Nalunaerutit - 01.01.1931, Page 14

14
derik Lyberth, Eli NapatoK, Kristian Lynge Karl Kristen-
senilo gx Eli Olsen, Mossin Therkelsen Abraham Erede-
riksenilo g.
V. iliniartut passunenarnerat avdlatdlo taimåitut.
iliniartut angutaussut 35 seminariap iliniartunut igdluine
3-ne ineKarput. højskolerne iliniartoK arnaK atauseK sujulig-
taissup inaisa ilane ineicarpoK sujuligtaissumit nåkutigine-
Kardlune.
arnartaK danskiussoK nerissarfmgme najugaKarpoK, tåu-
ssumalo igdlunie tåssane iliniartutdlo igdluine suliagssat nå-
kutigissarai. amalo tåssane najugaKarput arnartat kalåliussut
5. tåukua suliarait igdlunik salineK, assaineK errorsinerdlo,
iliniartutdlo atissåinik isumagingningneK, nerissagssiorneK
piarérsainerdlo iliniartunigdlo kangmerineK.
nerissarfingme nerissarput. iliniartut nerissaKarsimåput
uvdlune 295-ne, Sevt. 1-ånit 1930 Junip 22-ånut 1931. ing-
mikut pissutigssaKarångat iliniartut pitsaunerussunik neri-
ssagssineKartarput.
iliniartumut atautsimut ukioK atauseK atugagssautitåuput
nerissagssanut 185 Kr., atissagssanut 37 Kr. 50 Øre, kisalo
umiaussårKanut, såkugssanut peKutigssanutdlo 25 Kr. ukior-
dlo måna seminariap åricigssussineragut iliniartut kamigpag-
sisimåput agfåinarmik akilerdlugit.
pissarineKarput tingmissat 719, ukatdlit 2, teriangniatdlo
2. peKutigssat iliniarfigssuarmit tuniuneiiartarput. iliniartu-
nut atugagssarititåuput umiatsiaK umiaussårKatdlo 3. semi-
nariap pigai tingmiarsiutit 19, Korortut 9, tupeK avdlatdlo
atortugssat.
seminariap uvdlorsiutainit ilångussat.
Sevt. 1-åne atuarneK autdlarnerpoK iliniartutdlo nerissa-
Kalerput.
Sevt. 20-åne p uj o r t u ler k am i k Ugpingmukarput seminaria
inuvigsiordlugo. iliniartitsissut amerdlanerit iliniartutdlo ta-
marmik ilåuput. aKigsserniarput OKåtaussardlutigdlo.
Ort. 26-åne »Sonja« arfangmat iliniartut pilaicatåuput.