Veðráttan - 01.07.1961, Qupperneq 1

VEBRÁTTAJÍ 1961
MÁNAOARYFIRLIT SAMIÐ A VEÐURSTOFUNIVI
Júlí
Tíöarfar var yfirleitt heldur óhagstætt til heyskapar. Verst var heyskapartíðin um
norðaustanvert landið, en suðvestan lands voru góðir þurrkar með köflum. Sprettu mið-
aði fremur hægt fyrri hlutann, og sláttur hófst með seinna móti. Síðari hluta mánaðar-
ins fór gróðri vel fram.
Lægð var vestanvert við landið þ. 1., vindur suðlægur, hlýtt og yfirleitt bjart um
norðaustanvert landið, en víðast rigning sunnan lands og vestan. Daginn eftir fór lægðin
austur yfir landið, vindur snerist til norðurs og var norðlægur eða norðvestlægur þ. 3.,
en þ. 4. þokaðist hæðarhryggur austur yfir landið, og vindátt varð breytileg. Sums staðar
varð hvasst að morgni þ. 4. Nokkuð rigndi þ. 2., en þ. 3. og 4. var víðast úrkomulaust
og yfirleitt bjart. Þessa fjóra daga var hiti á öllu landinu frá meðallagi að 1° undir því.
Dagana 5.—8. fóru tvær lægðir austur yfir landið. Dumbungsveður var alla dagana
og víðast rigning. Sums staðar mældist allmikil úrkoma. Vindur var hægur og hiti frá
meðallagi að 1° undir því.
Næstu fimm daga (9.—13.) var fremur kalt í veðri um allt land. Hiti var 3° undir
meðallagi þ. 10., og varð það kaldasti dagur mánaðarins. Hina dagana var 1°—2° kald-
ara en í meðalári. Grunn lægð var yfir landinu þ. 9., breytileg vindátt og víða talsverð
rigning, einkum vestan lands og norðan. Síðan voru lægðir sunnanvert við land og yfir-
leitt hæg, austlæg átt. Þ. 10. var að mestu þurrt á Norðausturlandi, en víða talsverð
rigning í öðrum landshlutum. Síðan var úrkomulítið norðan lands og vestan. Suðvestan
lands var mikið sólfar, en þar og á Suðausturlandi gerði sums staðar snarpar skúrir. Á
Norðaustur- og Austurlandi var lengst af dimmt yfir, en yfirleitt ekki veruleg úrkoma
nema þ. 13.
Hæðarhryggur var yfir landinu þ. 14. og 15. og yfirleitt bjartviðri nema á Norðaustur-
og Austurlandi, þar var skýjað og nokkur úrkoma. Hiti var frá meðallagi að 1° yfir þvi.
Dagana 16.—23. var úrkomusamt sunnan lands, og fyrsta daginn rigndi einnig um
allt vestanvert landið og um meginhluta Norðurlands, en þar var síðan úrkomulítið
næstu þrjá daga. Þ. 20.—22. rigndi viðast hvar á landinu, en þ. 23. var úrkomulítið
nema á Norður- og Norðvesturlandi. Þar rigndi víða allmikið. Lægðir voru á Græn-
landshafi, og tvo fyrstu dagana var hæð norðan og austan við land, en síðan var há-
þrýstisvæði yfir hafinu vestur af Bretlandseyjum. Hiti var 2° yfir meðallagi þ. 19., og
varð það hlýjasti dagur mánaðarins miðað við meðallag. Hina dagana var hiti frá
meðallagi að 1° yfir því.
Bjartviðri var víðast sunnan lands og vestan dagana 24.—28., en þó rigndi dálítið um
miðbik Suðurlands þ. 25. og 26. af völdum lægðar djúpt suður í hafi. Hæð var vestan
og norðan við land og vindur austan- eða norðaustanstæður þ. 24.—25., en þ. 26. og 27.
var víðáttumikið lægðasvæði yfir Skandínavíu og hafinu vestur undan og vindátt norð-
lægari. Þessa fjóra daga var oftast skýjað norðan lands og austan, en yfirleitt ekki
mikil úrkoma nema þ. 26. Þ. 28. þokaðist hæðarhryggur inn yfir landið úr vestri, og
víðast var bjart veður. Hiti var frá meðallagi að 1° undir því þessa daga.
Þ. 29. olli lægð á Grænlandshafi sunnanátt, og regnsvæði hennar breiddist norður
yfir landið. Úrkoman færðist aftur í aukana suðvestan lands næsta morgun, og undir
kvöld var einnig mikil rigning á Norðurlandi, en þann dag fór lægðin austur yfir landið.
SiðEista dag mánaðarins var hún við austurströndina, norðlæg átt og rigning norðan
lands og austan, en sunnan lands birti til. Hiti var frá 1° yfir meðallagi að 1° undir því
þessa þrjá daga.
Loftvœgi var 0.7 mb yfir meðallagi, frá 1.6 mb á Eyrarbakka að 0.2 mb á Hólum í
Hornafirði. Hæst stóð loftvog í Reykjavík þ. 4. kl. 9, 1030.1 mb, en lægst í Stykkishólmi
þ. 30. kl. 5, 991.6 mb.
(49)