Veðráttan - 01.01.1942, Qupperneq 1

VEÐRÁTTAN 1942
MÁNAÐARVFIRLIT SAMIÐ Á VEÐURSTOFUNNI
Janúar.
Tíðarfarid var,milt, en með afbrigðum óstöðugt og úrkomusamt sunnan
lands og vestan. A Norður- og Austurlandi var tíð hagstæð, lítill snjór og
góðir hagar.
Þ. 1.-7. Lægðir fyrir norðan og austan land. Hæð fyrir sunnan land.
Lengst af vestlæg átt. Frost fyrstu fjóra dagana.
Þ. 8.—31. Lægðirnar gen§u flestar fyrir vestan og norðan land, svo að
vindur var lengst af ýmist sunnan eða vestan. Tvær dýpstu lægðirnar komu
með 3 daga millibili, þ. 12. og 15. og ollu báðar sunnan- og suðaustanofviðri
um allt land. Veðurhæð varð 11 — 12 vindstig báða dagana (2 stöðvar með
12 vindstigum þ. 12, en 10 stöðvar þ. 15., og þó var sú lægðin grynnri). Flesta
dagana var stormur einhvers staðar á landinu. Lægðunum fylgdu miklar rign-
ingar á Suður- og Vesturlandi. Þ. 27. fór lægð fyrir sunnan land. Brá þá til
norðanáttar með dálitlu frosti, en gerði sunnanátt á ný og þíðviðri þ. 29.
í ofviðrinu þ. 12. féll maður ofan af húsþaki á Skútustöðum í Mývatns-
sveit og dauðrotaðist. Þann dag rak erlendan togara á land í Rvk. Nóttina
áður slitnaði skip frá bryggju í Rvk. og rak á land. Símabilanir urðu víða.
Hlaða og fjárhús fuku á Svalbarðsströnd og eitthvað af heyjum. — í ofviðr-
inu þ. 15. urðu miklir skaðar á sjó og landi. Erlent skip strandaði við Mýrar,
af 27 manna skipshöfn fórust 25, þar af 2 íslendingar. Fjögur erlend skip
strönduðu á Akureyjarrifi við Rvk. og á Engey; mannbjörg. í Rvk. fauk girð-
ingin um íþróttavöllinn, hellur fuku af húsum, og tré rifnuðu upp með rótum.
Smáslys urðu á mönnum. Kirkjan á Melstað í Miðfirði fauk af grunni og sást
ekkert eftir af henni. Símabilanir urðu víða um land, m. a. brotnuðu símastaur-
ar. Sæsíminn slitnaði. í Borgarfirði, Húnavatnssýslu, Ólafsfirði og undir Eyja-
fjöllum kom það fyrir, að peningshús og önnur útihús fuku. Sjógarðurinn á
Eyrarbakka brotnaði. Smærri skemmdir á húsum, heyjum og bátum urðu hér
og þar. — Þ. 26. féllu tveir menn út af vélbáti frá Akranesi, og drukknaði
annar. — Þ. 27. urðu símabilanir í Vopnafirði og aðrir smáskaðar.
Loftvægið var 0.5 mm. undir meðallagi á öllu landinu, hæst á Tgh., 0.9
mm. yfir meðallagi, en lægst á Sth., 2.2 mm. fyrir neðan það. Hæst stóð loft-
vog í Rvk. þ. 4. kl. 10, 779.5 mm, en lægst á Sth. þ. 12. kl. 21, 702.6 mm.
fiiti var 3.4° yfir meðallagi á öllu landinu, hæstur að tiltölu eða allt að 5°
fyrir ofan meðallag sums staðar norðan lands en lægstur, 2—2V2° meiri en í
meðallagi á nokkrum stöðvum á Suður- og Suðausturlandi. Hiti var mjög
breytilegur í mánuðinum, en komst þó að eins þ. 3. og 4. niður fyrir meðal-
hita á öllu landinu. Hinn 3. var kaldasti dagur mánaðarins, hiti 3° undir meðal-
lagi. Annars var hiti 1—7° fyrir ofan meðallag, og mestur að tiltölu þ. 15.
Sjávarhitinn við strendur landsins var 2.3° yfir meðallagi, frá 3.5° við
Rvk. iil 1.7° við Krv. og Grvk.
Jarðvegshitinn á Rafmagnsstöðinni við Rvk. var 4.1° í 1 m. dýpt og 7.2°
í 2 m; dýpt.
Úrkoman var allmikil, 1V3 sinnum meðalúrkoma á öllu landinu, mest að
tiltölu eða nærri tvöföld meðalúrkoma á Sth., en minnst um 10 °/o fyrir neðan
meðallag í Gr. og Vík. Úrkomudagar voru allt að 8 fleiri en 10 ára meðaltal
á Suður- og Vesturlandi; norðan lands og austan var úrkomudagafjöldi yfir-
leitt nálægt meðallagi, á stöku stað þó allt að 12 færri en venjulega. Mánað-
arúrkoma á Seyðisfirði mældist 232.7 mm. — Skriðuhlaup urðu hjá Núps-
stað í þessum mánuði og ollu nokkrum skemmdum á túni, engjum og bit-
(1)