Dagur - Tíminn - 11.09.1996, Síða 6

18 - Miðvikudagur 11. september 1996

MENNING O G LISTIR
Guð valdi mennina til að
þjóna sér (ekki geimverur)
Hvernig myndi prestur í Þjóðkirkjunni eða
Snorri í Betel bregðast við ef geimverur létu
loks af því verða að lenda undir Jökli? Hefur
Guð kannski vitað af Marsbúunum alla tíð?
s
kjölfar þess að vísinda-
menn töldu sig hafa fundið
leifar af örverusteingerv-
ingi á loftsteini frá Mars sem
legið hefur á Suðurskautsland-
inu í um 13 þúsund ár hafa
menn velt því fyrir sér hvaða
stöðu hugsanlegar geimverur
hefðu í trúarbrögðum þessa
heims. Þessi umræða hefur enn
magnast vegna nýjasta Holly-
wood tryllisins, Independence
Day, þar sem geimverur gera
árás á jörðina. Trúboðar hafa
ekki velkst í vafa um að þeirra
Guð sé guð allra manna, hvar
sem þeir nú eru og hvernig sem
þeir líta út. En hvað um geim-
verur? Er hann líka guð þeirra?
Hroki mannkyns
í Newsweek fyrir skömmu
komu fram þær skoðanir að
finnist líf á öðrum hnöttum væri
það sönnun þess að ímyndunar-
afl manna setti athöfnum guðs
ekki skorður. Það bæri jafn-
framt vott um hroka mannkyns
að álíta sköpunargáfu guðs
þurrausna eftir að hann skap-
aði manninn, þ.e. að sköpunar-
gáfa hans dygði ekki til að
skapa fleiri hugsandi verur inn
í alheiminn.
Dagur-Tíminn hafði sam-
band við Kristján Björnsson,
prest á Hvammstanga og rit-
stjóra Kirkjuritsins, og spurði
hann hvort kristin trú næði
einnig yflr lífverur frá öðrum
hnöttum.
Jarðmiðlægt rit
„Jú, auðvitað gerir hún það ef
þær eru þá til. Ég tel kristna trú
ekki bundna við þá þekkingu
sem til er hjá vísindamönnum á
hverjum tíma. Trúin á Drottin
hefur áður verið víkkuð út fyrir
aðrar þjóðir en Hebreana í
upphafi."
Kristján segir ekkert útilokað
að kristin trú nái út í geiminn,
þvert á móti enda hafi Guð
skapað veröldina alla. „Öll
framsetningin í Biblíunni er
auðvitað jarðmiðlæg því menn í
þá daga ímynduðu sér ekki
annað líf en á þessari jörð.
Stjörnur á festingu himinsins
eru þá eins og hvert annað
skraut fyrir jarðarbúa og til að
lýsa þeim um nætur.“
Guðs útvaldi hnöttur
Það er ekkert í Biblíunni sem
útilokar að líf leynist annars
staðar en á jörðu að mati Krist-
jáns. „Guð hefur valið þetta fólk
til þess að þjóna sér en það
þýðir þá líka að hann hlýtur að
hafa haft úr einhverju að velja.
Hann ákvað að binda trúfesti
sína við þetta mannkyn.“
- Þannig að jörðin er guðs
útvaldi hnöttur?
„Það getur vel verið að eftir
einhver hundruð ára förum við
að tala um Guðs útvöldu jörð.“
- Kristur þjáðist þá á kross-
inum vegna synda geimverá
jafnt sem manna?
„Fæðing Krists og upprisa er
einstakur atburður í sögunni
sem átti sér bara stað hér á
jörðu. í Biblíunni er ævinlega
talað um allt mannkyn. En það
er ekki viðurkennt að dýr hafi
sín trúarbrögð, og þar með tal-
ið örverur, en líf þeirra er sett í
okkar vörslu."
Geimverur ekki
náðarvana
Snorri Óskarsson, safnaðar-
hirðir í Vestmannaeyjum, leiðir
þar nokkuð bókstafstrúaðan
söfnuð þar sem enginn maður
er talinn fæddur náðarvana,
hvorki nýfæddir né heiðingjar,
skírðir eða ekki. Því telur
Snorri að geimverur hljóti að
njóta sömu náðar og mennirnir
í augum Krists. „Enda hlýtur að
vera einn og sami höfundur að
þessu öllu sarnan."
Aðspurður hvort Jesú kvald-
ist á krossinum fyrir geimverur
jafnt sem menn vitnaði Snorri
til Biblíunnar og sagði þar
koma greinilega fram að Jesús
dó vegna synda mannanna. „En
hefur Jesús Kristur farið á aðr-
ar stjörnur, kvalist þar og dáið?
Nei, vegna þess að hann leið og
dó í eitt skipti fyrir öll. En það
mætti hugsanlega færa rök fyrir
því að þetta hafi verið svo
áhrifamikil fórn að allt h'f, sama
hvar í himingeimnum það er,
það hafi fengið borgaða synda-
kvittunina."
„Ég hef nú ekki mikla
trú á því að geimverur
séu holdi klæddar. Ég
held miklu frekar að
þetta sé blekkingavefur
djöfulsins til að blekkja
mennina inn í þennan
hugmyndaheim sem
snýr mönnum frá
kristinni trú og fórnar-
dauða Jesú Krists,“
segir Snorri í Betel.
Blekkingavefur
djöfulsins
Snorri segir engar vísbendingar
í Biblíunni um að vitsmunalíf sé
til á öðrum hnöttum. „En Páll
postuli talaði um verur í himin-
geimnum. Á einum stað vísar
hann til þess að það eru anda-
verur vonskunnar í himin-
geimnum. Ef menn eru að
Eru geimkyn til?
Kristján: „Guð hefur
valið þetta fólk til þess
að þjóna sér en það
þýðir þá líka að hann
hlýtur að hafa haft úr
einhverju að velja.“
Snorri: „Ég held
að Guð hafi ekki
haft úr neinu
að velja.“
hugsa um geimverur, þá ættu
það að vera þessar andaverur
vonskunnar."
- Þannig að ef geimverur eru
til þá hljóti þær að vera holdi
klæddir boðberar vonskunnar?
„Ég hef nú ekki mikla trú á
því að þetta sé holdi klætt. Ég
held miklu frekar að þetta sé
blekkingavefur djöfulsins til að
blekkja mennina inn í þennan
hugmyndaheim sem snýr
mönnum frá kristinni trú og
fórnardauða Jesú Krists.“
- Þ.e. heim tækni og vísinda?
„Já.“
- Það hafl þá verið djöfullinn
sem kom þessum örveruleifum
fyrir á loftsteininum frá Mars?
„Nei. Mér flnnst það ekki
sterk vísbending um líf á öðrum
hnöttum þótt tugi þúsunda ára
gamlar dýraleifar flnnist á
einhverjum Marssteini sem hef-
ur legið á Suðurskautslandinu í
13 þúsund ár. Ég tel að steinn
sem lendir á jörðu mengist
strax af jarðneskum efnasam-
böndum og lífverum.“
Guð lýgur ekki
- Þú telur það ekki hrokafullt af
okkur að telja Guð svo tak-
markaðan að hann geti ekki
skapað fleiri hugsandi verur?
„Nei. Við tökum við upplýs-
ingum í guðs orði með auð-
mýkt. Það væri allt eins hroki
að halda því fram að Guð sé að
ljúga að okkur í biblíunni.
En hugsanlega hefur Guð
stoppað sköpunarverkið þegar
mannkynið féll í synd. Hann
hafl þá hætt að skapa á öðrum
hnöttum og geymt það til betri
tíma þegar hann væri búinn að
binda djöfulinn og dauðann.“
lóa