Þjóðviljinn - 09.04.1987, Page 3

NORÐURLAND VESTRA
Fljótin eiga framtíð fyrir sér
-Bændur í
Fljótunum reisa
fiskeldisstöðina
Miklalax fyrir 65
milljónir og eiga
sjálfir 70%
Bændurnir í Fljótum láta
ekki deigan síga þótt illa ári í
landbúnaði. A síðasta ári
gerðu íbúar Holtshrepps og
Haganeshrepps með sér félag
um laxeldisstöð. Nafnið kemur
frá Miklavatni: Mikilax. Og fé-
lagið hefur staðið undir nafni.
Á fáeinum mánuðum var drifið
upp stórhýsi undir laxeldið,
samningur gerður við skoskt
fyrirtæki um ráðgjöf og aðstoð
og byrjað að fóðra um 900.000
seiði. Þessar framkvæmdir
kosta 65-70 milljónir.
Aðstæður eru eins og best
verður á kosið og nóg af heitu og
köldu vatni. í framtíðinni er ætl-
unin að nýta Miklavatn undir
áframeldi, en það er blandað sjó í
þeim hlutföllum sem best þykir
henta laxeldi.
Það hlýtur að vekja nokkra
furðu og aðdáum í senn hversu
vel og rösklega hefur verið
gengið til verks. Reynir Pálsson,
bóndi á Stóru-Brekku var spurð-
ur út í þennan ógnarhraða á fram-
kvæmdum.
„Þetta byggist á því að fólkið er
sér meðvitað um nauðsyn þess að
ganga til verks af krafti. Það sem
gerir útslagið er að við eigend-
urnir eigum og rekum fyrirtækið
og höfum lagt fram mest alla
vinnu við uppbygginguna.“
Hartnær allir bændur á svæð-
inu hafa lagt fram hlutafé, en það
nemur alls 20 milljónum og eiga
bændur 70% þar af.
Útlendingar eiga
of mikið
Reynir var spurður hvað hon-
um fyndist um eignaraðild út-
lendinga og þá einkum Norð-
manna að uppbyggingu fiskeldis
hér á landi.
„Ég er ákaflega tortrygginn
gagnvart því að útlendingar eigi
hér stóra hluti í mörgum okkar
bestu fyrirtækjum. Eg held að
menn gætu ekki hugsað sér að
veita þeim aðgang að öðrum auð-
Iindum okkar, enda segir sig
sjálft að þessum mönnum gengur
ekki til hjálpsemin ein og sér. Það
er illt til þess að vita að þessi at-
vinnuvegur sé að stórum hluta í
þeirra höndum ef illa árar - víða
er fiskeldi slagæð atvinnulífsins
Hús Miklalax er engin smásmíði en var byggt á örfáum mánuðum.
Reynir Pálsson við fiskeldisker í stöðinni: Góður markaður fyrir laxinn.
og óþægilegt að útlendingar haldi
um hana.
íslendingar eru of ginnkeyptir
fyrir útlendingum, vitanlega
eigum við að leita okkur þekking-
ar en við eigum að ráða ferðinni
sjálfir og eiga fyrirtækin“.
- En í hverju eru tengsl ykkar
við skoska fyrirtækið fólgin?
„Þeir eru okkur ráðgefandi um
tæknilega uppbyggingu stöðvar-
innar og þeir munu útvega stöðv-
arstjóra fyrstu þrjú árin. Sam-
starfið við þá hefur verið einstak-
lega gott og sparað okkur háar
fjárhæðir“.
- Hvernig hefur gengið að
(Jármagna fyrirtækið?
„Það hefur ekki verið neinn
dans á rósum enda lítur banka-
kerfið á fiskeldi sem áhættugrein.
Við höfum fengið lán frá Byggð-
astofnun og framleiðnisjóði en
áttum lengst af í brösum með fyr-
irgreiðslu úr bönkum, eða þar til
Búnaðarbankinn kom okkur til
aðstoðar af miklum skilningi".
Aðalatriði að
leita þekkingar
Seiðin 900.000 frá í fyrrahaust
verða orðin söluvara vorið ‘88.
Þá hafa eðlileg afföll að vísu orð-
ið á um það bil 400.000 þeirra.
Miklilax mun leyta markaðar
með hjálp Skotanna, væntanlega
einkum og sér í lagi á írlandi.
Reynir var spurður um markaðs-
horfur almennt.
„Það er góður markaður fyrir
laxinn en kannski erfiðara með
seiðin vegna fjölda fyrirtækja í
þeirri grein. En á komandi árum
verður fyrst og fremst spurt um
gæðin og þar teljum við okkur
fyllilega samkeppnisfæra. Aðal-
atriðið er að leita þekkingar til
réttra aðila, því alltof mörg mis-
tök hafa verið gerð í uppbyggingu
fiskeldis hér vegna vanþekkingar
þeirra sem í hlut áttu. Þessi stóru
mistök hafa m.a. orðið til þess að
það er mjög erfitt að fá tryggingar
í fiskeldi“.
Mikilax fékk tryggt og það hjá
sjálfum Lloyds. Bændur í Fljót-
unum horfa bjartsýnir fram á við.
Seiðunum þeirra, sem brátt vex
fiskur um hrygg, ætti að vera
tryggur markaður og sala fyrir
20-30 milljónir. Reynir var að
lokum spurður hvort bændur í
Fljótum myndu ef til vill í fram-
tíðinni hætta að búa með sauðfé
og kýr og snúa sér alfarið að fiski.
„Við lítum á þetta sem próf-
stein. En við höfum áfram hefð-
bundinn landbúnað sem kjöl-
festu. Við vinnum frekar kaup-
laust við þetta fyrirtæki en að láta
það sýna tap. Bændur verða að
leita nýrra leiða eins og mál þró-
ast - og eins og nú er komið eiga
Fljótin framtíð fyrir sér“.
Útgerð
Blönduósingar eignast togara
-NökkviHU 15, nýrogglæsilegurrækjutogari með fullkomnum vinnslu-og
frystibúnaði um borð
Blöndósingar eignuðust nýlega
sinn fyrsta togara, Nökkva HU
15, 275 brúttórúmlestaskip fró
Slippstöðinni á Akureyri. Það er
útgerðarfélagið Nökkvi h/f sem
gerir skipið út, en stærstu hlut-
hafar eru rækjuvinnslan Særún
h/f og Blönduóshreppur.
Nökkvi er búinn fullkomnustu
tækjum til rækjuveiða og verður
afli unninn og frystur um borð.
Verð skipsins er í kringum 200
milljónir án veiðarfæra og þarf að
veiða í kringum 1000 lestir af
rækju á ári til að reksturinn startdi
undir sér.
-ly.
SKUTBÍLL 1500
Höfum þennan frábæra farkost til af
greiðslu á mjög stuttum tíma.
Verð aðeins 216.000.-
Góð greiðslukjör.
Opið virka daga frá kl. 9—18 og laugardaga frá
kl. 10—16. Beinn sími í söludeild 31236. Verið velkomin.
BIFREIÐAR & LANDBÚNAÐARVÉLAR <
Suðurlandsbraut 14 107 Reykjavík, sími 38600 10 línur iFfrÚíú
LADA