Morgunblaðið - 11.08.2002, Síða 16
16 B SUNNUDAGUR 11. ÁGÚST 2002 MORGUNBLAÐIÐ
bílar
CITROËN hefur hafið mikið endur-
nýjunarferli á framleiðslulínu sinni.
Nýlega kom á markað stóri milli-
stærðarbíllinn C5, sem keppir á sama
markaði og VW Passat og Ford Mond-
eo, og um þessa helgi frumkynnir
Brimborg, umboðsaðili Citroën, nýjan
smábíl sem heitir einfaldlega C3. Bíln-
um var fyrst reynsluekið í Frakklandi
síðastliðið vor og þar kynntist undirrit-
aður fyrst nýstárlegu útliti og hreint
ágætum aksturseiginleikum þessa
skemmtilega smábíls. Á dögunum var
bílnum síðan reynsluekið á grófgerð-
ari íslenskum vegum og nú með 1,4
lítra bensínvélinni.
Hábyggður
Það sem vekur strax athygli við
hönnun C3 er hversu hábyggður bíll-
inn er. Þetta er í takt við nýja strauma
í smábílahönnun þar sem áhersla er
lögð á sem mest innanrými í sem
minnstum bíl. Það er fyrir vikið afar
þægilegt að umgangast bílinn og gott
að setjast inn í hann og stíga út úr
honum. Lofthæðin er alls staðar mikil
og þess vegna er unnt að hafa sæta-
stöðuna hærri en vant er í smábílum.
Ökumannssætið er þar fyrir utan með
hæðarstillingu.
Þótt C3 sé smábíll í öllum skilningi
þess orðs rúmar hann ágætlega fjóra
fullorðna og farangursrýmið er með
fölskum botni og rúmar meira en
mann grunar í fyrstu.
Bjartur að innan
Bíllinn er afar bjartur að innan.
Rúður eru stórar og veita mikilli birtu
inn í bílinn auk þess sem þær gefa
ökumanni góða yfirsýn yfir veginn.
Þó skyggja þykkir a-hurðapóstar
nokkuð á útsýn úr ökumannssætinu.
Mælaborðið er nýstárlegt og mælarn-
ir sérviskulegir og í anda Citroën.
Hraðamælirinn er stafrænn og snún-
ingshraðamælirinn er hálfhringlaga
kvarði þar fyrir ofan. Smekklegt en
því miður venst illa að lesa af snún-
ingshraðamælinum.
Tvö hanskahólf og skúffa undir
fremra farþegasæti geyma lausa-
munina og armhvílur eru staðalbún-
aður í framsætum.
Stíllinn og útlitið er nútímalegt og
glæsilegt en efnisvalið veldur á hinn
bóginn vonbrigðum. Þrátt fyrir lag-
legt útlit verður ljóst um leið og farið
er að þreifa á hlutunum að flest allt er
mótað úr veigalitlu plasti og sums
staðar er frágangurinn heldur ekki
upp á það besta.
Rafstýri
En nóg um það því C3 er uppfullur
af góðum kostum sem fara langt með
að vega upp þessa annmarka. Bíllinn
er með rafstýrðu vökvastýri og er af-
ar léttur í stýri í borgarumferðinni,
sem er eftirsóknarverður kostur þeg-
ar leggja þarf í þröng stæði og koma
sér áfram í þungri umferð. Stýrið
þyngist síðan með auknum hraða.
Rafmagnsstýrið hefur líka þann kost
að draga úr eldsneytisnotkuninni.
Vélin skilar 75 hestöflum að há-
marki við 5.400 snúninga. Þetta er
spræk vél sem hentar vel í borg-
arakstri og skilar líka sínu í þjóðvega-
akstri. Upptakið er ekkert sérstakt,
eða heilar 14,2 sekúndur úr kyrrstöðu
í 100 km hraða. Fjöðrunin er fremur
stillt fyrir þægindi en stífleika til að
ná hámarksgripi og bíllinn er því
þægilegur í langkeyrslu. Bíllinn var
prófaður með fimm gíra handskiptum
gírkassa sem er bæði lipur og ratvís
og snyrtilegur og um leið einfaldur
frágangur í kringum gírstöngina vek-
ur athygli. C3 er líka fáanlegur með
sjálfskiptingu.
Hagstætt verð
C3 fyllir hóp nýrra smábíla sem ný-
lega hafa verið kynntir til sögunnar.
Þar má nefna nýjan VW Polo, Opel
Corsa, Ford Fiesta og innan tíðar
koma á markað enn nýir bílar í þess-
um flokki, s.s. Hyundai Getz og Niss-
an Micra. Citroën getur borið höfuðið
hátt í flestum samanburði því fyrir-
tækinu hefur tekist að smíða bíl sem
vekur athygli jafnt fyrir formfegurð
og mikið notagildi. Bíllinn er líka á
hagstæðu verði með tilliti til keppi-
nautanna og búnaðar. Með 1,4 l vél-
inni í SX-gerð kostar hann 1.389.000
kr. og 1.509.000 kr. sjálfskiptur. Stað-
albúnaður er m.a. ABS hemlar með
EBD-hemlajöfnun og EBA-neyðar-
hemlunarbúnaði, geislaspilari, fjórir
öryggispúðar, fimm þriggja punkta
öryggisbelti og hnakkapúðar, fjar-
stýrð samlæsing og rafstýrðar fram-
rúður ásamt regnskynjara í fram-
rúðu.
Morgunblaðið/Þorkell
C3 er á fremur hagstæðu verði miðað við búnað.
Í farangursrýminu er falskt gólf sem myndar mörg hólf.
Vel búinn
og laglegur
Citroën C3
REYNSLUAKSTUR
Citroën C3 SX 1.4i
Guðjón Guðmundsson
Bíllinn er bjartur að innan og lofthæðin er mikil.
Vél: Fjögurra strokka,
1,4 lítrar.
Afl: 75 hestöfl.
Tog: 118 Nm.
Hröðun: 14,2 sekúndur
úr kyrrstöðu í 100 km/
klst.
Eyðsla: 6,2 lítrar í
blönduðum akstri.
Lengd: 3.850 mm.
Breidd: 1.670 mm.
Hæð: 1.520 mm.
Eigin þyngd: 1.039 kg.
Farangursrými: 282
lítrar.
Hemlar: Skálar, ABS,
EBD.
Verð: 1.389.000 kr.
Umboð: Brimborg hf.
Citroën
C3 SX 1.4i
gugu@mbl.is
Daily vits
FRÁ
Langsterkasta blandan
á markaðnum.
Með gæðaöryggi
FRÍHÖFNIN
S
ta
n
sl
a
u
s
o
rk
a
H
á
g
æ
ð
a
fra
m
le
ið
sla