Morgunblaðið - 04.11.2001, Qupperneq 9
MORGUNBLAÐIÐ SUNNUDAGUR 4. NÓVEMBER 2001 B 9
Láttu mig þekkja þetta, ég hef nú
verið þarna. Langflestir tengja mig
óþekkum poppara í gúmmíbuxum,
sem er vissulega hluti af sjálfum
mér. En gúmmíbuxur eru ekki upp-
hafið og endirinn á lífi mínu. Málið
er að ég elska leikhús, búninga,
dans, hreyfilist og fatahönnun auk
þess að elska tónlist. Ef manni
tekst að blanda þessu öllu saman
gerast lítil kraftaverk. Þegar mað-
ur skapar er nauðsynlegt að stilla
sjálfum sér upp við vegg og ná
réttri tengingu. Ég kýs að sækja
tónlistina mína í mitt nánasta um-
hverfi og það sem ég er að upplifa
þá stundina. Einn vinur minn kom í
heimsókn um daginn og heyrði nýju
plötuna. Það sést varla í veggina í
íbúðinni minni fyrir myndum, bók-
um, vídeóspólum, plötum og drasli
sem ég hef safnað alla ævina. Hann
sagði að vistarverur mínar minntu
hann á mjög svo leitandi mann en
sá sem syngi hljómaði eins og
náungi sem hefði fundið eitthvað.
Þetta var mjög fallega sagt og sýn-
ir enn og aftur hvernig ég nærist á
andstæðum.“
Þau Páll Óskar og Monika kynnt-
ust fyrir aðeins hálfu öðru ári á af-
mælistónleikum sem haldnir voru í
Fríkirkjunni til heiðurs Hreiðari
Inga Þorsteinssyni tónskáldi, sem
þá fagnaði 22 ára afmæli sínu.
Hreiðar Ingi útskrifaðist úr tón-
menntakennaradeild Tónlistarskóla
Reykjavíkur í vor og kennir nú við
Tónlistarskóla Garðabæjar. Diskur-
inn markar frumflutning á tónsmíð-
um hans. „Það má segja að hann
hafi beint eða óbeint kynnt okkur
og sparkað boltanum af stað. Þrátt
fyrir ungan aldur Hreiðars Inga er
hann algjört „séní“ og á orðið heil-
mikið lagasafn í sarpinum. Sjálfur
er ég þess fullviss að hann verður
okkar næsti Þorkell Sigurbjörns-
son. Hann er það flottur og á mjög
auðvelt með að semja tónverk út
frá ljóðum sem höfða sérstaklega
til hans.“
Á diskinum, sem er tólf laga, er
að finna lagasmíðar eftir Hreiðar
Inga við ljóð Davíðs Stefánssonar,
sonnettu eftir Shakespeare og ensk
þýdd ljóð en auk þess eru á disk-
inum írsk þjóðlög, amerískir negra-
sálmar og svo segist Páll Óskar
hafa af harðfylgi getað troðið inn
einu Burt Bacharach-lagi fyrir sig.
Karl Olgeir Olgeirsson á líka lag á
plötunni, auk þess sem hann stjórn-
aði upptökum.
„Kalli lifir fyrir tónlist og hefur
þetta algjörlega í blóðinu,“ segir
Páll Óskar. „Hann er ótrúlegur tal-
ent, frábær lagasmiður og góð
manneskja. Svo er líka svo gott að
vinna með honum, en það krefst
mikillar þolinmæði að vinna með
mér sökum fullkomnunaráráttu.“
Auk samvinnunnar við gerð
disksins hafa þau Páll Óskar og
Monika spilað og sungið við ýmis
tækifæri, m.a. í útvarpsþætti um
síðustu jól, í brúðkaupum og á sól-
stöðutónleikum í Grasagarðinum í
Laugardal 21. júní í sumar, auk
þess sem þau hituðu upp fyrir Sig-
ur Rós á Airwaves-hátíðinni.
„Það er dásamleg upplifun að fá
að syngja þetta prógramm, það er
eins og að stíga út úr líkamanum.
Viðbrögð áhorfenda fullvissuðu
okkur um að við værum á réttri
leið.“
Þarf líka ótroðnar slóðir
Monika segir að vinnan við gerð
disksins með Páli Óskari hafi veitt
sér mikla gleði og ánægju. „Allir
sem unnu að diskinum gerðu það af
fullri einlægni og það kostaði líka
blóð, svita og tár. En einlægnin
skín í gegn og það heyrist á plöt-
unni. Eins og Páll Óskar þarf ég
líka að fara ótroðnar slóðir og get
ekki fundið mig í einhverju einu til
lengri tíma – enda er það ég sem er
í tvíburamerkinu.
Þegar þessi samvinna okkar var
viðruð kolféll ég fyrir henni eins og
skot án þess að hugsa rökrétt. Það
var bara tekin ákvörðun um að gera
þetta og ég sé ekki eftir einni mín-
útu af þeim tíma sem farið hefur í
þetta,“ segir Monika. „Við komum
úr svo ólíkum áttum að við þurfum
að fara inn í framandi heima hvort
annars sem, þegar upp er staðið,
verður mjög gjöfult. Popp mætir
klassík og það er svo spennandi og
skemmtilegt. Rödd Páls Óskars er
yndisleg og að heyra hann til dæm-
is syngja Ave María og Sofðu unga
ástin mín er hrein unun að hlusta á.
Hann er svo einlægur í því sem
hann tekur sér fyrir hendur. Ég hef
trú á að nám í klassískum söng
myndi ekkert gera fyrir hann ann-
að en að skemma þá sérstöðu sem
hann hefur meðal söngvara.“
Útgáfutónleikar
í Laugarneskirkju
Upptökur fóru fram í Salnum í
Kópavogi að undanskildum
strengjaþættinum, sem tekinn var
upp í Víðistaðakirkju í Hafnarfirði.
Strengjasveitinni stýrir Sigrún Eð-
valdsdóttir. Útgáfutónleikar verða
haldnir í Laugarneskirkju í dag,
sunnudag. Þeir verða tvennir; þeir
fyrri hefjast kl. 17.00 og hinir seinni
kl. 20.30. „Það verður örugglega
mögnuð upplifun að fá að flytja
þessa tónlist í kirkju,“ segir Páll
Óskar að lokum. „Þar er ekkert
pláss fyrir neina stæla. Ég fæ að
vera minni poppstjarna en meiri
söngvari.“
um grænum. Hún svaraði strax aftur
til baka og þá kom í ljós að íslenska
konan sem hún spurði um var móðir
hennar. Í framhaldi af þessu komst
stúlkan í samband við hana og aðra
ættingja sína hér.
Varð viðskila við foreldra sína
Stúlkan hafði sem ungt barn verið
sett í tímabundið fóstur hjá barn-
lausum hjónum í Bretlandi en varð í
kjölfar þess viðskila við foreldra sína
og hún fannst ekki þrátt fyrir eft-
irgrennslan. Fósturforeldrarnir
höfðu flutt með hana og skilið síðar
og þannig týndist slóðin, enda gerðu
þeir ekkert til þess að koma barninu
til foreldranna – nema síður væri.
Þeir sögðu stúlkunni ekki að hún
væri fósturbarn en hún fékk
snemma grunsemdir um að þannig
væri málinu háttað því hún var ljós á
brún og brá en fósturforeldrarnir af-
ar dökkhærðir og dökkeygir. Hún
komst ekki að hinu sanna fyrr en hún
var orðin fullorðin og þá fór hún að
leita uppruna síns. En hún hafði svo
takmarkaðar upplýsingar vegna
laumuspils fósturforeldranna að hún
fann ekki neitt til að styðjast við
fyrst í stað.
Fann konu með sama
föðurnafn og móðirin
Loks fann hún fæðingarvottorð
sitt og þar voru nöfn foreldra hennar
en hún áttaði sig ekki á að nafn móð-
ur hennar væri íslenskt, enda hafði
hún enga vitneskju sem beint gat leit
hennar til Íslands.
Það var ótrúleg tilviljun sem réð
því að hún fann móður sína. Hún
fann sem fyrr sagði nafn konu í Skot-
landi á Netinu sem bar sama eftir-
nafn og móðir hennar og freistaði
þess að skrifa henni í þeirri von að
hún væri skyld móðurinni. Hún vissi
auðvitað ekkert um að þetta karl-
mannsnafn, sem umræddar tvær
konur eru kenndar við, er eitt af al-
gengustu nöfnunum á Íslandi en
ekki ættarnafn eins og tíðkast í Bret-
landi. Það var svo enn ótrúlegri til-
viljun að ég skyldi kannast við nafn
móðurinnar og geta þannig komið
henni í samband við ættingja sína. Í
framhaldi af því gat hún skipulagt
ferð hingað ásamt eiginmanni og
barni. Þessi stúlka á móður á lífi og
mannmarga fjölskyldu hér á landi
sem fagnaði henni innilega en í Bret-
landi hafði hún alist upp í fámennri
fjölskyldu. Það var öllum sem hlut
eiga að máli óblandin gleði að stúlk-
an skyldi finna fjölskyldu sína og
þetta atvik sýnir hverju tölvutæknin
og Netið geta komið til leiðar í dag.
Þetta breytir lífi stúlkunnar allveru-
lega – hún hafði leitað uppruna síns
lengi og með ýmsum hætti, þetta var
síðasta vonin og hún brást sem betur
fór ekki.
Ég fékk að hitta þess stúlku og
fjölskyldu hennar er hún var hér á
landi. Hún notaði þá tækifærið til
þess að spyrja mig um hvernig þetta
hafði allt atvikast í smáatriðum og
sagði mér að henni væri mjög létt að
vita nú um uppruna sinn og glöð yfir
að hafa með aðstoð tækninnar fengið
tækifæri til þess að sameinast fólk-
inu sínu, sem hún fyrir undarlega at-
burðarás hafði orðið viðskila við fyrir
svo löngu.“
Calsium Cidrate
FRÁ
Fyrir bein og tennur
Einnig talið gott fyrir maga og ristil
meðGMPgæðaöryggi
Apótekin
FRÍHÖFNIN
H
á
g
æ
ð
a
fra
m
le
ið
sla
Erum að innrita
í löggiltar iðngreinar:
Bakaraiðn, framreiðslu,
kjötiðn og matreiðslu
Nánari upplýsingar veitir kennslustjóri hótel- og
matvælagreina á skrifstofutíma
milli kl. 9.00 og 15.00.
Kennsla hefst 14. janúar.
Metnaður í fyrirrúmi!
HÓTEL- OG MATVÆLASKÓLINN
MENNTASKÓLINN Í KÓPAVOGI
v/Digranesveg 200 Kópavogi.
Símar 594 4030/594 4080 Fax 594 4001 Netfang mk@ismennt.is
Nám í grunndeild
matvælagreina
Innritun stendur yfir
Nánari upplýsingar veitir kennslustjóri hótel- og
matvælagreina á skrifstofutíma
milli kl. 9.00 og 15.00.
Kennsla hefst 14. janúar.
Tækifæri til að kynnast
spennandi atvinnugreinum!
HÓTEL- OG MATVÆLASKÓLINN
MENNTASKÓLINN Í KÓPAVOGI
v/Digranesveg 200 Kópavogi.
Símar 594 4030/594 4080 Fax 594 4001 Netfang mk@ismennt.is