa er
það bundið, að enn sem komið er,
er prófessor Finnur frægastur þeirra
manna, sem hér eru barnfæddir.
Hann er, eins og kunnugt er, manna
best að sér í norrænum fræðum,
þeirra sem nú lifa, og lætur eftir sig
mikið vísindalegt starf, í ritum sín-
um um íslenska tungu og bókment-
ir. Væri ekki úr vegi, að honum
bærist einhver viðurkenningarvottur
frá stjórnarvöldum bæjarins hér, þar
sem vagga hans stóð, á sjötugsaf-
mæli sínu. Komið hefir til tals, með-
al þeirra manna hér, sem best
þekkja prófessorinn, að yerðugt
væri að hann væri gerður að heið-
ursborgara bæjarins. Svo vel ber í
veiði, að bæjarstjórnarfundur verð-
ur haldinn á afmælisdegi hans, ef
bæjarfulltrúunum finst ástæða til að
heiðra hann.
o ■
Kvenfélagið Framtíðin efnir til
akemtisamkomu, merkjasölu og kaffi-
veitinga á annan í hvítasunnu, sbr.
auglýsingu á öðrum stað í blaðinu.
Hinir nýkornnu læknar, Pétur Jóns-
son og Bjami Bjamason, verða báðir
aðstoðarlæknar við sjúkrahúsið. Stein-
grímur Einarsson læknir er alfluttur
til Siglufjarðar, og tekinn við forstöðu
hins nýreista sjúkrahúss þar.
Úr *bœ og bygð.
Fundur. Mánudaginn 28. Maí — ann-
an í Hvítasunnu — verður fundur hald-
inn í verkakvennafélaginu »Eining« kl.
3/2 e. h. í Skjaldborg. Áríðandi að
konur fjölmenni á fundinn.
Eins og auglýsing á öðrum stað hér
í blaðinu ber með sér, byrjar Ármann
Dalmannsson, leikfimikennari, náms-
skeið fyrir stúlkur í fimleikum og knatt-
leik n. k. Föstudagskvöld.
Barnastúkan Sakleysið nr. 3 heldur
fund á 2. í hvítasunnu kl. 2. Verður
það síðasti fundur á þessu vori. Fulltíða
félagar eru beðnir að fjölmenna, til þess
að kjósa fulltrúa á Stórstúkuþing og
unglingaregluþing, sem háð verða hér
á Akureyri 5.—10. Júlí. Allir fulltíða
félagar éru kjörgengir til unglinga-
regluþingsins.
Afli er ágætur á útmiðum, þegar
beita fæst. Marga daga falla róðrar
niður, vegna beituleysis. Vart hefir orð-
ið við hafsíld úti fyrir.
Ingvar Guðjónsson, annar erindreki
einkasölunnar, er á heimleið með Dr.
Alexandrine.
Stjórnarráðið hefir ákveðið, að að-
eins 25 nemendur skuli fá inntöku í 1.
bekk mentaskólans í vor. Vandasamt
verk verður að velja þá úr, strax í
byrjun, sem hæfastir eru til að ganga
mentaveginn. En bót er í máli, að hinn
fyrirhugaði gagnfræðaskóli Reykjavíkur
tekur vonandi til starfa í haust, og
verður það þá hans hlutverk, að leiða
fram þá möguleika, sem varpað kann að
verða fyrir borð við hið þrönga hlið,
sem til mentaskólans leiðir.
U. M. F. A. fer í gönguför upp í
Hamraborgir á annan í Hvítasunnu, kl.
9 árd. Lagt af stað frá Skjaldborg.
Lagarfoss er væntanlegur í nótt.
Brúarfoss kemur eftir hátíðina og fer
hraðferð til Reykjavíkur.
Fimleika- og
Knattleikaæfingar
Kvenna,
hefjast Föstudaginn 1. Júní n. k-
I. flokkur kl. 8. e. h.
II. flokkur kl. 9. e. h.
Tekið á móti byrjendum í II. fl.
Ármann Dalmannsson.
2. Hvftasunnudag
gengst kvenfél. »Framtíðin« fyrir
merkjasölu, kaffiveitingum í barna-
skólanum og fjölbreyttri kvöld-
skemtun í Samkomuhúsinu, alt til á-
góða fyrir Gamalmennahælissjóð
Akureyrar.
Akureyringar! Sýnið í verkinu að
stofnun gamalmennahælisins sé á-
hugamál ykkar. NEFNDIN.
Húsnæði.
Svefnherbergi og dagstofa (helst
möbleruð) með nútíma þægindum,
sem næst miðbænum, óskast frá
Júh'byrjun til hausts eða vors.
Tilboð ineð tilgreindri stærð,
mánaðarleigu og ræstingu, óskast
send í Kaupfélag Verkamanna inn-
an Maíioka.
Mjólk
er seld í Gránu. Strandgötu 49.
Helst föstum viðskiftamönnum um
lengri tíma.
Einar Ounnarsson.
íbúðarhús brann á Siglufirði í gær-
morgun. Mannbjörg varð, en af innan-
stokksmunum bjargaðist sama og ekk'
ert. Alfons Jónsson lögmaður átti húsið
og bjó í því.
Ritstjóm: Stjóm Verklýðssambandsiiue
Frentsmiðja Odds Björnssonar.