Helgarpósturinn - 09.05.1996, Side 11
RMIVmJDAGUR 9. MAÍ1996
11
_ 1 viðtalið
..... ■
Sjálfstæöa konan Elsa B. Valsdóttir er varaformaöur
Heimdalls, félags ungra sjálfstæöismanna í Reykjavík. Eiríkur
Bergmann Einarsson spjallaöi við hana um unga sjálfstæðis-
menn, jafnréttismál og læknisfræöi...
Fólk á vinstrivæn
missldlur Sjáifst
konur viljandi
Elsa B. Valsdóttir: „Þeir sem starfa að jafnréttismálum á vinstrivæng
stjórnmálanna hafa verið mjög duglegir við að misskilja og mistúlka
það sem frá okkur kemur. En það er einfaldlega eins og gengur í
pólitík. Það er alltaf auðveldast að snúa út úr þegar rök eru
ekki fyrir hendi.“
Undanfarið hefur mik-
ið borið á starfsemi
ungliðahreyfinga stjórn-
málaflokkanna og vinnur
þar margt ungmennið
fórnfúst starf. Sumir af
einskærum áhuga, aðrir
til að vinna sér inn prik
hjá valdhöfum viðkom-
andi maskínu. Lækna-
neminn Elsa B. Valsdóttir
er varaformaður Heim-
dalls, félags ungra sjálf-
stæðismanna í Reykjavík.
Hún starfar einnig með
félagsskapnum Sjálfstæð-
um konum. Áður var Elsa
formaður Vöku, félags
lýðræðissinnnaðra stúd-
enta, og sat í Stúdenta-
ráði.
Hvernig er þetta með
Heimdall, Elsa — eru þetta
ekki bara stuttbuxnaliðar
sem starfa undir hœl flokks-
forystunnar?
„Við höldum því nú fram að
það sé hlutverk ungu félag-
anna að vera gagrýnisröddin í
flokknum og reyna að halda
flokksforystunni inni á réttu
línunni. Við í Heimdalli
tökum þetta hlutverk
alvarlega. Við erum eins
konar samviska flokksins.“
Nú skilst mér að það sé
enn mikil togstreita milli
Heimdalls og landssamtak-
anna, SUS, þar sem
forsprakkar Heimdalls hafi
aðallega verið stuðnings-
menn Jónasar Fr. Jónsson-
ar, sem tapaði í formanns-
kosningum SUS gegn Guð-
laugi Þór Þórðarsyni fyrir
fáeinum árum.
„Það er mjög eðiilegt að í
stórum og öflugum félögum,
þar sem tekist er á um menn
og málefni, skipi fólk sér í fylk-
ingar. En samstarfið hefur
hins vegar verið gott, sem
sýndi sig vel í síðustu kosn-
ingum. Þá unnum við vel sam-
an og náðum góðum árangri.
Ef einhver rígur er milli ein-
stakra fylkinga kemur hann
helst fram í samkeppni um
hver geri betur.“
Þú starfar mikið með
Sjálfstœðum konum og ert
talin ein af helstu hug-
myndasmiðum þeirra.
Var þessi félagsskapur ekki
einkum stofnaður þar
sem konur eiga erfitt upp-
dráttar innan flokksins —
nauðvörn kvenna í flokkn-
um?
„Nei, alis ekki. Sjálfstæðar
konur standa fyrir ákveðinni
hugmyndafræði. Við höfum
svo unnið að því að kynna þá
hugmyndafræði, bæði innan
• ••
flokks sem utan. Kjarni henn-
ar er sá, að hugmyndin um
frelsi einstaklingsins eigi fullt
erindi í umræðuna um jafn-
rétti kynjanna. Það verður þó
að viðurkennast að við höfum
lent í árekstrum við ýmsa í
þessu starfi, bæði innan
flokks og utan. En við áttum
svo sem ekki von á öðru. Það
eru ekki allir sammála okkur
og það getur verið auðvelt að
misskilja viljandi. Til dæmis
hafa þeir sem starfa að jafn-
réttismálum á vinstrivæng
stjórnmálanna verið mjög
duglegir við að misskilja og
mistúlka það sem frá okkur
kemur. En það er einfaldlega
eins og gengur í pólitík. Það er
alltaf auðveldast að snúa út úr
þegar rök eru ekki fyrir
hendi.“
Er ungliðapólitík œfinga-
völlur fyrir fullorðinspólit-
ík?
„Ég held að þeir sem ætla
sér að gera pólitík að lífsstarfi
hafi mjög gott af að starfa með
ungliðahreyfingunum. Það
tekur sinn tíma að komast inn
í landsmálin, flokksskipulagið
og allt það sem menn þurfa að
vita. Flestir þeirra sem starfa
innan ungliðahreyfinganna
eru þó ekkert sérstaklega að
búa sig undir þingmennsku.
Þeir starfa þar fremur af
áhuga og sækjast eftir
skemmtilegum félagsskap —
þar sem tekist er á um þjóð-
málin og hugmyndafræði."
Snúum okkur að þér
sjálfri. Hyggur þú á lang-
frama í pólitík?
„Það er ómögulegt að svara
því á þessum tímapunkti. Pól-
itík gengur út á að hafa eitt-
hvað fram að færa og að geta
verið fulltrúi annarra. Ég er í
námi sem á eftir að leiða mig
utan mjög fljótlega, en meðan
áhuginn er eins brennandi og
nú er mér það heiður að fá að
starfa með Sjálfstæðisflokkn-
um.“
Þú leggur stund á lœknis-
frœði — eitthvert erfiðasta
fag sem hœgt er að finna —
og ert í öllu þessu stjórn-
málavafstri sem tekur
ómœldan tíma. Er þetta
sjálfboðastarf ekki mikil
fórn að fœra?
„Ég lít ekki þannig á málið.
Það er varla hægt að vera í
námi eins og læknisfræði án
þess að hafa eitthvað annað
að gera með því. Það er svo
auðvelt að týna sér í fag-
mennskunni að það er nauð-
synlegt að eiga samskipti við
fólk sem talar um eitthvað
annað en innyfli allan daginn."
í hverju œtlarðu svo að
sérhœfa þig í lœknisfrœð-
inni?
„Það er ekki ákveðið. Eins
og er þá er ég spenntust fyrir
skurðlækningum. Það er með-
al þess sem ég er að læra
núna á kvennadeildinni og
mér finnst það mjög áhuga-
vert.“
SSE:
Ólafur Ragnar Grímsson
Afrekar þaö sem engum manni
hefur fyrr tekist: aö vera sömu
vikuna á Uppleið og Niöurleiö í
HP. Hann er seni sagt enn lang-
fremstur, en endalokin eru
nærri.
Hallur Hallsson
Þéssi ágæti metsölumaöur
(Konur eru frá...) og dramatíski
Ijósvakavíkingur (Þaö er bak
við...) er kominn langleiöina
meö að gera viðfelldinn hvers-
dagsjóa úr Pétri Kr.
Jón Baldvln Hannlbalsson
Hefur tekist það sem við óttuö-
umst aö enginn myndi hafa af:
aö hleypa loksins spennu i for-
setaslaginn og riðia framkomn-
um kenningum um skiptingu
fylgis og úrslit.
Össur Skarphéðinsson
Var búinn að reyna öll trixin
nema eitt í bökinni til aö öðlast
meiri frama og völd i Alþýðu-
flokknum. Kom JBH á endanum
í forsetaframboð til aö bjarga
ferlinum.
Björn Bjarnason
Keypti íslenska menntanetiö á
uppsprengdu veröi til þess aö
örfáar hræöur misstu ekki af
tínium I fjarkennsiu. Þetta minn-
ir á viöskipti ákveðins fjármála-
ráöherra.
Margrét Frímannsdóttir
Var svo vandlega týnd á Alþingi
aö hún neyddist til að fara í viö-
tal viö tímaritið Mannlíf og iýsa
því yfir aö hún væri alls ekki
týnd. Trúir því nokkur maöur?
Ólafur Ragnar Grímsson
Nú er þetta búiö: Rannveig
Tryggvadóttir hefur greint frá
þeim stórtíöindum aö á skírdag
áriö 1979, klukkan 12:35, hafi
Óli átt leynifund meö sovéskum
sendiherra.
Halldór Ásgrímsson
Er aö veröa fastur áskrifandi aö
Niðurleiöinni sem dauflegastur
pólitíkusa og tilþrifalítill ráö-
herra, en líka fyrir aö vera aldrei
nefndur sem forsetakandídat.
þirigmannsefni
Guðmundur Andri
ThorssonÉMBÉfl
Það er náttúrlega með
öllu óskiljanlegt að okk-
ur hafi ekki fýrr hugkvæmst
að stinga upp á Guðmundi
Andra Thorssyni sem
þingmannsefni. Maðurinn
hefur bókstaflega allt í
djobbið — nema hvað
greindarvísitalan er hugsan-
lega í hærri kantinum... Fyr-
ir það fyrsta er hann vin-
sæll rithöfundur meðal
þjóðarinnar og myndi sem
slíkur nýta sér alveg hreint
ágætis tengsl inn í menn-
ingarmafíuna, sem lengi
hefur vantað frambærilegan fulltrúa inn á þing — eða
allt frá því Guðrún Helgadóttir hvarf þaðan á braut.
Jafnframt er hann náttúrlega hámenntaður íslensku-
fræðingur og fimbulfær rithöfundur og myndi veitast
það létt verk og löðurmannlegt að hnoða saman snilld-
arræðum og -greinum. Sú staðreynd segir að vísu
meira um samkeppnina í þeim efnum inni á þingi en
færni Andra. Að vísu yrði fyrst að stofna Jafnaðar-
mannaflokk íslands (breiðfylkingarútgáfuna) ef takast á
aö koma honum inn á þing, því honum leiðist þetta
gamla sull svo óskaplega — líkt og margoft hefur kom-
ið fram i snörpum pistlúm hans T málgagni Alþýðu-
flokksins. Andri er fyrir utan allt þetta tiltölulega fótó-
genískur, slarksæmilegur í tauinu, vel kvæntur og
þekktur í dag sem vænn fjölskyldumaður og raulari í
hverjirvoruhvarsveitinni Spöðum...
Pétur H.
Blöndal
Það er í tísku í dag að
gabba nær óþekkta ein-
staklinga í forsetaframboð
og ekki þykir verra ef viðkom-
andi er þunglamalegur T við-
kynningu, vart mælandi
vegna feimni, myndast illa,
afar hægrisinnaður og ann-
aðhvort sterkefnaður eða
með greiðan aögang að fjár-
magni. Pétur H. Blöndal,
doktor í tryggingastærðfræði,
uppfyllir allar þessar kröfur
og meira til, því hann er jú
þingmaður, sem er stór
aukaplús. Á fjármálaviðskipt-
um hjá fyrirtæki sínu Kaupþingi efnaðist Pétur allrosal-
ega, enda brilljant reiknihaus, ogjafnvel hafa heyrst
kjaftasögur um að sængin hans sé úttroðin af fimm-
þúsundköllum frekar en strútsdúni. Massíf kosninga-
herferð að hætti Ross Perot og Ástþórs Magnússonar
myndi vera smámál í augum Péturs sem gæti léttilega
fleygt T dæmið tugmilljónum án þess að missa svefn.
Hann myndi virka sæmiiega traustur í eyrum kjósenda
og ekki skemma fyrir málefnalegar— og á stundum
róttækar — hugmyndir hans um lífið, tilveruna og þjóð-
málin. Pétur hefur að vísu kannski fuiloft hrekkt flokks-
eigendaféiagiö í Sjálfstæðisflokknum, en það hlýtur að
jafna sig. Alltént er Ijóst að Pétur er frambærilegur for-
setaframbjóðandi og gaman verður að sjá þessa fyrir-
sögn í erlendum blöðum: „Money-Crazed lcelanders
Elect a Millionaire for President"...
Höskuldur
Jónsson
Höskuldur Jónsson, for-
stjóri ÁTVR, er á gjör-
samlega kolrangri hillu í líf-
inu. Fátt fellur Höskuldi til
að mynda þyngra en að
þurfa að einoka áfengissölu
í landinu, leggja á veigarnar
ofurprósentur og mega ekki
einu sinni þjónusta almenn-
ing af þeirri lund sem hon-
um er eðlislæg. Hver getur
auk þess staðið í þvT árum
saman að hlusta á kvart og
kvein um afgreiðslutíma,
slappa áfengismenningu, lé-
lega vöru, alltof háa álagn-
ingu, of fá útibú, vitlausa innkaupastefnu og asnalegt
viðhorf til áfengisneyslu almennt? Ekki nokkur maður.
Höskuldur þarf mannlegra starf þar sem hann getur
barist FYRIR fólkið í stað þess aö þurfa T sífellu að
vinna GEGN því. Hann veit sem er, að fátt kann landinn
betur við en umhyggjusama og mjúka karlmenn á efri
árum sem raunverulega bera hag fólksins fyrir brjósti;
munum Steingrím Hermanns, Jóhannes Nordal, Al-
bert Guðmundsson og félaga. Já, það er kominn tTmi
til að Höskuldur Jónsson fái aö njóta sín og virkja hæfi-
leika sína. Hann ætti til dæmis ágætlega heima í starfi
formanns Neytendasamtakanna á landsvísu — starfinu
sem Jóhannes Gunnarsson lét nýlega af hendi til
sunnlenskrar kvensu sem enginn þekkir haus eða
sporð á. Nei, út með fraukuna á aukaaðalfundi og inn
með Höskuld...