Vísir - 11.10.1974, Blaðsíða 7
Vlsir. Föstudagur 11. október 1974.
7
FIIMIM 1
i 5ÍÐAIM =
Umsjón:
Júlía Hannam
HREYFINGARÞÖRF
BARNANNA
Litil börn eru á si-
felldu iði og stöðugt á
hreyfingu, og er það
merki um vöxt og
þroska, enda þótt þau
valdi fullorðna fólkinu
oft talsverðu ónæði
með fyrirgangi sinum.
Að sitja grafkyrrt og
þögult er eitt hið erfið-
asta, sem hægt er að
heimta af litlu barni, og
að þvinga það meira er
hið heimskúlegasta og
skaðvænlegasta, sem
hægt er að gera, þvi að
barnið þroskast og lær-
ir aðeins með þvi að
hreyfa sig og bjástra.
Þannig er komizt að orði i
hinu nýútkomna blaði Húsfreyj-
unnar, en greinin er tekin upp úr
bókinni „Frá vöggu til grafar”
eftir Susan Isaacs. Hún er fræg
fyrir rit sin um sálarlif barna og
veitti forstöðu um árabil deild i
Lundúnaháskóla fyrir rann-
sóknir i barnasálfræði.
I greininni segir ennfremur:
Mistök og klaufaskapur eru að-
eins áfangar á leið barnsins til
að ná valdi yfir hreyfingum sin-
um og verða sjálfbjarga.
Við verðum að muna, að börn
geta ekki fremur en við, sem
fullorðin erum, lært eitthvað án
æfingar og án þess að gera mis-
tök i fyrstunni. Það sakar aftur
á móti ekki að láta þau taka þátt
i að bæta úr skaðanum. Skamm-
ir og ávitur gera börnin aðeins
hrædd og taugaveikluð og
veikja sjálfstraust þeirra. Við
ættum að gefa þeim tækifæri til
að hreyfa sig sem mest, láta þau
dansa, dansa jafnvel með þeim,
þvi það þykir þeim reglulega
gaman.
Við getum hjálpað þeim til að
verða að félagslyndum einstak-
lingum með þvi að færa okkur i
nyt löngun þeirra til að likja eft-
ir öllu, sem þau sjá hina full-
orðnu gera. Þeim þykir gaman
að finna að þau eru að gera eitt-
hvert gagn, til dæmis leggja á
borð, fara i sendiferð fyrir
mömmu eða þvo sér sjálf svo
eitthvað sé nefnt. En við megum
ekki leggja þeim of þungar
skyldur á herðar, heldur láta
allt lita út sem skemmtilegan
leik, sem við tökum þátt i með
þeim.
Þegar börnin hlaupa um og
Og nú glóðum
við grœnmetið
Á Innsiðunni um dag-
inn birtum við nokkrar
uppskriftir af ýmiss
konar glóðarsteiktum
fiski. Enn höldum við
okkur við glóðarsteik-
inguna og nú er það
grænmetið sem við tök-
um fyrir.
Glóðað grænmeti og ávextir
eru sérlega ljúffeng, og má bera
hvort tveggja fram með fisk-
eöa kjötréttum. Glóðaðir ávext-
ir eru einnig góðir sem ábætis-
réttir með rjóma eða sýrðum
rjóma.
Kartöflur
Notið stórar og mjölmiklar
kartöflur (t.d. bintje). Burstið
þær vel og leggið I skúffuna
neðst I ofninum. Penslið
kartöflurnar með smjöri eða
mataroliu og glóðið um 1 klst.
Skerið kross I kartöflurnar og
kreistið þær að neðan, svo að
krossinn opni sig. Látið smjör-
bita i hverja kartöflu og örlitið
salt og berið með kjöt eða fisk-
réttum. Það er tilvalið að raða
kartöflum i skúffuna ef verið er
að glóða kjöt á teininum.
Þó tómatar séu nú orðnir það
dýrir að við getum ekki leyft
okkur að hafa þá oft á borðum,
þykja flestum þeir góðir. Ekki
er þó vist að öllum hafi dottið i
hug að glóða þá, en þannig eru
þeir mjög ljúffengir.
Notið tómata, sem ekki eru
alveg fullþroskaðir. Skerið þá
itvennt, raðið þeim á ristina og
látið sárið snúa upp. Penslið
með smjöri og stráið svolitilli
brauðmylsnu yfir. Glóðið 2-3
min. ofarlega i ofninum. Gott er
að raða tómötunum á ristina
með fiski eða kjöti, eftir að búið
er að snúa þvi við.
Epli.
Skerið eplin i tvennt, takið
kjarnana úr, penslið sárið með
bræddu smjöri og glóðið á rist-
inni ásamt kótelettum, lifur eða
buffi. Glóðunin tekur álika lang-
an tima. Einnig má skera eplin i
þykkar sneiðar og glóða þá
heldur styttri tima. Eplin eiga
að vera meyr en ekki komin i
mauk. Glóðuð epli eru einnig
góð sem ábætisréttur með
rjóma.
Appelslnur.
Skerið appelsinurnar i báta,
óafhýddar, eða I þykkar sneið-
ar. Penslið þær með smjöri,
stráið örlitlum púðursykri yfir
og glóðið beggja megin, 2-3 min.
á hvorri hlið. Appelsinurnar eru
góðar með ýmsum kjötréttum.
Bananar.
Notið græna og ekki fullþrosk-
aða banana. Glóðið banana
heila og óflysjaða þar til hýðið
er orðið brúnt. Þá eru þeir gegn-
heitir og hæfilega meyrir. Góðir
með kjötréttum eða sem ábætis-
réttur með sýrðum rjóma. Lika
má flysja banana, kljúfa þá að
endilöngu og nudda með
sundurskorinni sitrónu, strá
örlitlum púðursykri á þá og
glóða, þar til þeir eru gegnheit-
ir, gott er að hafa álþynnu undir
þeim á ristinni. Góðir með kjöt-
réttum eða sem ábætisréttur
með rjóma.
ærslast er ánægjan ekki ein-
göngu fólgin i að hreyfa sig,
heldur er hún einnig tengd gleð-
inni yfir þvi að uppgötva fjar-
lægð og rúm. Rúmvitund barns-
ins þroskast á þvi að það tengir i
vitund sinni það sem það sér og
þreifar á, við likamstilfinning-
una, þegar það réttir höndina
eftir einhverju eða þegar það
færir sig úr stað. Hugmynda-
heimur þess tengist þannig náið
líkamstilfinningunni og hreyf-
ingu. Seinna fer barnið svo að
spyrja hve langt sé til þessa
staðar eða hins og hve stórir
ýmsir hlutir séu. Með þvi að
gefa þeim sem greinarbezt
svör, svo þau skilji, leiðum við
þau áfram á brautinni til
þroska.
Smáfólk á leið út I heiminn.
TIL
HELGARINNAR
Dilkakjöt
Úrbeinaður bógur
Hryggir
Læri
Framhryggir
Kótilettur
Súpukjöt
Lærissneiðar
Hakk
Kjötfars
Léttsaltað
Hangikjöt
Úrbeinaðir frampartar
Frampartsbitar
MIKLABRAUT
KAl*jGARQUR
Kaupgarður
.... á leiðinni heim
Smiöjuvegi 9 Kopavogi