Dagur - 19.06.1998, Síða 10

-* i <1 « r
'ic ri/öí . v v v
10- FÖSTUDAGUR 19.JÚNÍ 1998
ÞJÓÐMÁL

Of gott til að vera satt!
Hér á eftir fer seinni
hlutinn af ræðu Dav-
íðs Oddssonar forsæt-
isráherra á Austur-
veHi 17. júuí.
Góðir Islendingar! Sumir segja
að hin harða lífsbarátta í þessu
landi hafi gert okkur að áhyggju-
þrunginni þjóð. Og nú eins og
endranær höfum við nokkrar
áhyggjur. Þó virðast ytri aðstæð-
ur vera hagstæðar um flest. Afli
er mikill, fiskverð hátt og fjár-
festingar eru hér með fjörlegasta
móti. Hið almenna góðæri er
smám saman að bæta hag okkar,
hvers og eins og sameiginlegra
sjóða. Það sést á ýmsu. Kaup-
máttur hefur aukist meira en
nokkru sinni fyrr. Vanskil ein-
staklinga minnka frá mánuði til
mánaðar og atvinnuleysi er lítið.
Um hvað snúast þá áhyggjur
dagsins? Við höfum sennilega
einmitt áhyggjur af því að þetta
kunni að vera of gott til að geta
verið satt. Og þess vegna sé lík-
legast að við munum glutra góð-
ærinu niður. Og vissulega eru
mörg dæmi þess að við höfum
farið verst að ráði okkar þegar
best gekk. Við skulum varast
þau víti, án þess að draga af
þeim of víðtækar ályktanir. Rit-
höfundur þarf ekki að vera von-
laus, þótt hann byrji feril sinn á
vondri bók. Flest stórskáld byrj-
uðu sem leirskáld, sagði Lax-
ness. Við höfum Iært af okkar
fyrri mistökum. Efnahagslífið er
nú opnara en áður og úrræðin
fleiri. Frelsi sjóða og einstak-
linga til að festa fé sitt utan
landsteina og möguleikarnir til
að draga úr peningamagni í um-
ferð með öflugri einkavæðingu
eru dæmi um ný tæki til að
bregðast við núverandi stöðu.
Við skulum fara vel með vel-
gengnina, en hræðast hana ekki.
Hitt er eldd síður mikilvægt,
nú þegar hagur batnar, að tæki-
færi gefst til að horfa til þeirra
þátta sem út undan hafa orðið.
„Því hvað er auður og afl og hús,
ef eingin jurt vex í þinni krús?“
Við þurfum að styrkja stöðu okk-
ar í mennta- og menningarmál-
um og tryggja að við verðum
áfram talin öðrum til fyrirmynd-
ar í heilbrigðismálum. Við höf-
um reynt að greiða niður skuld
okkar við Iandið síðustu árin og
vissulega hefur nokkuð miðað,
þótt enn sé mikið vangoldið, svo
mikið reyndar að við höfum ekki
leyfi til að draga neitt af okkur.
Við höfum með öðrum orðum
ekki leyfi til að valda hugsjónun-
um vonbrigðum. Við skulum
minnast drengsins sem vætturin
góða snart með sprota sínum og
lýst er í stuttmynd snillingsins:
„Hann skildi hana, og vildi vaka.
Og konan varð glöð yfir þessum
litla sigri. Hún tók drenginn sjer
í fang og blessaði hann, og sorg-
artárin hennar hrundu niður á
enni sveinsins, og hann fann yl-
inn úr þeim leggja um sig. Og
þráin og ástin, til fjallkonunnar
fögru, gagntók hann allan. Nú
langaði hann ekki að sofa lengur,
nú langaði hann til að vekja þá,
sem sváfu. - Og hann byrjaði á
að kveða, ósköp lágt fyrst - en
svo hærra og sterkara - og ljóðin
urðu þrungin afli grimmra end-
urminninga og bjartra vona og
hugsjóna og fólkið rumskaði og
smám saman tóku allir undir
með honum og vildu vaka, og þá
fyrst byrjaði landið að eiga þjóð,
og hefndin þokaði smám saman
á braut.
Nú eru mörg ár liðin, síðan
drengurinn söng fólkið af svefn-
inum langa. Hann hvarf út úr
landinu, til þess að kveða um
framtíð þess annarsstaðar. Nú
vakir þjóðin af vilja og hugrekki,
með von um að geta rekið hefnd-
ina á braut, sem enn á sjer djúp-
ar rætur í landinu hennar. Og
þegar hugsjónirnar verða fyrir
vonbrigðum og áformin tefjast,
safnar hún jafnan nýjum kröft-
um með því að taka undir \ið
ljóðin hans, sem ennþá berg-
mála í háfjöllunum - og í klett-
unum við ströndina." Þannig
var skrifað árið 1908, fyrir rétt-
um níutíu árum.
Góðir Islendingar, “Guð vern-
di list vors máls og Islands heið-
ur.“ Eg óska ykkur öllum gleði-
legs þjóðhátíðardags og giftu í
bráð og Iengd.
HRISALUNDUR
- fyrir þigt
HM tilboð
Maorud HM flögur
249r-
Philips myndbonds-
spólur 3x160
698r-
Candy Corl's fótboltomix
400 gr 266,-
Pringles flögur
3 stoukor + frisbee
579,-
Posto bl. teg.
5x500 gr 298,-
Hrísolundur fyrir þig.
Munið
ný]u símanúmerin
Verslun
Timbursala
Sölumenn ráðgjöf
Skrifstofa
460 3500
460 3550
460 3545
460 3530
Fax skrifstofa / verslun 460 3540
Fax timbursala 460 3560
Eldri símanúmer gilda ekki lengur
V E R S L U N
G e r ð u
b o r g a r s i g !