Lesbók Morgunblaðsins - 09.01.1982, Page 2
Bæjarstæði og byggingarstíll
í sveitum 3. og síðasti hluti
Byggt á
einni hœð
þœgindanna
vegna —
en skúrþökin eru alveg úr sögunni
— Rætt viö Gunnar M. Jónasson, forstöðumann Bygg-
ingarstofnunar landbúnaðarins
Gunnar M. Jónasson.
Ætla mætti að fáir arkitektar væru
í annarri eins aðstöðu til aö setja
svip sinn á byggðir landsins, ef svo
mætti segja, eins og þeir sem starfa
hjá Byggingarstofnun landbúnaðar-
ins og áður hét Teiknistofa landbún-
aöarins. Bændur munu undantekn-
ingalítiö notfæra sér þá þjónustu
sem þar er á boðstólum, — og hún er
ekki amaleg, því þeir fá teikningar
svo að segja ókeypis.
Þetta er ekki fjölmenn eða stór
stofnun. Gunnar M. Jónasson arki-
tekt veitir henni forstööu og hefur
gert frá ársbyrjun 1972. Það skrifast
því á hans reikning, sem byggt hefur
verið í sveitum síðasta áratuginn, —
en „ekki eru allar syndir guði að
kenna“ og Gunnar bendir á, að tími
hans fari mjög í stjórnunarstörf eins
og verða vill í stofnunum og sjálfar
teikningarnar lendi á öðrum arkitekt,
sem þar starfar. Gunnar á hinsvegar
sinn þátt í stefnumótun að svo miklu
leyti sem hægt er að tala um slíkt og
þá komum viö að kjarna málsins.
Peningamálin ráða útlitinu að mestu,
en til sveita er byggt á svo ódýran
hátt, að húsbyggjendur í kaupstöð-
um ættu ugglaust bágt meö að trúa
því. Menn vilja byggja á einfaldasta
hátt, því það er ódýrast; þeir vilja
byggja á einni hæð uppá þægindin
og því eru háreist ný hús sjaldséö.
Og það sem verra er: Ýmislegu smá-
legu frá hendi Byggingarstofnunar-
innar, sem ætlað er að bæta útlitið,
er hreinlega sleppt.
Þetta og margt fleira bar á góma,
þegar rætt var við Gunnar M. Jónasson,
forstöðumann Byggingarstofnunar land-
búnaðarins. í framhaldi af því spurði ég
hann, á hvað hann legði einkum áherzlu,
þegar íbúðarhús í sveit væri teiknað.
„Ekki á neitt sérstakt," sagði Gunnar.
„Við erum ekki að reyna að koma á nein-
um sérstökum arkitektúr og sjálfur hef
ég ekki neina hugsjón um ákveöiö útlit
Teikning frá 1929: Grund í Kolbeinsstaðahreppi, Hnappadalssýslu.