Ársrit Ræktunarfélags Norðurlands - 01.01.1952, Side 59

59
LÖG RÆKTUNARFÉLAGS NORÐURLANDS.
Samþykkt á aðalfundi félagsins 21. júní 1952.
1. gr.
Félagið heitir Ræktunarfélag Norðurlands og er samband bún-
aðarsambanda í Norðlendingafjórðungi. Heimili þess og vamar-
þing er á Akureyri.
2. gr.
Tilgangur félagsins er: að styðja alls konar tilraunir og fram-
farir í landbúnaði á Norðurlandi. Að vera tengiliður milli búnað-
arsambandanna í Norðlendingafjórðungi. Að útbreiða meðal al-
mennings þekkingu á öllu því, er að landbúnaði lýtur og líkindi
eru til að geti komið að gagni.
3. gr.
Félagið vill ná tilgangi sínum, með því að verja tekjum sínum og
sjóðseignum á þann hátt, er nú skal greint:
1. Að safna saman reynslu tilraunastarfsemi og búnaðarsamtaka í
ræktunarmálum og útbreiða hana í Norðlendingafjórðungi á
námskeiðum, aðalfundum sambandanna og í framhaldsskólum
innan fjórðungsins
2. Með því að halda árlega sameiginlegan fund með fulltrúum
búnaðarsambandanna í Norðlendingafjórðungi, er jafnframt
verði aðalfundur félagsins, þar sem rædd verði sameiginleg
áhuga- og velferðarmál sambandanna og teknar ákvarðanir um
starfsemi félagsins á hverjum tíma.
3. Með því að stuðla að því, að komið sé á fót verklegum nám-
skeiðum í garðrækt, skógrækt og öðrum þáttum jarðyrkju.
4. Með því að gefa út ársrit er flytji alhliða búfræðilegan fróðleik,
verði málgagn búnaðarsambandanna í Norðlendingafjórðungi
og starfsmanna þeirra og vinni að því að kynna samböndunum
sem bezt reynslu hvors annars.
5. Sjái félagið sér fært að hafa verksvið sitt víðtækara, getur að-
alfundur tekið ákvörðun um það.
4. gr.
Búnaðarsambönd í Norðlendingafjórðungi eru aðalfélagar
Ræktunarfélagsins. Aukafélagi er hver sá maður, sem gerzt hefur