Dagblaðið Vísir - DV - 09.01.2002, Page 5

5
MIÐVIKUDAGUR 9. JANÚAR 2002
DV Fréttir
Framkvæmdir við gatnamótin Suðurlandsvegur-Breiðholtsbraut boðnar út í vor:
Hringtorg á hið hættulega
„hlið“ höfuðborgarinnar
- er „einn alversti hnútpunkturinn“ í umferðarnetinu, segir vegagerðarskýrsla
Hætta á móts viö afleggjara
aö Fjárborg
Ökumenn sem aka Suöurlandsveg á
leiöinni austur hafa ekki fyrr skiliö
viö hin hættulegu gatnamót við
Breiðholtsbraut þegar þeir koma aö
gatnamótum sem Hggja aö Fjárborg.
Þá er komið fyrir hæö og viö blasir
bíll sem er aö aka til vinstri og um-
ferö kemur gjarnan á móti líka.
ur, að gera hringtorg á þessum
gatnamótum sem hafa ákveðna
sérstöðu í umferðarkerfi landsins.
Hann er „einn alversti hnútpunkt-
urinn í netinu“ - þannig er það
orðað í skýrslu Vegagerðarinnar
um lagfæringu á slysastöðum á
þjóðvegum, með hliðsjón af höfuð-
borgarsvæðinu.
Jónas Snæbjörnsson, umdæmis-
stjóri Reykjanessumdæmis, sem
þessi gatnamót heyra undir hjá
Vegagerðinni, sagði við DV að til
álita hefði komið að setja umferð-
arljós á gatnamótin. Það sé hins
vegar og af augljósum ástæðum
viðkvæmt mál gagnvart biðtima
við „fyrstu gatnamótin" að borg-
inni, auk þess sem umferðarslys
séu langt í frá úr sögunni með
slíku fyrirkomulagi. Hringtorg
leysir því vandann best í dag.
A5 hægja á sér eða
gíra sig upp
En af hverju eru þessi gatnamót
eins hættuleg og raun ber vitni, á
stað þar sem gott skyggni er í raun
til allra átta og tiltölulega langt er
í hæðir?
Bæði vegagerðarmenn og lög-
regla eru fyrst og fremst sammála
um að þessi gatnamót séu skurð-
punktur þéttbýlis og þjóðvegar.
Þarna eiga ökumenn annaðhvort
að vera að hægja verulega á sér á
Suðurlandsveginum eða að þeir
eru að „gíra sig upp“ fyrir að aka
austur yfir fjall. Síðan kemur
vandamálið - Breiðholtsbrautin.
Hún er í sjálfu sér ekki vandamál
en hún myndar 90 gráða horn á
Suðurlandsveginn. Þaðan eru bíl-
stjórar ýmist að aka til vinstri, í
áttina aö Vesturlandsvegi eða til
hægri og í austur.
Geir Jón Þórisson ytirlögreglu-
þjónn segir að þegar vinstri beygja
er tekin frá Breiðholtsbraut eigi
sér gjarnan stað misræmi í hraða-
skynjun frá þeim ökumönnum
sem þaðan koma. Þar átti öku-
menn sig oft ekki á að þeir bílar
sem koma úr norðurátt eftir Suð-
urlandsveginum - þeir sem eru að
„gíra sig upp“ á leiðinni austur -
séu komnir á meiri ferð en þeir
sem eru á Breiðholtsbrautinni
gera sér grein fyrir. Því ákveði
þeir að aka yfir og taka beygjuna
en vita ekki fyrr en hinir eru
komnir óþægilega nálægt. Þetta er
ástæðan fyrir flestum slysunum
við gatnamótin Suðurlandsvegur-
Breiðholtsbraut. -Ótt
Teikning sem sýnir væntanlegt hringtorg viö Rauöavatn
Vegagerö ríkisins mun væntanlega bjóða þetta verk út í vor en framkvæmdir hefjast þá í sumar.
Hringtorg verður að líkindum
gert i sumar á hinum hættulegu
gatnamótum Suðurlandsveg-
ur-Breiðholtsbraut á móts við
Rauðavatn. Hér er um að ræða
gatnamót sem gjarnan hafa verið
kölluð „hliðið að höfuöborgar-
svæðinu" sunnan megin. Gatna-
mótin hafa kostað mannslíf og
fjölda alvarlegra meiðsla, fyrir
utan gríðarlegt eignatjón í gegnum
árin. Samkvæmt skýrslu frá Vega-
gerðinni er ástæðan ekki síst sú að
ökumenn sem aka eftir Suður-
landsvegi „átta sig ekki almenni-
lega á að þeir eru að koma í þétt-
býlið eða eru ekki komnir út á
þjóðveg". Dauðaslys varð á gatna-
mótunum á síðasta ári og mjög al-
varlegt umferðarslys varð þar á
mánudagskvöld. 18 tilkynnt um-
ferðaróhöpp urðu við gatnamótin
á síðasta ári og 11 þar sem fólk
slasaðist, þar af umrætt dauðaslys.
Árið áður slösuðust íjórir, árið
1999 tveir og einn árið þar á und-
an. Miðað við þessar tölur, sem
eru frá lögreglunni i Reykjavík, er
mikil fjölgun á slysum við gatna-
mótin.
Kostnaður við að gera hringtorg
þarna verður 35^40 milljónir
króna en lagningin er háð þvi að
Vegagerðin fái fjárveitingu. Fáist
hún verður verkið boðið út í vor
og framkvæmdir farar fram í sum-
ar. Til greina kom að gera hring-
torg þarna á síðasta ári en það
náðist ekki að koma framkvæmd-
um á „fyrir myrkur“, eins og það
var orðað hjá Vegagerðinni.
Mislæg gatnamót meö
anga ut i Rauðavatn?
Hringtorgslausnin er hugsuð til
næstu um það bil 10 ára en eftir
það telja vegagerðarmenn og
hönnuðir að á þessum stað verði
að leggja mislæg gatnamót. Ástæð-
an er ekki síst sú að til stendur að
byggja íbúðahverfi við Norðlinga-
braut og í áttina að Rauðhólum.
Verði mislæg gatnamót lögð þarna
er hins vegar ljóst að anga af þeim
og jafnvel talsverða sneið þurfi að
leggja þar sem Rauðavatn er.
Áðalatriðið er þó, eins og stend-
Hætta á mótum
Hafravatnsvegar viö Geitháls
Ökumönnum á leiöinni austur hefur
gjarnan brugöiö í brún þegar þeir
koma yfir hæð en sjá svo aö bíll fyrir
framan er aö taka beygu til vinstri,
áleiöis 'að Hafravatni. Sá sem ætlar
aö beyga er hræddur um aö ekiö
veröi aftan á hann en hinir verða aö
hæga mjög á ferö og sveiga út af
aðalveginum til að komast fram hjá.
11 slys urðu viö gatnamótin áriö 2001, þar af eitt dauðaslys
Jónas Snæbjörnsson, hjá Vegagerö ríkisins, segir aö til álita hafi komið að
setja umferðarljós en frá þvi hafi veriö horfiö. Því sé hringtorg besta lausnin.
DV-MYND KARÓLÍNA ÞORSTEINSDÓTTIR
Koma nýju
Norrænu
undirbúin
Á dögunum voru undirritaðir á
Seyðisfirði samningar um miklar
hafnarframkvæmdir, verk sem er
áætlað að muni kosta um 600 millj-
ónir króna. Fyrir hönd ríkisstjórn-
arinnar undirritaði Geir H. Harde
fjármálaráð-herra samninginn en
fyrir hönd bæjarstjórnar Adolf Guð-
mundsson, formaður hafnarnefnd-
ar, og Gunnþór Ingvarsson, formað-
ur bæjarráðs.
Miklar væntingar eru hjá bæjarbú-
um með þetta stóra verkefni sem á að
vera lokið í maí 2004 þegar Norræna,
ný og glæsileg ferja, kemur fyrst til
bæjarins. Seyðfirðingar og gestir
þeirra fognuðu þessum áfanga og boð-
ið var upp á veitingar og tónlistarat-
riði. Aðalheiður Borgþórsdóttir
menningarfulltrúi kynnti það sem
Seyðisfjöröur hefur upp á að bjóða og
sýndi myndir af hugmyndinni um
aldamótabæinn Seyðisfjörð. -KÞ
Evran veldur
verðbólgu
Upptaka evrunnar mun að líkind-
um valda verðbólgu i þeim löndum
sem taka hana upp, að mati Kaup-
þings. Lönd innan evrusvæðisins
þurfi að aðlaga gjaldmiðla sína evr-
unni og þegar nýr gjaldmiðill sé tek-
inn upp sé verð í eldri gjaldmiðli
landsins rúnað að þeim nýja. Gera
megi ráð fyrir að verð muni í flest-
öllum tilfellum hækka þegar það er
fært yfir i evrur.
Til að útskýra þetta frekar má taka
dæmi um vatnsflösku sem kostar á
Spáni 115 spænska peseta sem jafn-
gildir 0,6912 evrum. Flaskan muni
kosta 0,7 evrur eftir að gjaldmiðillinn
verður tekinn upp. „Þó að þetta sé lit-
ið dæmi er ljóst að margt smátt gerir
eitt stórt og því er ekki óvarlegt að
áætla að verðbólga muni taka við sér
fyrst eftir að notkun evrunnar hefst,“
segir Kaupþing. -BÞ
Hafnarfjöröur
Á síöasta áratug hafa útlán
bókasafnsins þrefaldast.
Meira lesiö í
Hafnarfirði
Umtalsverð aukning hefur orðið i
útlánum hjá Bókasafni Hafnafjarðar
á milli áranna 2000 og 2001. Útlán
árið 2001 voru 215.486 en voru
198.570 á árinu 2000. Þreföldun hefur
orðið á útlánum safnsins á undan-
förnum tíu árum þ.e. frá árinu 1991
þegar þau voru 75.244.
Á næstu mánuðum verður bóka-
safnið flutt í nýtt og glæsilegt hús-
næði að Strandgötu 1 og verður það
þá í hjarta bæjarins. Þessa dagana er
unnið að lokafrágangi á húsnæðinu
en það verður afar vel búið tölvukosti
og þess má geta að nú hafa gestir
safnsins aðgang að tveimur tölvum en
þær verða milli 30 og 40 þegar nýja
safnið verður fuUbúið. Nýja safnið
verður um 1500 fermetrar að stærð og
verður safnkostur þess mun aðgengi-
legri auk þess sem vinnuaðstaða
starfsfólks verður þar eins og best
verður á kosið. -MA