Tölvumál - 01.01.1987, Síða 7

FJÖLMENN RÁÐSTEFNA
Skyrslutæknifélagið boðaði til ráðstefnu uxn
Tölvunet 5. desember s.l. að Hótel Loftleiðum.
Yfirskrift ráðstefnunnar var - ER EKKI KOMINN
TÍMI TIL AÐ TENGJAST? Ef dæma má eftir
viðbrögðum þá virðist svo sannarlega vera áhugi
fyrir að tengjast, þvi 200 manns tóku þátt i
ráðstefnunni.
Tilgangur ráðstefnunnar var að kynna mönnum
tæknilega möguleika og reynslu notenda á tölvu-
netum hér á landi. Kappkostað var að fá fram-
sögumenn með góða þekkingu og reynslu i
tölvunetum og gagnaskiptum. Dagskráin skiptist í
tvennt og fóru báðir hlutarnir fram samtimis i
tveimur sölum. Annars vegar var fjallað um
almenn gegnanet, X.25 og simamál og hins vegar
svæðisbundin smátölvunet. Þorvarður Jónsson og
Guðmundur ólafsson fjölluðu um tæknilega mögu-
leika fyrir almenn gagnanet, en Finnur Pálsson og
Vilhjálmur Þorsteinsson, fyrir svæðisbundin
smátölvunet. Þá töluðu Jóhann Gunnarsson og dr.
Jón Þór Þórhallsson, um reynslu notenda af
almennum gagnanetum, en Baldur Sveinsson og
Bjarni Júlíusson, af svæðisbundnum smátölvunetum.
Að erindum loknum tóku fundarstjórar, Páll
Jensson og Björn Friðfinnsson, saman það helsta,
sem fram kom i hvorum sal fyrir sig. Siðan voru
almennar fyrirspurnir og umræður. Tóku margir
til máls og urðu liflegar umræður um ýmis atriði.
í lok ráðstefnunnar gafst mönnum tækifæri að
tengjast á óformlegan hátt i Vikingasal
hótelsins, þar sem bornar voru fram veitingar til
kl. 19.00. Var ekki að sjá annað en félagsmenn
kynnu að meta það vel að geta rætt þessi mál
og önnur óformlega og að fá tækifæri til að hitta
aðra félagsmenn á hinum ólíku sviðum tölvu-
tækninnar. Að dómi þeirra er þátt tóku i
ráðstefnunni tókst hún i alla staði vel, þar sem
reynt var að blanda saman tæknimálum, frásögn af
reynslu notenda og óformlegum samtölum og
tengslum. -kþ.
7