Morgunblaðið - 26.08.2001, Page 20
20 B SUNNUDAGUR 26. ÁGÚST 2001 MORGUNBLAÐIÐ
bílar
LAND Rover hefur ekki selt Free-
lander í Bandaríkjunum eða Kanada,
en nú þegar bíllinn er orðinn fáan-
legur með V6 vél og með sjálfskipt-
ingu hefur fyrirtækið trú á því að
markaður opnist vestanhafs. Bíllinn
verður settur á markað þar í sept-
ember og gera áætlanir Land Rover
ráð fyrir sölu á 20 þúsund bílum á ári.
„Við fengum hingað til Íslands
nokkra af áhrifamestu bandarísku
blaðamönnunum á þessu sviði. Hér
eru blaðamenn sem skrifa fyrir Auto-
mobile, Car and Driver, Road &
Track en efni þeirra berst einnig til
stórra dagblaða eins og New York
Times, Washington Post og fleiri. Við
gerðum lista yfir helstu blaðamenn-
ina á þessu sviði og við fengum þá
alla til landsins, sem er fremur fátítt
að gerist við kynningar sem þessar.
Við sýnum þeim markverða staði á
Íslandi, sem þeir standa flestir agn-
dofa frammi fyrir, enda fæstir áður
komið hingað, og leyfum þeim að
prófa Freelander á svæðum sem
henta fullkomlega til þess,“ segir
Dover.
Samtals komu hingað um 50 blaða-
menn og var farið í tveimur hópum í
lengri og styttri reynsluakstursferð-
ir. Ein leiðin lá um Hvalfjörðinn vest-
ur í Reykholt og þaðan í Kaldadal og
upp á Langjökul. Kuldalegt og gróð-
ursnautt landslagið hafði greinilega
áhrif á menn, og varð Glenn Hutch-
inson, lausráðnum ljósmyndara frá
New York á orði, að ef það væri
markaður fyrir grjót gæti maður
orðið vellauðugur á þessum slóðum.
Það var greinilegt að blaðamönnum
þótti einnig mikið til um að aka á jökli
og ekki varð undrunin minni þegar
þeirra beið veisluborð úti undir ber-
um himni á miðjum Langjökli sem
svignaði undan kræsingum.
Staðurinn hæfir merkinu vel
Aðspurður hvort til standi að efna
til fleiri bílakynninga hér á landi seg-
ir Dover að erfitt verði hér eftir að
halda Land Rover fjarri landinu.
„Staðurinn hæfir mjög vel Land
Rover-merkinu. Eini ókosturinn er
dýrtíðin hér á landi. En Ísland er til-
valið til kynninga fyrir Norður-Am-
eríkumarkað því landfræðileg lega
þess hentar einstaklega vel; mitt á
milli Evrópu og Bandaríkjanna og
tímamunur er lítill. Landsvæðið er
afar fallegt og maturinn gómsætur.
Það er aðeins kostnaðurinn sem
mælir gegn því að efna til kynninga
hér. En persónulega er ég afar
hlynntur frekari kynningum hér-
lendis,“ segir Dover.
Á síðasta ári seldi Land Rover 27
þúsund bíla í Norður-Ameríku. Dov-
er bendir á að Freelander sé fyrsti
bíll Land Rover í Norður-Ameríku
sem er innan kaupgetu alls almenn-
ings. Fram til þessa hefur salan nán-
ast einvörðungu verið í Range Rover
og Land Rover Discovery.
Íslandsblámi
Á leiðinni ofan af jökli og til
Reykjavíkur þáði blaðamaður Morg-
unblaðsins far með William E. Bak-
er, yfirmanni almannatengsla hjá
Land Rover í Norður-Ameríku. Far-
kosturinn var að sjálfsögðu Free-
lander V6 og liturinn var blár, Ice-
landic Blue, eins og hann heitir.
Baker sagði að Land Rover væri lúx-
usmerki og því eðlilegt að bíllinn
væri lítið eitt dýrari en bílar í svip-
uðum flokki. Mikil áhersla er lögð á
að rækta samband Land Rover eig-
enda við merkið og í þeim tilgangi
efnir Land Rover á hverju ári til svo-
kallaðs Land Rover Adventure, sem
haldið er víða um heim. Baker sagði
að til stæði að njóta gestrisni Íslend-
inga og koma með hóp hingað, enda
væri hér margt að sækja sem ekki
væri annars staðar að finna.
Mönnum þótti talsvert mikið til þess koma að fara yfir ár.
Bob Dover, stjórnarformaður og aðalframkvæmdastjóri Land Rover, í viðtali
við bandaríska sjónvarpsstöð.
Við upphaf ferðar við Hótel Óðinsvé. F.v. William E. Baker, yfirmaður almanna-
tengsla Land Rover í Norður-Ameríku, Gísli Guðmundsson, forstjóri B&L, og
Bob Dover, stjórnarformaður og aðalframkvæmdastjóri Land Rover í Englandi.
Morgunblaðið/Guðjón Guðmundsson
Langjökull var mjög skorinn og snjóléttur og ýmsir farartálmar voru á leiðinni.
Bandaríska bílapressan
á Langjökli
Land Rover stóð fyrir fjöl-
miðlakynningu og reynslu-
akstri á Land Rover Free-
lander V6 hérlendis fyrr í
vikunni fyrir bandaríska og
kanadíska blaðamenn. Guðjón
Guðmundsson slóst með í för
og ræddi við Bob Dover,
stjórnarformann Land Rover.
ARCTIC
Trucks hefur nú
hafið innflutn-
ing á dekkjum
frá hjólbarða-
framleiðand-
anum Cooper-
Avon. Fyr-
irtækið ætlar
að leggja
áherslu á vetr-
arlínuna frá
Cooper-Avon en
einnig stendur til að
bjóða í framtíðinni sérsmíðuð keppn-
isdekk sem Avon-fyrirtækið er þekkt
fyrir. Arctic Trucks leggur áherslu á
að þjóna viðskiptavinum Toyota, P.
Samúelssonar hf. Fyrirtækið hefur í
þessu skyni komið sér upp fullkom-
inni dekkjaaðstöðu í tengslum við
standsetningu nýrra bíla.
Avon-dekkjafyrirtækið var stofnað
árið 1885 og var fyrst skráð á enska
hlutabréfamarkaðinn árið 1933.
Sama ár hóf fyrirtækið samstarf við
Rolls-Royce bílaframleiðandann sem
stendur enn. Avon var fyrsti dekkja-
framleiðandinn í heiminum til að öðl-
ast breska gæðastaðalinn BS5750
og hinn þekkta gæðastaðal ISO
9001 fyrir vörur sínar og þjónustu.
Árið 1997 keypti bandaríski dekkj-
arisinn Cooper Tire & Rubber Comp-
any Avon fyrirtækið og í framhaldi
var Cooper-Avon Tyres Limited
stofnað. Stofnun hins nýja fyrirtækis
markaði tímamót í þjónustu og
framleiðsluháttum Avon.
Arctic Trucks
með nýja gerð af
vetrardekkjum
fyrir fólksbíla
CITROËN bindur miklar vonir við
C3 smábílinn sem verður frumsýnd-
ur á bílasýningunni í Frankfurt í
næsta mánuði. Bíllinn verður í fyrstu
framleiddur til hliðar við Saxo en
seinna meir verður framleiðslu á
Saxo hætt. C3 á að veita nýjum Ford
Fiesta og nýjum VW Polo sam-
keppni. Bíllinn er að miklu leyti
byggður á Lumiere hugmyndabíln-
um sem var frumkynntur fyrir
þremur árum og er djarfasta útspil
Citroën í mörg ár. Eins og margir
aðrir framleiðendur hefur Citroën
ákveðið að C3 verði hábyggður bíll
með þaki sem myndar hálfhring. Á
dýrari útfærslum verður sóllúga sem
myndar þaklínu bílsins staðalbúnað-
ur. C3 er 3,85 metrar á lengd og 1,67
metrar á breidd og því nokkru stærri
en Saxo. Hann er byggður á sama
undirvagn og Peugeot 206. Vélar-
kosturinn verður 1,1 l, ,4 l og 1,6 l
bensínvélar og tvær nýjar 1,4 l dísil-
vélar, 70 og 92 hestafla. 92bhp.
Mikils vænst af Citroën C3
C3 leysir Saxo af hólmi.
C3 verður kynntur á bíla-
sýningunni í Frankfurt.
SPÆNSKI bílaframleiðandinn Seat
frumsýnir hugmyndabílinn Tango á
næstunni, en þetta er tveggja sæta
sportbíll af minni gerðinni. Bíllinn er
3,68 m á lengd og er því lítið eitt
stærri en Ford Ka en minni en Ford
Fiesta. Tango er einmitt ætlað að
keppa við Ford StreetKa og Smart
Roadster, sem verða frumsýndir innan
tíðar. Tango er með 1,8 lítra, fjögurra
strokka vél sem skilar 180 hestöflum
og á að ná 100 km hraða á sjö sek-
úndum. Í Bretlandi á bíllinn að kosta
frá 10 þúsund pundum, sem jafngildir
tæplega 1,5 milljón ÍSK.
Seat Tango.
Seat Tango
BERNHARD ehf., umboðsaðili
Honda og Peugeot, frumsýnir nýjan
Peugeot 307 í nýjum og glæsilegum
sýningarsal að Vatnagörðum 24 um
helgina. Peugeot 307 hefur fengið
mikið lof gagnrýnenda í Evrópu sem
og á Íslandi. Útlit bílsins þykir marka
tímamót í hönnun bíla í þessum
stærðarflokki og tækni- og örygg-
isbúnaður bílsins hefur hingað til
einungis sést í dýrustu bílum sem
völ er á. Boðið verður upp á reynslu-
akstur.
Peugeot 307
frumsýndur
Morgunblaðið/Jim Smart
Bíllinn er hár og framendinn minnir dálítið á 206.
Grunngerð bílsins kostar 1.649.000 kr.