Verkamaðurinn - 06.05.1960, Blaðsíða 3
Föstudaginn 6. maí 1960
VERKAMAÐURINN
3
TllIAMiBUBI
- vikablað -
Eemux át á ákurejri á föstu-
dögum. Útgefandi ex Básíal-
Þorsteinn Jénatansson
iskriftarverð kr. 50.oo árg.
Blaðið er prentað í Brent-
verki Odds BJörnssonar h.f.
SAKARUPPGJÖFIN
Síðastliðinn föstudag kom Bjami Bene-
diktsson dómsmálaráðherra í útvarpið og til-
kynnti, að forseti íslands hefði þá um daginn
að tillögu ríkisstjómarinnar ákveðið, að
„gefa upp sakir fyrir öll brot gegn fiskveiði-
landhelgi íslands, sbr. lög um bann gegn
botnvörpuveiðum, sem framin hafa verið frá
1. sept. 1958 þangað til í dag.“
Það urðu margir undrandi, er þeir heyrðu
þessa tilkynningu, sem þýðir það, að Bretum
hafa verið gefnar upp sakir fyrir öll þeirra af-
brot innan fiskveiðilandhelginnar. Og sakar-
uppgjöfin var skilyrðislaus. Það var ekkert
um það talað, að þetta gilti því aðeins, að
•íogaraskipstjórarnir gerðust ekki brotlegir á
ný. Það var ekkert um það talað, að þetta
væri bundið því skilyrði, að Bretar létu fyrir
fullt og allt af yfirgangi herskipa í landhelgi
okkar.
Hvað er á seyði? Er þessi ríkisstjóm orðin
algerlega glórulaus? mun margur hafa spurt,
og það ekki að ástæðulausu.
Ef Bretar halda uppteknum hætti gagn-
vart okkur, halda áfram að fiska í okkar land-
helgi, halda áfram að senda herskip til að
vama því, að togarar þeirra séu teknir og
skipstjórarnir sóttir til saka að íslenzkum lög-
um, halda áfram að traðka á rétti okkar, þá
er sakaruppgjöfin þeim til handa með öllu
óréttlætanleg.
Hitt hefur mörgum komið til hugar, að
ríkisstjórnin hljóti að vita meira á bak við
tjöldin um afstöðu Breta til okkar, en hún
hefur Iátið uppskátt, og þá sennilegast það,
að stjórninni sé kunnugt, að Bretamir ætli
sér alls ekki að ráðast á ný inn í landhelgi
okkar. Ef þetta er rétt, þá er ekkert athuga-
vert við sakaruppgjöfina.
Þó að við viljum halda fast á okkar rétti,
þá er ekkert unnið við það, að standa í eilíf-
um eltingaleik við einhverja togaraskipstjóra
til þess eins, að fá þá dæmda í nokkurra
króna sekt. Hvort eð er myndu fáir þeirra
nokkru sinni názt, og svo vitum við, að marg-
ir þeirra hafa ekki verið að veiðum hér í
landhelgi af því, að þeir hafi sjálfir óskað
eftir því, heldur hefur þeim verið fyrirskipað
að vera innan við og það hefur verið hlut-
verk herskipanan að sjá um, að þeir hlýdtu
þeim fyrirskipunum.
Það eru ekki fyrst og fremst brezkir tog
araskipstjórar, sem hafa gerzt brotlegir við
okkur, heldur brezka ríkið sem slíkt. Það em
ekki sjómenn heldur stjórnmálamenn, sem
hafa stjórnað stríði Breta við okkur.
En ef svo er nú komið, sem allir Islending-
ar vona ,að við höfum unnið endanlegan sig
ur í þessu stríði við Breta, og þeir ætli ekki
framar að beita yfirgangi, þar sem okkar lög-
saga á að ráða, þá höfum við vissulega efni á
að vera höfðingjar og fyrirgefa.
Hafi sakaruppgjöfin aftur á móti verið
veitt, án þess að nokkuð liggi fyrir um það,
að Bretar ætli að láta af ofbeldisaðgerðum
sínum og togarar þeirra koma aftur inn fyrir,
þá er illa farið, og þá verður erfitt að fyrir-
gefa ríkisstjóminni, þá hefur hún gert ófyr-
irgefanlegt asnastrik.
ORÐSENDING
frá Verkamannafél. Akureyrarkaupstaðar
Félagið vill hér með skora á félagsmenn að gera sem
fyrst skil á félagsgjöldum til skrifstofu verkalýðsfélag-
anna í Strandgötu 7.
Sérstaklega eru þeir, sem fara burtu úr bænum í at-
vinnu minntir á, að hafa félagsréttindi sín í lagi.
Verkamannafélag Akureyrarkaupstaðar.
VATNSVEITA AKUREYRAR
Með tilvísun til reglugerðar Vatnsveitu Akureyrar,
þurfa þeir, hér eftir, sem óska eftir vatnsinnlögn, að
senda skriflega umsókn ásamt teikningu af húsinu. —
Umsóknareyðublöð fást í skrifstofu byggingafulltrúa
og vatnsveitustjóra. Umsóknareyðublöðin útfyllist
greinilega og sendist til skrifstofu vatnsveitustjóra,
Skipagötu 12, II. hæð.
Athugið! Þeir, sem hafa beðið um innlögn, sem
ekki hefur verið framkvæmd, verða að senda nýja um-
sókn.
Akureyri, 3. maí 1960.
SIGURÐUR SVANBERGSSON.
VATNSVEITA AKUREYRAR
"^Tilboð óskast í hús úr timbri, stærð 2.50x3.30 m, hæð
með risi 2.85. Húsið er mjög vandað, einangrað með
2” plasti, mjög þægilegt til flutnings, hentar ágætlega
sem sumarbústaður, eða skýli fyrir stangveiðimenn.
Húsið er til sýnis við röralager Vatnsveitunnar á Gler-
áreyrum. Tilboð sendist undirrituðum sem allra fyrst
og eigi síðar en 21. þ. m.
Akureyri, 3. maí 1960.
SIGURÐUR SVANBERGSSON.
Skipagötu 12.
GALLAÐAR V0RUR FRA
Fataverksmiðjunni HEKLU
verða seldar í vefnaðarvörudeild vorri
þriðjudaginn 10. maí og
miðvikudaginn 11. maí.
VEFNAÐARVÖRUDEILD
FRA GLERARSKOLANUM
Sýning á handavinnu barnanna, verður opin laugard.
7. maí kl. 2—6 síðdegis. — Börn fædd 1953 mæti til
innritunar miðvikudaginn 11. maí kl. 2 síðdegis. —
Skólanum verður sagt upp þriðjudaginn 10. maí kl.
2 síðdegis. — Foreldrar velkomnir.
SKÓLASTJÓRI.
FRA LANDSSIMANUM
Stúlka getur fengið starf við Landssimastiiðina á Ak-
ureyri frá 1. júní n. k. Eiginhandarumsóknir, þar sem
getið er aldurs og menntunar, sendist mér fyrir
15. maí.
SÍMASTJÓRINN.
Allt er í hófi bezt.
Kvenfarþegi í áætlunarflugvél yfir Bandríkjunum
kvartaði um mjög kvalafulla verki innvortis. Flug-
stjórinn bað um að hafa lækni og sjúkrabifreið til
taks á næsta flugvelli, og jafnskjótt og vélin lenti var
konan flutt til næsta sjúkrahúss. Varðlæknirinn þar
var vonum fljótari að skilgreina sjúkdóminn. Konan
var í alltof þröngu lífstykki.
Mörg eru vandamálin.
I sambandi við tæknilega frjóvgun kvenna, sem nú
er nokkuð farin að tíðkast í sumum löndum, hafa
komið upp mörg vandamál, sem fram til síðustu ára
hafa verið með öllu óþekkt.
Þannig hafa meðal Englendinga orðið miklar um-
ræður um það, hvort barn, sem kona aðalsmanns elur
eftir tæknifrjóvgun skuli teljast aðalborið og mega
bera titil ættarinnar. Opinber yfirvöld hafa nú gefið
út tilkynningu um, að slík böm skuli ekki erfa aðals-
titilinn. Ekki er þó talin nein hætta á, að þetta verði
til þess, að aðallinn deyi út, því að ladýurnar muni
flestar kunna betur við að hafa gamla lagið áfram.
Ný lækningaaðferð.
Lögregluyfirvöld í Tokíó hafa nú í hyggju að koma
á fót alveg nýrri tegund stofnana til lækninga á
drykkjusýki. I stofnunum þessum á öllu að vera öf-
ugt snúið, þannig á að festa stóla og borð við loftið og
láta þá hanga niður, en ljósakrónum og öðru því, sem
venja er að láta hanga niður úr loftinu, skal koma
fyrir á gólfinu. Samkvæmt skýrslum lækna austur
þar, telja þeir, að dvöl á þannig innréttuðum stað
myndi lækna jafnvel hina forhertustu drykkjumenn.
Sé þetta rétt, hefur Loftur Guðmundsson ekki
reiknað daemið rétt, þegar hann skrifaði sína frægu
bók „Jónsmessunæturmartröð á fjallinu helga“. Þar
var sams konar innrétting í húsi gróins útgerðar-
manns, sem gerði út pappaskip í baðkari, og sú, sem
Japanirnir hafa nú í huga, en hvergi var jafnmikið
drukkið og einmitt í húsi þessa ágæta útgerðar-
manns og hvergi hefur heyrzt um drykkjutækni á jafn
háu stigi. „En dásamlegt. Skál.“
Galdrabrennur enn.
Enda þó að Islendingar hafi fyrir löngu, og þó ekki
svo löngu, lagt niður galdra og fordæðuskap, þá dafn-
ar slíkt með ágætum víða um heim. Annars er vafa-
samt á þessarri öld, að reyna að dæma um, hvað
eru galdrar og hvað ekki. En samkvæmt fréttum frá
Filippseyjum, var kona þar nýverið ákærð fyrir
manndráp og galdra. Samkvæmt fréttinni kom það
fyrir konuna, er hún var að reka út illan anda úr
manni þar með því að berja manninn með fisksporði
(og sennilega andann líka), að hún barði svo fast, að
maðurinn hlaut bana af. Um andann er ekki getið, ef
til vill hefur han hlaupið í kú eða kannski tekizt að
koma honum fyrir í legg. Konan var annars þekkt
fyrir mikinn dugnað við brottrekstur illra anda úr
mönnum, sem höfðu bilast á geðsmunum af völdum
andanna. Þetta hefur bara verið slys, að maðurinn
skyldi ekki rakna við eftir barsmíðina.
Veitingamaður: „Þér hafið ekki borgað wiskýið,
sem þér pöntuðuð.“
íri: „Hvað ertu nú að segja?“
Veitingamaður: „Eg sagði, að þér hefðuð ekki
borgað wiskýið, sem þér báðuð um.“
íri: „Borgaðir þú það?“
Veitingamaður: „Auðvitað gerði eg það.“
Iri: „Nú, jæja, ekki sé eg, hvað það ætti að þýða,
að við færum báðir að borga það?“
ÆSKULÝÐSBLAÐIÐ,
1. hefti þessa árs, er komið út. — Af efni þess má
nefna: Ungafólkið í fréttum (þegar Ragnheiður Sig-
fúsdóttir vann flugfarið til Reykjavíkur á Æskulýðs-
hátíðina, Helena og Finnur við hljóðnemann, séra
Olafur Skúlason o. fl.). Æskulýðsfulltrúi þjóðkirkj-
unar skrifar: Þú sagðir já. — Sigríður Hannesdóttir 6.
bekk M. A.: Viðhorf mitt til framtíðarinnar. — Bisk-
upshjónin heimsækja Löngumýri (mynd). — Þá er
þýdd grein eftir Pat. Boone. — Myndasaga Alberts
Schweitzer o. fl. — Aðalritstjóri þessa heftis er séra
Sigurður H. Guðjónsson, Hálsi.