Dagblaðið Vísir - DV - 06.06.1986, Blaðsíða 8
30
DV. FÖSTUDAGUR 6. JÚNÍ 1986.
MYND-
BÖND
UMSJON:
Þorsteinn
Vilhjálmsson
Heldur látlausum vinsældalistum
er stillt upp þessa vikuna. Sumarið
er komið, með rigningu, roki og ein-
staka sólargeisla. Veturlúnir Islend-
ingar taka útiveru fram yfir
inniveru. DV-myndalistinn skartar
enn heiðri Prizzie’s í efsta sætinu.
Rannsóknarblaðamaðurinn Fletch
er þó fylginn sér og fer upp í annað
sætið. Einfarinn hörfar í það fjórða
og tveim sætum neðar er kollegi
hans, Max, á ferð. Þriðja myndin í
þessum flokki virðist njóta hylli
þrátt fyrir þreytulegt yfirbragð.
Kannski trekkir Tina Tumer. Á
þáttalistanum er allt með enn kyrr-
ari kjörum. Þrjár efstu þáttaraðimar
skera sig algerlega úr hvað útleigur
snertir, aðrar ku rétt hreyfast á
sunnudögum.
Sumarið er sennilega versti óvinur
myndbandaleiga.
DV listinn
Myndir:
1(1)Prizzie’s honor
2(4)Fletch
3(2)Vitnið
4(3)Pale rider
5(7)Plenty
6(-)Mad Max beyond
thunderdome
7(6)St.Elmos fire
8(5)lnvasion USA
9(-) A nigth in heaven
IO(9)Námur Salómons konungs
Þættir:
1(1)Blood and Orchids
2(2)Feigðarsýn
3(3)Spairfields daugther
4(4)Jack Holborn
5(6)A fortuned life
6(5)Kane and Able
7(7)Death in California
8(9)Golden pennies
9(19)Saga Kent fjölskyldunnar
10(8)Tvö á flótta
Bandarikin:
1(1)Witness
2(4)Cocoon
3(2)Commando
4(3)Kiss of the spider woman
5(6)lnvasion USA
6(5)Return of the Jedi
7(9)The goonies
8(7)Silverado
9(10)Fright night
10(8)Prizzie’s honor
★ ★
Harry heljarmenni
Dirty Harry
Framleiöandi: Don Siegel
Handrit: Harry Julian Fink, R.M. Fink
Leikstjóri: Don Siegel
Aöalhlutverk: Clint Eastwood
Bönnuð innan 16 ára.
Þessi mynd átti hvað mestan þátt
í að skapa Eastwood einfaraímynd
stórborgarinnar. Harry Challahan
er enginn venjulegur lögreglu-
þjónn. Hann er „súperlögga” eins
og Eddy Murphy hefði orðað það.
Harry er ekki kallaður dirty fyrir
ekki neitt. Hann er nefnilega settur
í öll verstu skítverk lögreglunnar,
verkefni sem enginn annar vill
taka að sér. Magnuminn er látinn
útkljá ófá málin og Harry vart
bliknar. En svo fær heljarmennið
andstæðing sem reynist honum erf-
iður ljár í þúfu. Hálfóður hippi
gengur laus og skýtur allt kvikt.
Harry nær að hafa hendur í hári
hans en þá taka yfirvöld upp á
þeirri firru að sleppa honum laus-
um. Harry verður að vonum reiður
og tekur lögin í sínar hendur.
Það er athyglisvert að skoða
þessa mynd út frá tíðarandanum
sem ríkti 1971 þegar myndin var
gerð. Það er engin tilviljun að aðal-
andstæðingar Harrys skuli vera
negrar og hippar. Meirihluti
Bandarikjamanna hefur örugglega
verið Harry hjartanlega sammála
á þessum tíma um að slíkum minni-
Harry þungur á brúnina enda hálfóður hippi að gera honum lífið leitt.
hlutahópum bæri skilyrðislaust að
útrýma. 1 dag gegnir sem betur fer
öðru máli. Ofbeldið er það sem fyrst
og fremst stingur í augun, boðskap-
urinn sem einkennir svo margar
myndir Eatwood, auga fyrir auga,
tönn fyrir tönn.
Sem spennumynd hefur Dirty
Harry elst vel. Atburðarásin er
hröð, aldrei dauður punktur, en
þeim mun meira af dauðum mönn-
um. Eastwood er harkan sex í
hlutverki hetjunnar og fer með
rulluna af miklu öryggi. Þetta er
skotheld afþreying fyrir aðdáendur
kappans. Öðrum þykir vafalítið
blóðbaðið og hrottaskapurinn
fullmikið af því góða.
EgmnsEiEsa
meira af Max
Mad Max beyond thunderdome
Handrit: Terry Hays, George Miller.
Tónlist: Maurice Jarre.
Leikstjóri: George Miller, George Ogilve.
Aðalhlutverk: Mel Gibson, Tina Turner.
Bönnuð innan 16 ára.
Þriðja myndin um uppgjafarlögg-
una Max og áreiðanlega sú siðasta.
Hér ráfar Max enn um í eyðilegg-
ingu kjarnorkustyrjaldar. Að þessu
sinni á hann í höggi við gamla
kyntröllið Tinu Turner.
Tina leikur drottningu borgar
nokkurrar sem tildrað var upp eftir
styrjöldina miklu. Um tíma lítur
út fyrir að Max biði lægri hlut en
fyrir tilstuðlan krakkahóps nær
hann að ráða niðurlögum Tinu-
gengisins. Síðan heldur Max enn
einn síns liðs út í eyðimörkina og
snýr vonandi aldrei aftur.
Það ber flestum saman um að
þessi þriðja útgáfa Max formúl-
unnar sé algert flopp. Mel Gibson
virðist allavega búinn að fá nóg.
Það skin af honum óhamingjan í
aðalhlutverkinu. Hvað Tinu Turn-
er viðvíkur þá leikur hún jafnilla
og hún syngur. Röddin minnir mest
á skrjáf í sandpappír og sem kyn-
bomba er hún löngu sprungin.
Miller leikstjóri verður gersvovel
að fara að feta nýjar slóðir ef hon-
um er á annað borð annt um feril
sinn sem leikstjóra. Það eina sem
stendur fyrir sínu er tónlist
Maurice Jarre. Sá náungi bregst
afar sjaldan.
★ ★
Átök í undirdjúpum
The deep
Framleiöandi: Peter Guber
Handrit: Peter Benchley, Tracy Keeman
Wynn
Leikstjóri: Peter Yates
Aðalhlutverk: Robert Shaw, Jacqueline
Bisset, Nick Nolte
Bönnuö innan 16 ára.
Sjötíu og sjö módel af neðansjáv-
arþriller. Ungt par finnur flak
einhvers staðar við Bermúdaeyjar.
í því reynast vera fomir hlutir og
slatti af morfíni frá striðsárunum.
Þau vilja fjársjóðinn en heima-
menn morfínið. Hefst nú barátta
upp á líf og dauða.
The deep er leikstýrt af Peter
Yates, þeim sama og leikstýrði The
dresser. Dresser er að mínu viti
hápunkturinn á ferli Yates en karl
hefur sýnt að hann er fullfær um
að gera þokkalegar spennumyndir.
Djúpið er nefnilega ekki sem verst.
Með Nolte, Bisset, Shaw og hand-
riti Peter Benchley (skrifaði Jaws)
tekst Yates að gera nokkuð heil-
steypta mynd. Einstaka átök eru
hressileg þó nokkuð vanti upp á
að lokaatriðið sé nægilega magn-
þrungið.
Hafirðu lítið að gera þá sakar
ekki að kíkja i undirdjúpin með
Nolte og co. Og auðvitað hefur
Benchley sæskrímsli til að drama-
tísera aðstæður. Okkar á milli sagt
þá bítur það af eins og eitt höfuð
áður en yfir lýkur.
ím$ mmm m &s m&*8*
Vér mótmælum
The bride
Framleiöandi: Vidor Drai
Handrit: Lloyd Fonvielle
Leikstjóri: Frank Roodam
Aöalhlutverk: Sting, Jennifer Beals
Bönnuð innan 16 ára
Að gera mynd um væntanlega
eiginkonu Frankensteins greifa er
ekki aðeins kjánalegt. Það er ger-
samlega út í Hróa hött. Svona
myndir gengu hvað best á þriðja
áratugnum. Síðan eru liðin mörg
ár.
Sting söngvari hefur reynt ýmis-
legt fyrir sér í kvikmyndum frá því
hann steig sín fyrstu spor í rokk-
myndinni Quadrophenia. Ég full-
yrði að aldrei hefur hann lagst
svona lágt. Hvílík sóun á þokka-
legum hæfileikum. Flashdance
drottningin Jennifer Beals leikur
dúkkuna sem greifinn skapar. Be-
als er auðvitað bráðfalleg en eins
og kjáni í hlutverkinu. Hún ætti
að halda sig við djassballettinn.
Ekki er allt búið enn. Það sem
kemur mest á óvart er að sjá hér
núverandi óskarsverðlaunahafa,
Geraldine Page. Hún leikur þernu
Frankensteins. Trúið þið þessu?
Hvað var konuræfillinn eiginlega
að hugsa?
Ég persónulega trúi þessu varla.
Hvernig dettur nokkrum manni í
hug að leggja peninga í annað eins?
Hvað halda framleiðendurnir eig-
inlega að við séum? Fífl? Ég leyfi
mér að mótmæla þessari móðgun
fyrir hönd okkar allra.