Dagur - 17.03.2000, Blaðsíða 8

8 - FðSTUDAGUR 17. MARS 2000

ÞJÓÐMÁL
Frá borgarafundi á Akureyri um
byggðamái þar sem Stefán Jón
Hafstein flutti framsögu. Pétur
segir í grein sinni að þar hafi kom-
ið fram gagnleg umræða um hvað
hugtakið „iandsbyggð" væri víð-
femt.

^ÍSÍIÉ im mw#ri m y íi’ •
P • ■ ■ 1* - TL, 9 ' Mh *
Akureyri á nýrri ðld -1.
PÉTUR
JOSEPSSON
FASTEIGNASALI
SKRIFAR
Það er óhætt að segja að sjón-
varpsþættir Stefáns Jóns Haf-
stein, Sögur af landi, hafi orðið
til þess að vekja ýmsa til umhugs-
unar. A fundi sem haldinn var á
vegum Háskólans á Akureyri, Ak-
sjón og Atvinnuþróunarfélags Ak-
ureyrar flutti Stefán Jón erindi
þar sem hann fyrst og fremst end-
urtók það sem áður hafði komið
fram í þáttum hans en hnykkti þó
á ýmsu eins og t.d. hvaða skil-
greiningu honum fyndist réttara
að hafa á hugtakinu landsbyggð
og hvað landsbyggð væri í raun
mörg hugtök.
Síðan stóðu upp nokkrir bæjar-
fulltrúar og sögðu nokkra sjálf-
sagða hluti til þess að minna á
sig, svo og Tryggvi Gíslason,
Benedikt Sigurðarson og nokkrir
fleiri en stuttur hádegisverðar-
fundur er bara stuttur og ekki
varð maður var við margar nýjar
hugsanir. Kannski ekki nema von.
En framtak fundarboðenda er
gott. Og í fundarsal var fullt af
fólki. Það var líka gott.
Landsbyggð
Sá þáttur í máli Stefáns Jóns sem
áhugaverðastur var lýtur að hug-
takinu landsbyggð. Landsbyggð
og landsbyggð er ekki það sama.
Það er ekki sama hvort talað er
um Akureyri og Eyjafjarðarsvæðið
eða fámenn sjávarþorp lands-
byggðarinnar eins og Breiðdalsvík
eða Flateyri. Þetta 15 þúsund
manna bæjarfélag okkar með öll-
um þeim stoðum þjónustu-,
menningar- og afþreyingargreina
(infrastrúkúr) Sem hér er til á sér
auðvitað framtíð sem er með allt
öðrum hætti en smáþorp við sjáv-
arsíðuna. Hér á Akureyri er það
afl til sem getur fengist við stór,
vandasöm verkefni.
En til þess að svo megi verða
þá þýðir ekki að bíða sífellt eftir
því að aðrir geri hlutina fyrir okk-
ur, - bíða sífellt eftir peningum að
sunnan. Bjargráð að sunnan er
maður búinn að heyra ótal sinn-
um í kosningabaráttu fyrir bæjar-
stjórnarkosningar. Allir lands-
málaflokkarnir sem boðið hafa
fram til bæjarstjórnar hafa ætíð
lagt áherslu á að nú ætluðu menn
sko að landa peningum að sunn-
an. Og það hefur gengið í kosn-
ingabaráttunni en ekki lengra.
Eftir kosningar hvílast menn
lengi í stólum sínum á bæjar-
stjórnarfundum, stundum jafnvel
alveg fram að næstu kosningum.
Og vart má minnast ógrátandi á
farsann í kringum SH eða IS.
Frumkvæðið
Ennfremur verða Akureyringar að
hafa frumkvæði sjálfir með hugs-
unum sem þeir láta í Ijós, hug-
myndum sem þeir koma á fram-
færi, - að hafa kjark til þess að
láta í sér heyra, þora að tala og
skrifa. Akureyri þarf fólk sem læt-
ur sér annt um framtíðina og ekki
er háð landsmálaflokkunum, þótt
það kunni að vera þar meðlimir,
og er tilbúið taka áhættuna af því
að láta skoðanir sínar í Ijós.
Hér að framan sagði ég 15 þús-
und manna bæjarfélag. Hvað
erum við búin að vera 15 þúsund
manna bæjarfélag Iengi? Nokkur
ár. Liðsoddar bæjarfélagsins eru
því dauðfegnir að ekki fækki í
bænum en þar er aðeins hálfsögð
sagan. Fólksfjölgun á Islandi er
um 1,2% á ári að meðaltali, að ég
held. Það þýðir að Akureyringum
ætti að fjölga um 180 manns á
ári. Fyrir 5 árum vorum við um
15 þúsund. Okkur hefði átt að
fjölga um 180 manns á ári síðast-
liðin 5 ár eða um meir en 900
manns og vera orðin tæplega 16
þúsund. En við erum það ekki.
Við erum ennþá um 1 5 þúsund.
Möguleikamir?
Akureyri vex ekki - af hverju ekki?
Nýsköpun er lítil, undanhald hef-
ur verið í sumum atvínnugrein-
um, forystusauðir hugmynda-
snauðir og þreyttir í stólum sínum
í bæjarstjórninni og vita ekki hvað
þeir eiga að gera. Hvers vegna í
ósköpunum voru þeir eiginlega að
bjóða sig fram? Margsagt hefur
verið áður: - Hvar værum við
staddir ef ekki hefðu komið til á
síðasta áratug Samherji hf. og
Háskólinn á Akureyri? En ekki
má gleyma því að Akoplast stækk-
ar verulega á þessu ári og enn-
fremur eru nú allmiklar bygginga-
framkvæmdir í bænum og meiri
framkvæmdir framundan þegar
bygging verzlanamiðstöðvar á
Gleráreyrum hefst. En samt er
engin fjölgun íbúa í bænum.
En hvar liggja möguleikar okk-
ar til vaxtar? Eg hef engin abso-
lut svör við þvf en það má reyna. -
I fyrsta lagi vil ég nefna það sem
ég hef oft minnst á áður. Við eig-
um í bænum fullt af hæfu starfs-
fólki á heilbrigðissviði. Gott
læknalið á Fjórðungssjúkra-
sjúkrahúsinu, gott hjúkrunarfólk
og aðlaðandi spítala en hann hef-
ur einn megin ókost. Hann er
alltof Iftill. Lítill spítali þrífst ekki
vel. Nútíminn krefst tækni og sér-
fræðinga. Unga, vel menntaða
sérfræðinga sem starfað hafa á
stórum sjúkrahúsum erlendis er
erfitt að fá til Akureyrar. Mikill
hluti þeirra hefur lítinn áhuga á
að starfa á sjúkrahúsi þar sem eru
aðeins 3-4 læknar á deild. Þeir
þurfa að vera fleiri - miklu fleiri -
t.d. 8 til 12 á deildum eins og
lyfjadeild, bæklunardeild, skurð-
deild svo einhverjar spítaladeildir
séu nefndar. Af þessum orsökum
er nú þegar erfiðleikum háð að fá
nýja sérfræðinga til Fjórðungs-
sjúkrahússins.
Starfsumhverfi sjúkrahúslækna
verður að vera hvetjandi - þeir
þurfa spennandi starfsumhverfi
og viðfangsefni til þess að þrífast
almennilega. Fjórðungssjúkra-
húsið á Akureyri þarf að vera
a.m.k. helmingi stærra. Hver seg-
ir að hátæknisjúkrahús á Islandi
þurfi einungis að vera á suðvest-
urhorni landsins? Það er aðeins
spurning um pólitík. I öðru lagi,
rannsóknastofnun á heilbrigðis-
sviði í tengslum og í samvinnu við
Háskólann á Akureyri er einnig
e.t.v. hugsanlegur kostur. Getum
við gert Akureyri aðlaðandi íýrir
rannsóknir á einhverjum þáttum í
líffræði, erfðafræði, lífefnafræði
o.s.frv.? Hér er verkefni fyrir bæj-
arfélagið að taka upp og kanna.
Hér er hlutverk fyrir bæjaryfir-
völd sem auðvitað skilja að þau
hafa annað og meira hlutverk en
að láta kjósa sig á fjögurra ára
fresti. Fyrir bæjarstjóra sem þarf
skilja að hans er ekki þörf í dag-
legum rekstri Akureyrarbæjar
heldur er hlutverk hans að leita
að verkefnum framtíðarinnar fyr-
ir bæjarfélagið, hafa forystu um
nýsköpun, hvetja frumkvöðla til
dáða, styðja við hugmyndir o.s.frv.
Forustan
Það hlýtur að mega finna ein-
hverja sem eru tilbúnir að sitja í
stjórnum FBA, Samheija hf og
Landsvirkjunar. Slíkt hlýtur að
vera tímaþjófur fyrir önnum kaf-
inn bæjarstjóra nema hann sé á
svo vondu kaupi að hann neyðist
til hafa aukasporslur. Við þurfum
bæjarstjóra sem er í vinnunni
sinni við sköpun framtíðarinnar, -
bæjarstjóra sem þorir að mynda
starfshópa fólks, sem er mildu
hæfara en hann, um hin ýmsu
verkefni en undir hans stjórn. Og
bæjarstjórn sem kann, vill og get-
ur stutt og haft frumkvæði í al-
vöru baráttu fyrir vexti bæjarins,
fjölbreyttara og öflugra atvinnu-
lífi, en til þess þarf bæjarstjórn
sem er gædd lífi og hugsar lengra
en í knattspyrnuhúsum. Og
atvinnumálanefnd sem veit af
hverju hún er til. Nóg í dag en
síðan aftur að möguleikum á heil-
brigðissviði.
Smásagnasamkeppni
Dags og Menor
Skilafrestur í smásagnasamkeppni Dags og Menor er til 1. maí næstkonandi.
Þátttaka er öllum heimil í keppninni en skila þarf smásögunni undir dulnefini en nafn höfundar skal fylgja með í lokuðu
umslagi. Glæsileg bókaverðlaun. Sögurnar sendist til Dags, Strandgötu 31 600 Akureyri merktar. Sjá nánar á Menningarvef
Akureyrar http//www.akureyri.to
„Smásagnasamkeppni Dags og Menor((