Dagur - 24.02.1999, Blaðsíða 3

MIÐVIKUDAGUR 24. FEBRÚAR 1999 - 3
VÍKURBLAÐW
Kettir og himdar hverfa
ÁRNILOGI
SIGUR-
BJÖRNSSON
meindýraeyðir
skrifar
Undirritaður vill hér á eftir gera
lítillega grein fyrir þeim óþægind-
um sem hann verður stundum
fyrir vegna sögusagna sem oft fara
á kreik þegar kettir og hundar hér
í bæ og nágrenni hverfa sviplega
og fínnast ekki aftur. I slíkum til-
vikum er oft haft samband við
mig og stundum finnst mér að
búið sé að gera mig að einhvers-
konar „félagsmálastjóra" og fyrir-
tæki mitt „félagsmálastofnun"
hunda- og kattaeigenda og einnig
hunda- og kattaþolenda. Jafn-
framt því að mér er ætlað að veita
einhverskonar áfallahjálp við
hunda- og kattahvarf, er ég stund-
um sterklega grunaður um verkn-
aðinn, þ.e. að vera valdur að við-
komandi hvörfum.
Ekki veit ég hver hefur skipað
mig og mitt fyrirtæki í þetta hlut-
verk eða hvenær. En þegar ég
fletti dagbókum Meindýravarna
Islands ehf. sl. tvö ár, þá sé ég að
til mín hafa borist yfir 200 kvart-
anir eða erindi aðeins vegna
katta, fyrir utan allt annað.
Óbætanlegt tjón
Þessar kvartanir hljóða margar
eitthvað á þessa leið: - „Hvað á ég
að gera, það koma kettir í barna-
vagninn hjá mér og míga í hann?
- Köttur fer inn um gluggann hjá
mér og étur frá okkur sunnu-
dagsmatinn. - Það kemur köttur
inn um svefnherbergisgluggann
og stekkur ofan á höfuð okkar
sofandi í rúminu. - Það er ekki
hægt að viðra sængurfatnað,
teppi eða mottur utandyra því
kettirnir koma og míga í þetta. -
Kettirnir eru að drepa alla ung-
ana í garðinum hjá mér. - Arni
Logi, viltu koma og sjá hvernig
kötttur nágranna míns skemmdi
bílinn minn, biýndi klærnar á
húddinu og toppnum og rispaði
og klóraði. - Árni, viltu koma og
sjá hvernig kettirnir fóru með
rósirnar í garðinum mínum. -
Árni, viltu koma og sjá, það er
búið að eyðileggja alla uppstopp-
uðu fuglana mína.“ Og svo fram-
vegis og oft er um óbætanlegt
tjón að ræða.
Sérsveit kattaeyðenda?
Það sem ég hef gert í þessum
málum er að benda viðkomandi á
að tala við þá kattaeigendur sem
hlut eiga að máli, ef vitað er um
hvaða ketti er að ræða, og einnig
að ræða við bæjaryfirvöld, t.d.
heilbrigðisfulltrúa. Oft vill eða
þorir tjónþoli ekki að tala \áð við-
komandi kattaeigendur vegna
vinskapar við þá, en kvartar ítrek-
að við heilbrigðisfulltrúa vegna
ágangs og skemmda af völdum
katta.
Hættan er sú að þegar kvart-
að hefur verið við yfirvöld sem
eiga að hafa eftirlit með katta-
og hundahaldi á Húsavík með
litlum eða engum árangri, þá
taki kattaþolendur til sinna
ráða. Þar með skapast hætta á
að þolendur katta fari að beita
heldur ógeðfelldum aðferðum til
refsingar þeim sem valdið hafa
tjóni, og verður ekki nánar farið
út í það, enda um vafasamar að-
ferðir að ræða. Eg veit auðvitað
ekki hvort hér er starfandi sér-
sveit sem gerir út á kattaeyðingu
í því skyni að láta ketti hverfa.
En ef sú er raunin, þá er það
mér með öllu óviðkomandi og á
ekkert skylt við mína starfsemi
og aðferðir.
Villikeftir eru nteindýr
En svo er það hin hliðin á þess-
um málum, þegar köttur týnist.
Þá er ekki um minni sorg og
raunir að ræða en þegar köttur
veldur öðrum tjóni og ágangi.
Sem betur fer er það stundum
svo að kettir skila sér aftur þegar
náttúran hefur lokið hlutverki
sínu, en það getur tekið 3-4 vik-
ur áður en köttur skilar sér heim
og þá taka eigendur þeirra gleði
sína á ný. Sumir kettir eru hins-
vegar með þau gen í blóðinu að
þeir vilja ekki vera gæludýr og
fara á flæking og verða þá heim-
ilislausir eða villikettir og flokk-
ast þá sem ónytjadýr eða mein-
dýr. Þessi dýr eru aflífuð þegar
þurfa þykir og á að gerast í sam-
ráði við bæjaryfirvöld og heil-
brigðisfulltrúa á mannúðlegan
hátt að undangenginni auglýs-
ingu þar sem tryggilega kemur
fram að fyrirhuguð sé sérstök að-
gerð með þetta fyrir augum, eins
og fram kemur í samþykkt um
kattahald á Húsavík frá árinu
1995.
Svo eru það kettirnir sem aflífa
þarf vegna þess að viðkomandi
eigendur hafa ekki ráð á að gefa
þeim að borða og varla heldur
ráð á að láta aflífa þá vegna
kostnaðar sem því fylgir. Oft hef
ég orðið við beiðnum um slíkt
vegna vorkunsemi við þá katta-
eigendur sem svo er komið fyrir.
Og einnig hef ég aflífað ketti sem
hafa orðið fyrir því að gleypa
öngla á línu, flækt sig í netum
eða lent undir bíl og slasast. I öll-
um slíkum tilvikum hefur undir-
itaður tilkynnt eiganda merkts
kattar um atburðinn og hafa eig-
endur ekki verið krafðir um
greiðslu vegna þessara verka,
enda hugsun mín að binda enda
á þjáningar dýranna.
Skyldux og ábyrgð
Vegna óþæginda og erfiðleika við
að sanna sakleysi mitt gegn þeim
kattaeigendum sem misst hafa
ketti sína eða týnt á sviplegan
hátt, vil ég varpa fram eftirfar-
andi spurningum til þeirra sem
eiga að framfylgja samþykktum
um hunda- og kattahald í eða á
Húsavík og nágrenni, þ.e. bæjar-
yfirvalda:
1. Hver er réttur hunda- og
kattaeigenda á Húsavík?
2. Hver er réttur þeirra sem
verða fyrir tjóni og/eða óþægind-
um vegna hunda og katta?
3. Hverjar eru skyldur og
ábyrgð þeirra sem ætla að verða
hunda- og kattaeigendur?
4. Hvert á fólk að leita vegna
tjóns og/eða óþæginda af völdum
hunda og katta?
5. Hvert á fólk að fara með
hunda eða ketti sem eru í óskil-
um?
6. Hvaða aðstöðu hafa bæjar-
yfirvöld til að taka við handsöm-
uðum hundum og köttum?
7. Hvert geta hunda- og katta-
eigendur farið með dýr sem þeir
vilja láta aflífa?
8. Hver hefur eftirlit með
hunda- og kattahaldi í bænum?
Og svo tvær almennar spurn-
ingar til bæjarbiía:
1. Eru hunda- og kattaeigend-
ur og hunda- og kattaþolendur
ánægðir með samþykkt um
hunda- og kattahald á svæðinu?
2. Hvernig fínnst þessum aðil-
um bæjaryfirvöld sinna skyldum
sínum í þessum málaflokki?
Að lokum vil ég að það komi
fram að undirritaður hefur fulla
samúð með ykkur, hunda- og
kattaeigendur, og einnig og ekki
síður með hunda- og katta-
þolendum í þessum bæ og ná-
grenni. Og ef einhverjir menn í
„sérsveitum" hafa tekið eða
hyggjast taka sér þau völd að af-
lífa eða láta ketti hverfa hér, þá
bið ég viðkomandi að hugsa sinn
gang, því það er glæpsamlegt at-
hæfi að taka líf dýra óbeðið og án
leyfís. Fyrir utan það að eigendur
heimilisdýra taka skiljanlega
miklu ástfóstri við þau og þurfa
að upplifa áhyggjur og sorg við
hvarf þeirra.
F.h. Meindýravarna íslands ehf.
Matur á Binq-Dao og miði á sýninguna
aðeins kr. 3.650
Áskrifendur Dags og viðskiptavinir íslandsflugs fá
20% afslátt af miðaverði
Borða og miðapantanir í síma 461-3690
FMIM "ifT liH ®
■nUMMAnj•«.Um«i utt
BÚNAÐARBANKI
ISLANÐS
BifreiSaverkstaði
Sigurðar Valdimarssonar
Óseyri 6 - Slmi 461 2960 - Akurayri
Rommí er einnig sýnt í iðnó í Reykjavík
ISLANDSFLUG
gerir fieirum fært að fljúga

á Akureyri
Sýningar á Renniverkstæðinu
2. sýning, fim. 25. febrúar, kl. 20:30, laus sæti
3. sýning, fös. 26. febrúar, kl. 20:30, laus sæti
4. sýning, lau. 27. febrúar, kl. 20:30, laus sæti