Dagblaðið Vísir - DV - 08.04.1991, Blaðsíða 2

22
MÁNUDAGUR 8. APRÍL 1991.
Ferðir
Vélsleðaferð um vetur:
Léttur sveigur um hálendið
Ostaveisian í lauginni.
Um miðjan mars lögðu þrenn hjón
af suðvesturhorninu upp í vélsleða-
ferð um hálendið. Hjónin heita Sæv-
ar og Bryndís, Ólafur og Heiðrún og
Jón Birgir og íris. Á Hveravöllum
slóst svo í hópinn Sveinn bóndi, á
Hrafnkelsstöðum í Hrunamanna-
hreppi. Ferð þessi kom í stað móts
vélsleðamanna sem haldið hefur ver-
iö í Mývatnssveit síðustu ár en féll
niður nú vegna snjóleysis.
Ferðin, sem standa átti í 5 daga,
hófst miðvikudaginn 13. mars. Lagt
var upp frá Dímon, sem stendur í
Gjábakka fyrir ofan Þingvelli. Veður
var stillt, en svolítil mugga inn til
fialla. Færi var gott og lá leiöin inn
Tindaskagann í átt að Skjaldbreiö,
síðan austan megin hans og í átt að
Stóra Bjömsfelli. Þar í hæðunum
henti undirritaðan það óhapp að
missa aftaníþotu í gjótu. Við þetta
óhapp brotnaði stuðarinn á sleðan-
um í sundur og sleöaskrokkurinn
brotnaði. Án tilfæringa tókst að
koma sleðanum að Slunkaríki, sem
er skáli við rætur Langjökuls, þar
sem Þórisjökull og Geitlandsjökull
liggja að honum. Var nú spáð i spilin
og upp kom sú tillaga að hringja til
Hveravalla og spyrja Grím, sem þar
býr, hvort hann ætti draghnoð og
málmplötur og kvað hann já við því.
Var þá tankað og allur þungi tekin
af þeim beygða og jafnað niður á
ferðafélagana áður en lagt var á jök-
ul til Hveravalla. í lofti var mugga
og áttum við von á dökkum jökli, en
hvað gerði það, kompásar, 2 lóran-
tæki með plotter og eitt GPS tæki
með plotter áttu að ráða við slíka
smámuni.
Fúlakvísl fær
Jökullinn var sléttur og tær og
skyggni gott þegar upp var komið.
Ekki tók langan tíma að fara um 20
sjómílur að Þursaborg og þaðan í átt
að Fjallakirkju og fram hjá henni og
niður af jökli á skriðjökulstungunni
milli Fögruhlíða og Innra Sandfells
Nú var Fúlakvísl eftir, en aldrei
þessu vant á þessum árstíma var hún
nánast öll opin. Þó tókst að finna
niöurfallið snjóþak sem hægt var að
renna sér yfir á. Síðan var fariö út
fyrir Þjófafellið og eftir Sóleyjadaln-
um, síðan austan megin við Stélbratt
og beint að veðurathugunarhúsinu á
Hveravöllum. Þar var tekiö á móti
okkur af hjónunum Grími og Hjörtu
Lind, auk þess sem félagi okkar
Sveinn var mættur á sínum vel út-
búna sleða.
Ostaveisla í heitri laug
Degi var nú tekið að halia og rétt
aö snúa sér að viðgeröum fyrir myrk-
ur. Landssamband vélasleðamanna
á gám á Hveravöllum með ýmsum
viðgerðarbúnaði og fyrir utan hann
var laskaði sleðinn settur og tekið til
við viðgerðina. Fyrr en varði var við-
gerð lokið og blásið til kvöldverðar
og hjónunum á Hveravöllum boðið í
Fyrir ofan Þingvelli í upphafi ferðar.
mat. Það fyrirkomulag var á matseld
í ferðinni að hver hjón skiptust á að
sjá um kvöldverð fyrir alla. Eftir
kvöldverðinn var farið í heita pott-
inn, Guölaugu, og þar var borinn
fram fljótandi ostabakki, sem allir
gerðu góö skil. Snemma var gengið
til rekkju í gamla skála Feröafélags
íslands, því miklar væntingar voru
fyrir næsta dag.
Dempari brotnar
Dagurinn rann upp með hægum
vindi, snjómuggu en sæmilegu
skyggni. Ferðaáætlun gerði ráð fyrir
að farið yrði í Kerlingarfjöll, síðan
austur fyrir þau og í skála klúbbsins
4x4 suður af Hofsjökli. Það stóð opiö
að lengja ferðina jafnvel inn í Nýja-
dal, ef vel gengi. Klukkan var rúm-
lega 10 er haldið var af stað og gekk
rólega. Ein bilun varö er dempari
brotnaði undan aftaníþotu en einn
var til vara svo hægt var aö skipta
um.
Karlinn á
skaflajárnum
Þegar nálgaðist Kerlingarfjöllin
þyngdi heldur í lofti og fór að bæta
í vind. Klakabreiður voru þarna víða
og fóru menn afar varlega til að
missa ekki vald á sleðunum. í einni
brekkunni voru menn að staulast á
undan til að fmna bestu leið þegar
Sveinn brunaði niður glerið og síðan
upp aftur. Hann hló að okkur og
sagði að þeir sem kynnu að ferðast
skaflajámuðu alltaf fákinn. Var þá
karlinn með karbít í skíðunum og
neglingar í beltinu og gerði bara grín
að okkur hinum.
Áfram var nú haldiö, en jafnt og
þétt dró úr skyggni. Var nú ákveðið
að lórankeyra í sveig í norður frá
öllum hættum og renna svo beina
suðurstefnu í aðsetur Skíðaskólans
þar sem gamla Ferðafélagshúsið
stendur. Vel gekk þangað en á brún-
inni var talsverð hríð og var því leit-
að inngöngu í gamla húsið sem alltaf
•er opið og ráða þar ráðum. Veðurspá
gerði ráð fyrir þessum þræsingi af
suðaustri. Klukkan var að halla í
hálftvö og var jafnvel rætt um að
verða þama næstu nótt. Það var þó
heldur ókræsilegt því einn gluggi var
brotinn og fennt hafði inn. Þegar
- menn voru svo orðnir sammála um
að þessar prinsessur, sem með okkur
voru, ættu betra hús skilið var
ákveðið að paufast eftir lóranleiö úr
lóranbókinni til skála 4x4 klúbbsins.
Sævar félagi okkar var búinn að vera
lengi í klúbbnum en núorðið velur
hann frekar hinn frjálsa og hraða
ferðamáta vélsleðanna.
Skaflasteik
og þægindi
Nú tók við erfiði og basl. Vel tókst
að varast gil og hengjur þrátt fyrir
dapurt skyggni á köflum. Alltaf gekk
jafnt og þétt á lóranpunktana, sem
siglt var á og því styttist í skálann.
Sumar brekkur voru brattar og snjó-
þungar og urðu þar 100 hestafla sleð-
arnir að hjálpa til við selflutning á
aftaníþotum. Um fimmleytið var siglt
beint á skálann fyrirheitna, sem
bauð upp á hita og mikil þægindi.
Um kvöldið var borin fram skafla-
steik, en hún er matreidd þannig, að
geil er mokuð í snjóskafl og álpappír
lagður í botninn. Þá er kolunum (við-
arkolum) hellt þar á og kveikt í þeim.
Þegar þau hafa náð bruna er lamba-
læri innvöföu í álpappír skellt á kolin
og síðan snúið af og til. Svo er sigið
mælt og þegar kolin með steikinni
hafa sigið um 40 cm niður í snjóinn
er steikin til. Einfaldara getur það
ekki veriö.
Útsýni yfir
Þjórsárverin
Næsti dagur var fostudagur og var
fariö árla úr rekkju. Veður var hið
besta, 'skýjað, logn og úrkomulaust
og talsvert skyggni. Um tíuleytið var
lagt í hann og haldið í norðaustur.
Brátt lá leiðin yfir Blautukvíslar-
eyrar og þaðan í Nauthagann við
Nautölduna. Útsýni var hið besta um
Þjórsárverin og í fjarska sást Vatna-
jökull og í forgrunni Sprengisands-
leiö með Hágöngumar tvær og nyrst
Tungnafellsjökull, við hann eru skál-
ar Ferðafélags íslands í Nýjadal.
Brátt var farið fram hjá Ólafsfelli,
Hjartarfelli og Arnarfellsmúlum og
fór nú að styttast í Þjórsá. Þegar að
henni var komið þurfti að finna
greiða leið yfir. Á löngum kafla var
áin opin okkar megin og mikill
straumþungi. Nokkru neðar var svo
kominn heldur ís yfir versta hlutann
og þurfti einungis að sundríða lítinn
ál að austurbakkanum. Yfir komust
svo allir klakklaust og nú tók
Sprengisandur við.
Helgina áður höfðu bensínbirgðir
verið fiuttar upp undir Skrokköldu,
eða svo langt sem unnt var í miklum
skafrenningni. Þar var þeim komið
fyrir við stóran stein og staðsetning-
in geymd í lengd og breidd. Næsta
verkefni var því að finna bensínið
með lóran og GPS tækjunum í sívax-
andi skafrenningi. Renningurinn
jókst eftir því sem austar dró og allir
óku í röð á eftir þeim sem í þetta
skiptið fékk það verkefni að leiða
hópinn. Þegar nálgaðist bensínið dró
heldur úr kófinu og fannst það án
vandkvæða. Nú var ekkert að van-
búnaöi og til aö láta ferðagleðina í
ljós sögðum við oft á dag setninguna
„þetta er engu líkt.“
Hressing í hesthúsi
Nú lá leiðin í suðurátt, gömlu
Sprengisandsleiðina og von bráðar
var komið að Versölum. Hesthúsið
SÉRTILBOÐ Vertu ratvís
Egyptaland: Flug og bíll, farþegi
3 nætur í Kaíró, 2 fullorðnir og 2 börn:
4 nætur sigling á Níl, skoðunarferðir og akstur innif., Verð á mann kr. 25.115 ein vika. 2 fullorðnir, RATVÍS
kr. 68.700 Morgunverður í Kaíró. verð á mann kr. 34.730, ein vika. Travel
Fullt fæði í siglingunni. Hamraborg 1-3, sfml 641522