Veðráttan - 01.06.1993, Blaðsíða 1

ISSN 0258-3836
VEÐRÁTTAN 1993
MÁNAÐARYFIRLIT SAMIÐ Á VEÐURSTOFU ÍSLANDS
Júní
Tíðarfar var fremur óhagstætt um norðan- og austanvert landið, en þar var bæði sólarlítið
og ffernur úrkomusamt. Þurrkar háðu gróðri hins vegar um suðvestan- og vestanvert landið
lengi fram eftir mánuðinum. Víða var talsvert kal í túnum um norðanvert landið.
Þ. 1. og 2. var hæg austan- og norðaustanátt. Skúrir vom síðdegis á Suðurlandi, en
annars úrkomulítið. Allmikil hæð var yfir Grænlandi, en lægð djúpt suður í hafi. Kalt var í
veðri og var 1. kaldasti dagur mánaðarins að tiltölu. Þ. 3. nálgaðist lægðin, við suðurströndina
hvessti nokkuð og þá rigndi á Suðaustur- og Austurlandi. Skilasvæði lægðarinnar fór yfir
aðfaranótt 4. og rigndi þá nokkuð um mestallt land. Lægðin þokaðist nú austur og var 5. og
6. fyrir austan land. Þá létti til syðra, en norðanlands var rigning og súld.
Lægðasvæði var fyrir sunnan land, en hæð norður undan fram til 11. en þá breiddist
hæðarhryggur úr norðri yfir landið. Þessa daga varð úrkomu vart á Suður- og Vesturlandi, en
hún var þó varla teljandi víðast hvar. Á Norður- og Austurlandi var úrkoma meiri og stundum
allmikil, einkum framan af tímabilinu. Sums staðar varð allhvasst 9. og 10.
Dagana 11. - 16. var hæðarhryggur við landið og víðast hvar var úrkomulítið. Á
Norðurlandi var oftast skýjað og hafátt. Fremur svalt var í veðri. Síðdegis 16. var grunn
lægð fyrir sunnan land og olli nokkurri úrkomu suðaustanlands, en annars var úrkoma lítil og
víða var alveg þurrt.
Þ. 17. - 24. var vindátt breytileg og dálitlar lægðir og hæðarhryggir á sveimi við landið.
Vindur var mjög hægur lengst af. Úrkoma var mjög óregluleg og sums staðar sáralítil. Þ. 18.
var úrkoma helst suðaustanlands, 19. á Suðvesturlandi og norðaustanlands, 20. á Suðvestur-
og Suðurlandi, aðfaranótt 22. á Norður- og Austurlandi og 23. suðaustanlands.
Aðfaranótt 25. hvessti af austri við suðurströndina, er lægð nálgaðist úr suðri. Regnsvæði
fór yfir landið 25. og var víða mikil úrkoma. Þ. 26. var lægðardrag yfir landinu. Sunnanlands
var vestanátt með skúmm, en á Norður- og Austurlandi rigndi í austlægri átt. Þ. 27. nálgaðist
lægð úr suðvestri og afgang mánaðarins var lægðasvæði á Grænlandshafi með ríkjandi
suðaustanátt. Rigning var um mestallt land, helst var þurrt norðaustan lands. Hinn 28. var
hlýjasti dagur mánaðarins að tiltölu.
Loftvægi var 1,3 mb yfir meðallagi áranna 1931 - 1960, frá 0,3 mb yfir í Rvk að 2,3 mb
yfir á Vpn. Lægst stóð loftvog í Vm þ. 4. kl. 18,989,6 mb, en hæst á Hbv þ. 10. kl. 24,1032,8
mb.
Vindar: Norðaustan-, austan- og suðaustanáttir vom tíðari en að meðallagi 1971 -1980,
en aðrar áttir að sama skapi fátíðari.
(41)