Dagur - Tíminn Reykjavík - 20.06.1997, Síða 5

^ ° 'Fökráúdtfur 5
Húsnæðismálastofnun
Páll Pétursson:
„Feginn væri ég
ef ég hefði sann-
færingu fyrir því
að Húsnæðis-
stofnun væri það
vel rekin að ekk-
ert þyrfti að
skipta sér af
henni.“
Misskilningur að hér
sé um samsæri að ræða
að er síður en svo að óg vilji hlaða
undir bankana. Feginn væri ég ef ég
hefði sannfæringu fyrir því að Hús-
næðisstofnun væri það vel rekin að ekkert
þyrfti að skipta sér af henni,“ sagði Páll
Pétursson félagsmálaráðherra í gær.
Birgir Dýrfjörð, þinglóðs Alþýðuflokks-
ins, hefur tekið saman „Ferilskrá" sem
hann vann upp úr fundargerðum Hús-
næðismálastjórnar og bréfum hennar.
Hann kemst að þeirri niðurstöðu að ráð-
herra og bankamenn hafi efnt til samsær-
is gegn Húsnæðisstofnun.
Viðræður standa yfir við bankana um
að þeir taki yfir viðskipti húsbréfadefidar
Húsnæðismálastofnunar. Páll sagði að
þess væri að vænta að niðurstaða næðist
bráðlega.
„Það er mikill misskilningur að hér sé
um eitthvert samsæri að ræða. Húsnæðis-
batteríið kostar okkur árlega í kringum
hálfan milljarð og það eru viðskiptamenn
Húsnæðisstofnunar sem bera uppi þessa þjónustu
með ýmsum gjöldum. Það sem vakir fyrir mér er
að kanna hvort hægt sé að lækka þennan kostn-
að,“ sagði Páll Pétursson félagsmálaráðherra í
gær.
Páll segir að forsenda þess að flytja þá starf-
semi sem nú er unnin í Húsnæðismálastjórn til
lánastofnana eða annað sé að hún verði
unnin á ódýrari hátt fyrir neytendur en
Húsnæðismálastjórn getur.
Ráðherrann segir að af meðalláni,
2,5 milljónum króna, borgi menn 25
þúsund krónur í lántökugjald auk þess
að bera afföll af bréfunum. Sá sem tæki
við gömlum húsbréfum þyrfti ekki að
greiða slíkt gjald og taki ekki þátt í
rekstrarkostnaði Húsnæðismálastofn-
unar.
„Bankarnir telja hins vegar að það sé
einhver kostnaður því samfara þegar
húsbréf skipta um hendur og þeir telja
réttmætt að greitt sé íyrir þá þjónustu.
En þá segjum við að þá verði lántöku-
gjaldið á þá sem taka ný lán að lækka,
því þeir eru í raun að borga kostnað
fyrir þá sem síðar kunna að eignast
húsbréfin. Um þetta snýst málið,“ sagði
Páll Pétursson.
»Ég er nú vanur Birgi vini mínum
Dýríjörð sem sannleiksvitni og kippi mér ekki
upp við að hann snúi út úr einhverju," sagði Páll
Pétursson, þegar hann var spurður um samsæris-
kenningu Birgis.
Ekki náðist í Sigurð E. Guðmundsson, forstjóra
Húsnæðismálastjórnar, í gær. -JBP
Páll Péturs-
son félags-
málaráð-
herra vísar
á bug að-
dróttunum
þingliðs
Alþýðu-
flokksins
vegna
væntan-
legrar yfir-
töku bank-
anna á hús-
bréfunum.
Barnaspítali Hringsins
Fertugsafmæli fagnað
Barnadeild Landspítalans hélt í gær upp á 40
ára starfsafmæli. Einnig var því fagnað að
farið er að hylla undir að nýr barnaspítali
mxmi rísa en í gær hófst formlega samkeppni um
hönnun nýs húss fyrir Barnaspítala Hringsins.
Á afmælisfagnaðinum í gær voru m.a. afhent
listaverk sem tvær listakonur hafa gefið barna-
spítalanum. Steinunn Helga Sigurðardóttir,
myndlistakona í Danmörku, gaf þrjár stórar
myndir en framlag Sólveigar Baldursdóttur,
myndhöggvara á Akureyri, var marmarastytta
sem var afhjúpuð í gær. Styttan og málverkin
munu í framtíðinni prýða hið nýja húsnæði.
Gert er ráð fyrir 50 sjúkrarúmum á nýja
barnaspítalanum. Þar verður vökudeild, gjör-
gæsludeild, ungbarnadeild, handlækningadeild,
almenn legudeild, göngudeild, dagdeild, grunn-
skóli, leikaðstaða, skrifstofur, bókasafn, búnings-
aðstaða starfsfólks og aðstaða fyrir foreldra svo
eitthvað sé nefnt. AI
Stutt og laggott
Nefnd kannar EES-reglur
Davíð Oddsson, forsætisráðherra, hefur skipað nefnd sér-
fræðinga til að athuga meðferð reglna sem settar hafa verið
á hinu Evrópska efnahagssvæði og kanna hvort sá háttur
sem hafður hefur verið á um upptöku þeirra hér á íslandi
fullnægi ýtrustu kröfum stjórnskipunar- og stjórnarfarsrétt-
ar og hvernig þær eru aðlagaðar að landsrétti. í nefndina
voru skipaðir: Jón Steinar Gunnlaugsson, hrl. formaður;
Árni Kolbeinsson, ráðuneytisstjóri; og Stefán Már Stefáns-
son, prófessor.
Hönnunarsamkeppni fyrir Höfða
Reykjavíkurborg hefur ákveðið að efna í fyrsta sinn til sam-
keppni um hönnun húsgagna. Um er að ræða ný húsgögn
fyrir móttökusal Höfða og hefur forval þegar farið fram. Alls
bárust 12 umsóknir í forvalið og hafa þegar verið valdar
Qórar til að vinna upp tillögur og verður þessum aðilum
greidd föst upphæð fyrir þær. Þeir sem valdir hafa verið til
að vinna þessar tillögur eru: Erla Sólveig Óskarsdóttir; Guð-
rún Margrét Ólafsdóttir og Oddgeir Þórðarson; Kristinn
Brynjólfsson; og Þórdís Zoega. Samkvæmt upplýsingum frá
Hildi Kjartansdóttur, móttökufulltrúa í Höfða og dómnefnd-
armanni, verður við val á tillögu einkum lögð áhersla á að
nýju húsgögnin falli vel að aldri og virðuleik Höfða og þeim
húsbúnaði sem er þar fyrir.
Nýja heilsugæslustöðin í Laugarási.
Ný heilsugæsla í Laugarási
Á morgun, laugardag, mun Ingibjörg Pálmadóttir, heilbrigð-
isráðherra, opna nýtt húsnæði heilsugæslustöðvarinnar í
Laugaarási í Biskupstungum. Heilsugæslustöðin þjónar sex
hreppum í uppsveitum Árnessýslu og eru íbúar læknishér-
aðsins rúmlega 2.000 manns. Nýja stöðin er 490 fermetrar
og verður þar aðstaða fyrir tvo lækna og annað starfslið.
Hrefnusigur í Zimbabwe
Utanríkisráðuneytið telur niðurstöðu á ráðstefnu aðildar-
ríkja CITES-sáttmálans (sem ijallar um viðskipti með dýr og
plöntur í útrýmingarhættu) sem haldin var í Zimbabwe vera
mikinn sigur fyrir sjónarmið sjálfbærrar nýtingar allra
dýrastofna. Ráðuneytið er þar að vísa til þess að samþykkt
var tillaga Norðmanna á ráðstefnunni mn að breyta beri
flokkun tveggja hrefnustofna í norðurhöfum, frá því að vera
stofnar í útrýmingarhættu og yfir í að vera tegundir sem
unnt er að stunda viðskipti með undir eftirliti. Tillagan var
hins vegar ekki samþykkt með 2/3 hluta greiddra atkvæða
þannig að hún hefur ekki bindandi þýðingu fyrir aðildarríki
CITES.
Heilbrigðisráðherra afhendir heilsuverðlaunin.
Hananú fær heilsuverðlaun
Heilsuverðlaun heilbrigðisráðuneytisins féllu í ár í skaut frí-
stundaklúbbsins Hananú í Kópavogi. Hananú hefur staðið
fyrir hvers kyns félagsstarfsemi og heilsubótarstarfi fyrir
eldri borgara um árabil og í samtökunum starfa nú um 600
manns.
Heilsa og heilbrigði
Geta heilbrigðir h'fshættir bætt heilsu og þar með dregið úr
sívaxandi kostnaði við heilbrigðiskerfið?
Þetta er spurningin sem ijallað verður um á ráðstefnunni
„Heilsa og heilbrigðir lífshættir“ sem haldin verður á Sauð-
árkróki helgina 12.-13. júlí. Rætt verður um ábyrgð einstak-
lingsins á eigin heilsu og nauðsyn þess, að heilbrigði verði
ríkari þáttur í orðum og athöfnum starfsmanna heilbrigðis-
kerfisins og alls almennings. Flutt verða íjölmörg forvitnileg
erindi og reynt að svara þeirri spurningu hvort nýjar leiðir
séu færar í heilbrigðisgeiranum. Ráðstefnan er hluti af af-
mælisdagskrá Sauðárkróksbæjar og er skipulögð í sam-
vinnu við heilbrigðisráðuneytið, Sauðárkróksbæ og Náttúru-
lækningafélag íslands. AI