Vísir - 19.09.1959, Blaðsíða 4
4
VfSIB
Laugardaginn 19. september 1959
^ÍSXR.
D A G B L A Ð
Útgefandi: BLAÐAÚTGÁFAN VÍSIR H.F.
Vísir kemur út 300 daga á ári, ýmist 8 eða 12 blaðsíður.
Ritstjóri og ábyrgðarmaður: Hersteinn Pálsson.
y Skrifstofur blaðsins eru í Ingólfsstrseti 3.
Ritstjórnarskrifstofur blaðsins eru opnar frá kl. 8,00—18,00.
Aðrar skrifstofur frá kl. 9,00—18,00.
Afgreiðsla: Ingólfsstræti 3, opin frá kl. 9,00—19,00.
Sími: 11660 (fimm línur).
Vísir kostar kr. 25.00 í áskrift á mánuði,
kr. 2.00 eintakið í lausasölu.
Félagsprentsmiðjan h.f.
KIRKJA GG TRUMAL:
Þekktu sjálfan þig.
Deiiurnar um útsvörin.
Að undanförnu hefir talsvert
verið deilt um útsvörin í
bænum, og er mikið talað
um, að útsvör einstakra, til-
tekinna manna, sé alltof lág.
Því er með öðrum orðum
haldið fram, að niðurjöfnun.
arnefnd hafi mismunað ein-
staklingum í bænum, notað
aðstöðu sína til að létta út-
svar sumra manna, en aðrir
verið látnir bera útsvar
með fullum þunga. Hafa
sum blöð,. sem eru andstæð
meiri hluta bæjarstjórnar,
skrifað mikið um þetta mál,
og er það eðlilegt,, af því að
kosningar eru í nánd og allt
er hey í harðinum hjá sum-
um, þegar þannig stendur á.
Það er rétt að skoða þetta mál
í þessu ljósi væntanlegra
kosninga, því að það er seg-
in saga, hvað snertir um-
hyggju Tímans fyrir velferð
manna hér í Reykjavík, að
; ekki örlar fyrir henni, þegar
langt er til kosninga. Tíminn
finnur einnig fyrir annari
I þörf — hann veit sem er, að
mönnum kemur það spænskt
j fyrir sjónir, að auðugasta
fyrirtæki landsins, sem hefir
aðalbækistöð hér í bænum,
skuli ekki vera látið greiða
einn eyri í útsvar. Árásir
Tímans eru þess vegna reyk-
ský, til þess gert að fá allan
almenning, sem verður að
greiða útsvar, til að gleyma
því himinhrópandi rang-
læti.
En menn ættu einnig að hafa
annað í huga í þessu sam-
bandi. Niðurjöfnunarnefnd
er ekki skipuð Sjálfstæðis-
mönnum einvörðungu, því
að þar mun að minnsta kosti
leynast einn kommúnisti, en
jafnvel hann hefir ekki tal-
ið ástæðu til að gera ágrein-
ing varðandi þau útsvör,
sem fundið hefir verið að.
Þetta ættu menn að hafa
hugfast, þegar Tímamenn
róa hvað ákafast til þess að
fela útsvarsfríðindi Sam-
bandsins. Menn ættu einnig
að muna það, þegar tveir
kommúnistar í bæjarstjórn
flytja tillögu um hneykslan
sína í sambandi við þetta
mál.
Tekjustofnar bæjarins.
Annars hljóta þessar umræður
um útsvörin að vekja at-
hygli manna á því, hve ein-
hæfir tekjustofnar bæjarins
eru. Það er eiginlega hægt
að segja, að bærinn hafi ekki
annað en útsvörin til að
standa undir öllum þeim
miklu útgjöldum, sem hon-
um er sumpart gert að greiða
með lögum frá Alþingi, svo
að hann ræður engu í því
efni.
Hvað eftir annað hefir verið
farið fram á það, að bærinn
fengi einhvern hluta af þeim
tekjum, sem ríkissjóður
innheimtir hér í bænum.
i Viðkvæðið hefir alltáf verið
■ hið sama — ríkissjóður
mætti ekkert missa og þar
af leiðandi gæti bærinn
ekkert fengið. Ötulastir við
að neita bænum um slíka
hlutdeild í tekjum ríkissjóðs
hafa Framsóknarmenn verið.
Þar er Framsóknarmönnum
rétt iýst, því að þeim kemur
ekki til hugar að láta Reykja
vík nokkurn skapaðan hlut
í té, ef það er á þeirra valdi
að hindra slíkt. Ef Reykja-
vík á undir högg að sækja
hjá Framsóknarmönnum,
verður árangurinn ævinlega
á þann veg, sem verstur er
fyrir Reykjavík, og Fram-
sóknarmenn gleðjast yfir því
að geta gert honum sem
mestan miska. í dálkum
Tímans skortir hinsvegar
• ekki umhyggjuna fyrir bæj-
arbúum.
Breyting hlýtur á að verða.
Það fer varla hjá því„ að breyt-
ing verði á þessu. Reykjavík
á heimtingu á því, að henni
j sé ætlaðir fleiri tekjustofnar -
en útsvörin ein. Svo mikill
hluti ríkisteknanna er frá
Reykvíkingum kominn, að
' það er ekki nema sjálfsagt,
; að litið sé á þessi tilmæli
, höfuðstaðarins með velvild
og skilningi.
Þess er vart að vænta, að
«.Framsóknarrnenn breyti. af- _
, stöðú sinni i þessu efni. Þeir
gleyma aldrei fjandskap
sínum við Reykjavík, sem
er fyrsta boðorð þeirra og
öll hin að auki. En það er
ekki ósennilegt, ,að áhrif
Framsóknarflokksins verði
bráðlega í réttara hlut-
- falli við fylgi hans meðal
þjóðarinnar en þáu hafa ver-
ið til skamms tima, og ætti
þá að vera nokkur von til
þess, að þarfir Reykjavíkur
. — sem eru á. margan hátt til
komnar vegna þjónustu við
„Drottinn, þú rannsakar og
íþekkir mig,“ segir skáldið
helga.
Þú þekkir ekki sjálfan þig.
Það er svo margt sundurleitt,
sem með þér býr. Skin og
skuggar leika um hugann.
Stundum er hann eins og glamp
andi lygna, sem speglar heið-
an himin. Stundum er hann
eins og ýfð og gruggug rás, sem
veltir fram dökkri botnleðju.
Stundum er hann eins og djúp-
ur tær hylur, stundum getur
hann minnt á forarpytt. Hvað
hylst á botninum? Hvað getur
ekki komið upp um ósýnileg
uppsprettuaugu undir botnfall-
inu? Hvað getur ekki flogið þér
í hug? Hver ertu í raun og
veru?
Mennirnir þekkja þig ekki.
FlesDir telja þig annan en þú
ert. Einhver hefur e. t. v. séð
í gegnum þig á einhverri
stundu, en enginn alls kostar.
Ýmsir halda þig betri en þú
ert, aðrir verri. Ef til vill myndi
það ekki gera þig glaðan að sjá
þá mynd, sem aðrir gera sér
af innra manni þínum. Áreið-
anlega vildirðu ekki; að allir
vissu allt, sem þar er fólgið.
Einn er sá, sem veit allt um
þig. Jesús þekkti alla og þurfti
þess ekki, að nokkur vitnaði um
manninn, því að hann vissi,
hvað með manninum býr (Jóh.
2,25). Getur nokkuf falið sig
í fylgsnum, svo að ég sjái hann
ekki, segir Drottinn (Jer. 23,
24). Biblían segir frá því, að
um leið og manneskjan hafði
syndgað, reyndi hún að finna
það fylgsni, þar sem hún mætti
felast fyrir Guði. Það tókst ekki.
Guð kallaði: Hvar ertu? Maður-
inn svaraði: Ég var hræddur
og faldi mig.
Þessi orðaskipti eru sagan
um viðskipti Guðs og manns
alla tíð. Syndin er feluleikur
fyrir alskyggnum Guði. Við fel-
um okkur í- hjúpi sjálfsblekk-
inga, hyljum okkur í hópi ann-
arra syndara, dyljumst í margn-
um með því að bera okkur sam-
an við aðra — við erum ekki
verri en þeir, líklega snöggtum
betri en ýmsir, jafnvel flestir.
Við felum okkur í sjálfsafsök-
unum og undanbrögðum, dylj-
umst á "bak við fallegan ásetn-
ing, sem við ætlum að fram-
kvæma einhvern tíma í fram-
tíðinni. Við felum okk-ur á bak
við nýtízkulegar og áferðar
snotrar skoðanir, hyljum okk
ur í hörðum dómum um stór-
syndir veraldarinnar, svo sem
styrjaldir, nýlendukúgun,- al-
ræði og harðstjórn, hjúpum
okkur glitslæðum hárra hug-
sjóna og fagurra orða. Við fel-
umst í flíkum ytra velsæmis og
vammlausrar áferðar í augum
manna.
Öll þessi meira eða minna
ósjálfráðu og ómeðvituðu und-
anbrögð eru flótti, flótti synd-
arans fyrir sjálfum Guði, hin-
um alskyggna. En hann leitar
okkur uppi. Hvar ertu? Sú
spurning mætir öllum okkar
undanbrögðum með guðdóm-
legu brosi þeirrar alvitundar
sem veit, hvar við erum og
hverjir við erum, þekkir það til
grunna. Hún mætir okkur með
guðdómlegri alvöru þess heil-
agleika, sem hefur augun eins
og eldsloga og býður við öllu,
sem er óhreint, sviksamlegt,
illt. Hún mætir okkur með guð-
dómlegri nærfærni þess kær-
leika, sem vill laða okkur úr
skammakrók syndarans og leiða
okkur til stöðu hins frjálsa, upp-
litsdjarfa, glaða, opna og vax-
andi barns.
Þegar við nemum þessa raust
og finnum þau augu hvíla á okk
ur, sem ekkert fær dulizt, getur
svo farið, að við viljum segja:
Lít af mér (Sálm. 39, 14), far
þú frá mér, herra, því að ég er
syndugur maður (Lúk. 5,8). En
í þeim sporum er flóttinn end-
anlega stöðvaður. Það ljós, sem
við okkur leiftrar og afhjúpar
allt til innstu grunna, dæmir
til þess að sýkna, svíður til þess
að lækna, deyðir til þess að
lífga. Það hjúpar þann syndara,
sem við höfum viljað halda í
felum og flótta fyrir Guði, líkn-
arblæju fyrirgefningarinnar og
afhjúpar þá mynd, sem við er-
um skapaðir og endurleystir til
í Jesú Kristi. Síðan verður hann
sannleikurinn um okkur sjálfa,
jréttlæti okkar, helgun og end*
urlausn. Og athvarf okkar,
traust og gleði verður þaðan í
frá og að eilífu staðreyndin,
sem hann lýsir með þessum
orðum: Ég þekki mina og mínir
þekkja mig.
Hyrnumjólk -
Frh. af 8. síðu.
umbúðunum er dýrari en í flösk
um?
— Nei, mér hafa ekki borizt
til eyrna neinar óánægjuradd-
ir út af þessu, svo að ég geri
ráð fyrir, að flestir hafi fullan
skilning á hinu hærra verði,
sem er það lágmarksverð, sem
hægt er að hafa, a. m. k. fyrsta
kastið. Kostnaður við þessar
nýju umbúðir er ekki eins lág-
ur og sumir kynnu að ætla.
Þær er ekki hægt að nota nema
einu sinni, en flöskurnar not-
ast 60—80 sinnum. Svo koma
á móti þægindin við þessar
nýju umbúðir og sá reginmun-
ur, að mjólkin er fitusprengd,
öll eins efst sem neðst í ílátinu.
Þetta held ég, að stuðli allt að
því að gera mjólkina enn vin-
sælli og meiri neyzluvöru í
nýju umbúðunum en í þeim
gömlu.
LÖGTAK
Eftir kröfu tollstjórans í Reykjavík og að undangengnum
úrskurði verða lögtök látin fram fara án frekari fyrirvara,
á kostnað gjaldenda en ábyrgð rikissjóðs, að átta dögum
liðnum frá birtingu þessarar auglýsingar, fyrir eftirtöldum.
gjöldum:
Ógreiddum sköttum og öðrum gjöldum samkv. skattskrám
1959, að því leyti sem gjöld þessi eru í gjalddaga fallin
eða öll fallin í eindega vegna þess, að ekki var greiddur á'
réttum tíma tilskilinn hluti þeirra, áföllnum og ógreiddum
skemtanaskatti og miðagjaldi, gjöldum af innlendum toll-
vörutegundum, útflutningssjóðsgjaldi og matvælaeftirlits-
gjaldi, skipulagsgjaldi, rafmagnseftirlitsgjaldi, rafstöðva-
gjaldi, skipaskoðunargjaldi, vélaeftirlitsgjaldi, lesta- og
vitagjaldi fyrir árið 1959, svo og iðgjöldum atvinnurekenda
og atvinnuleysistryggingagjaldi af lögskráðum sjómönnum.
Borgarfógetinn í Reykjavík, 18. sept. 1959.
Kr. Kristjánsson.
aðra landshluta . — njóti
meiri skílnfngs, þe'gár s.vo
-verður komið.
SKÓL AST JÓRAST AÐA
VIÐ
VERKSTJORASKÓLA
Sölumiðstöð Hraðfrystihúsanna hefur í hyggju að stofn-
setja verkstjóraskóla og óskar að ráða skólastjóra með há-
skólamenntun.-. Væntanlegum skólastjóra verður gefinn
kostur kostur á sérmentun erlendis. Kjör samkvæmt sam-
komulagi. Skriflegar umsóknir óskast sendar fyrir 20.
-október ásamt upplýsingum um menntun og fyrri störf/
Upplýsingar um starf þetta verða ekki gefnar í síma.
SÖLUMIÐSTÖÐ HRAÐFRYSTIHÚSANNA,
REYKJAVÍK.