Morgunblaðið - 25.10.2002, Síða 4

FÓLK

JÚGÓSLAVINN Mirko Virijevic
sem lék körfuknattleik með Breiða-
bliki á síðustu leiktíð er á leið aftur til
Blikanna en samkomulag hefur
náðst milli hans og stjórnar um að
hann leiki með Kópavogsliðinu út
leiktíðina. Virijevic er væntanlegur
til landsins um helgina.

VIRIJEVIC verður 21 árs í desem-
ber. Hann skoraði að meðaltali 13,4
stig í leikjum Blikanna á síðustu leik-
tíð og tók rúmlega 10 fráköst.

THEODÓR Óskarsson sóknar-
maður í bikarmeistaraliði Fylkis er
farinn til Noregs en honum var boðið
að dvelja til reynslu hjá norska úr-
valsdeildarliðinu Odd Grenland.
Theodór, sem lék mjög vel með Ár-
bæjarliðinu í sumar, er samnings-
bundinn Fylki til loka ársins 2003.

BERTI Vogts, landsliðsþjálfari
Skotlands í knattspyrnu, var meðal
áhorfenda á leik WBA og Birming-
ham um sl. helgi. Hann var mættur
til að fylgjast með Phil Gilchrist,
varnarmanni WBA. Gilchrist á
skoskan afa, þannig að hann gæti
leikið með landsliði Skotlands ef
hann hefði áhuga á því. Vogts var
ánægður með Gilchrist.

PORTSMOUTH hefur fengið
miðjuleikmanninn Steve Stone, 31
árs, að láni frá Aston Villa. Graham
Taylor, knattspyrnustjóri Aston
Villa, var búinn að segja við Stone að
hann ætti litla framtíð hjá liðinu.

BARCELONA hefur hug á að
styrkja sóknarlínu sína og hafa for-
ráðamenn liðsins augastað á sænska
landsliðsmanninum Zlatan Ibra-
himovic, leikmanni Ajax. Einnig
Harry Kewell, Leeds, og Argentínu-
manninum Andres D’Alessandro,
sem leikur með River Plate.

LEEDS United er á höttunum eftir
Brasilíumanninum Kleberson og er
það ekki í fyrsta sinn sem forráða-
menn Leeds sýna þessum 23 ára
gamla miðjumanni áhuga en hann
varð heimsmeistari með Brasilíu-
mönnum í sumar.

TERRY Venables, stjóri Leeds,
hfeur hug á að taka til í herbúðum
liðsins þegar opnað verður fyrir fé-
lagaskiptin að nýju í janúar. Kleber-
son er efstur á óskalista Venables og
þá þykir líklegt að Frakkinn Oliver
Dacourt og Ástralinn Mark Viduka
rói á önnur mið en hvorugur þeirra
hefur átt fast sæti í liði Leeds síðan
Venables tók við því.

LÁRUS Orri Sigurðsson gæti átt í
vændum meiri samkeppni um sæti í
byrjunarliði WBA því stjóri liðsins,
Gary Megson, er sagður vera að und-
irbúa kauptilboð í belgíska varnar-
manninn Peter van der Heyden sem
leikur með Club Brügge.

STEFAN Lövgren fyrirliði
sænska landsliðsins í handknattleik
meiddist á olnboga í leik með liði
sínu, Kiel, þegar liðið sigraði Minden
í þýsku úrvalsdeildinni í handknatt-
leik. Talið er að Lövgren, sem aftur
var kominn á ferðina eftir bak-
meiðsli, verði frá næstu 4–6 vikurnar.

BENGT Johannsson landsliðs-
þjálfari Svía var búinn að taka
ákvörðun um að tefla Lövgren ekki
fram á heimsbikarmótinu, sem hefst
í næstu viku, vegna bakmeiðslanna
en Lövgren ætlar að koma til móts
við félaga sína og vera Johannsson til
trausts og halds á bekknum.

LEMGO setti met í þýsku úrvals-
deildinni í handknattleik í fyrrakvöld
þegar liðið burstaði Eisenach, 41:25.
Þetta var níundi sigurleikur Lemgo í
jafnmörgum leikjum sem er besta
byrjun liðs frá upphafi í þessari
sterkustu handboltadeild heims.

KIEL vill losa sig við norska lands-
liðsmarkvörðinn Steinar Ege en
hann er samningsbundinn þýska
meistaraliðinu til ársins 2005. Hjá
Kiel eru einnig Henning Fritz lands-
liðsmarkvörður Þjóðverja og Svíinn
Mathias Andersson.
Á dögunum hélt undirbúnings-nefnd Austurríkis og Sviss ráð-
stefnu fyrir fjölmiðla þar sem farið
var í gegnum ýmsa
þætti varðandi um-
sóknir þeirra sjö að-
ila sem sækjast eftir
úrslitakeppni EM ár-
ið 2008. Á þeim fundum var bersýni-
legt að umsókn Austurríkis og Sviss
er vel ígrunduð og hvert smáatriði
þaulskipulagt frá upphafi. Blaðamenn
sem sátu ráðstefnuna komu víðsvegar
frá Evrópu og að mati flestra þeirra
mun umsókn Austurríkis og Sviss
standa á sama grundvelli og sameig-
inleg umsókn Íra og Skota og Norð-
urlandaþjóðanna fjögurra, Noregs,
Svíþjóðar, Danmerkur og Finnlands.
Breskir blaðamenn sögðu reyndar á
ráðstefnunni að Skotar hefðu ekki
unnið sína heimavinnu vel í upphafi
og hefðu ekki áttað sig á því að átta
keppnisvellir með að lágmarki 30 þús-
und sætum undir þaki væri krafa frá
UEFA en Skotar höfðu fengið upp-
lýsingar um að sex slíkir vellir væri
nóg. Á síðustu stundu var því haft
samband við Íra sem síðar sam-
þykktu að standa að umsókninni
ásamt Skotum. Hins vegar hefur lítið
gerst á Írlandi undanfarið ár og hafa
stuðningsmenn svokallaðs „gelísks
fótbolta“ þar sem knetti er leikið ým-
ist með fæti eða kylfu, sett sig gegn
hugmyndum um að breyta leikvelli
þeirra á Írlandi á þann veg að hann
falli undir reglugerðir UEFA.
Gríðarlegur kostnaður
Að mörgu þarf að hyggja í slíkum
undirbúningi og þarf að taka flesta
þætti samfélagsins með í heildar-
ímynd hverrar umsóknar fyrir sig.
Það kom reyndar mjög á óvart að sjö
umsækjendur skyldu sækjast eftir
hnossinu að þessu sinni.
Um 1,2 milljónir sæta verða að vera
í boði, en þá er lagt saman sætafram-
boð átta keppnisvalla í riðlakeppni,
sem og úrslitakeppni. Gert er ráð fyr-
ir að um 300 þúsund ferðamenn leggi
land undir fót til að fylgja sínum lið-
um, keppninni er sjónvarpað að auki
til 200 landa og um 10 þúsund fjöl-
miðlamenn verða á keppnisstöðunum
átta. Uppsafnað sjónvarpsáhorf er
mikið á EM og verður um 10 millj-
arðar sé tekið mið af síðustu keppni
sem fram fór í Belgíu og Hollandi árið
2000.
Að flestra mati eru möguleikar
Ungverja sem sækja einir um að
þessu sinni líkt og Rússar, afar litlir
þar sem ráðast þarf í gríðarlegar
framkvæmdir hvað varðar sam-
göngur, gistingu og keppnisvellina
sem verða að vera átta alls. Sömu
sögu má segja af sameiginlegri um-
sókn Bosníumanna og Króata, Tyrk-
lands og Grikklands, þar sem mikil og
kostnaðarsöm uppbygging þarf að
eiga sér stað.
Sjö af fimmtán í stjórn
UEFA sitja hjá
Í stórn UEFA eru alls sjö af fimm-
tán stjórnarmönnum vanhæfir til
þess að greiða atkvæði í desember
þar sem þeirra þjóðir eru á meðal um-
sækjenda. Atkvæði fimm einstak-
linga í stjórn UEFA ráða því úrslitum
þegar uppi er staðið. Eggert Magn-
ússon mun því sitja hjá í atkvæða-
greiðslu UEFA ef Norðurlandaþjóð-
irnar komast alla leið í „úrslit“ en
líklegast mun stjórn UEFA aðeins
velja á milli tveggja umsókna þegar
uppi er staðið 12. desember nk.
Thomas Helbling annar tveggja
formanna undirbúningsnefndar
Austurríkis og Sviss sagði við Morg-
unblaðið að styrkur þeirra væri sá að
almenningur þyrfti ekki að hafa
áhyggjur af miklum og dýrum fram-
kvæmdum á vegum þess opinbera, fái
þeir keppnina í sínar hendur. „Sviss
og Austurríki standa vel að vígi hvað
varðar grunnskipulag þjóðanna og
skattgreiðendur myndu ekki leggja
til gríðarlega fjármuni í uppbyggingu
af ýmsum toga. Hlutafélög munu sjá
um að standa straum að kostnaði við
framkvæmdum við þá keppnisvelli
sem verða byggðir,“ sagði Helbling
og bætti við að sú stefna hefði verið
tekin hjá flestum umsækjendum að
tjá sig ekki um umsóknir keppinaut-
anna.
Óttast ekki spillingu
„Það er von okkar og trú að þrátt
fyrir fjölda þeirra sem sækja um að
þessu sinni verði aðeins horft á gæði
þegar uppi er staðið. Knattspyrnu-
hreyfingin vill ekki fá á sig sama orð-
spor og gerðist fyrir valið á vetrar-
leikum ÓL í Salt Lake City, þar sem
umsækjendur voru sakaðir um að
hafa rangt við er þeir voru heimsóttir
af meðlimum IOC, Alþjóða Ólympíu-
nefndarinnar. Ég get fullyrt að stjórn
UEFA kemur með hreina samvisku
þegar þeir kveða upp dóm sinn í des-
ember,“ bætti Helbling við.
Nú þegar standa yfir framkvæmdir
við velli í Bern, Genf og Zürich í Sviss
og aðeins völlur Meistaradeildarliðs-
ins Basel er þegar í notkun. Í Aust-
urríki mun Ernst Happel-leikvangur-
inn verða vettfangur úrslitaleiksins
komi til þess að keppin fari fram í
Austurríki og Sviss. Í Salzburg verð-
ur endurbótum lokið á næsta ári en
lengri tíma tekur að ljúka endurbót-
um á vellinum í Innsbruck. Fjórði
keppnisvöllurinn í Austurríki verður í
Klagenfurt en það er eini völlurinn
sem verður byggður upp frá grunni
en framkvæmdir eru ekki enn hafnar
á þeim velli.
Stór óvissuþáttur í
umsókn Norðurlandanna
Lítið hefur farið fyrir umræðu um
umsókn Norðurlandanna fjögurra og
þar sem fjórar þjóðir standa að um-
sókninni eru viss vandkvæði tengd
því hvernig best sé að framkvæma
undankeppnina fyrir EM 2008.
Arild Sandven, norskur blaðamað-
ur á Aftenposten, sagði í gær að enn
væri nokkur óvissa um hvaða leiðir
væru færar í þessum efnum. „Það
gæti farið svo að umsókn Norður-
landaþjóðanna yrði hafnað, einfald-
lega vegna þess að undankeppnin
yrði of flókin í kjölfarið,“ sagði Sand-
ven en játti því að mikil spenna væri í
herbúðum knattspyrnusamböndum
Norðurlanda þessa stundina. „UEFA
mun gefa bestu jólagjöfina sem menn
geta hugsað sér í desember. Það færi
allt á annan endann hér í Noregi, líkt
og hjá hinum þjóðunum þremur
fengjum við riðlakeppni árið 2008 og
skiptir engu hvort Norðmenn, Svíar,
Danir eða Finnar yrðu ekki á meðal
þátttökuliða. Það yrði uppselt á alla
leiki,“ sagði Sandven.
Hvaða þjóðir fá sæti í úrslitakeppn-
inni sem gestgjafar og hvaða þjóðir
verða að fara í gegnum riðlakeppni
líkt og aðrar þjóðir, að undanskildu
Evrópumeistaraliði síðustu keppni
þar á undan sem fram fer í Portúgal.
Eftir 49 daga mun UEFA taka ákvörðun um hverjir hreppa úrslitakeppni EM 2008
Sviss og Austurríki
standa vel að vígi
EFTIR 49 daga, eða 12. des-
ember nk., mun stjórn knatt-
spyrnusambands Evrópu,
UEFA, taka ákvörðun um
hvaða umsækjendur fá þann
heiður að vera gestgjafar úr-
slitakeppni 16 bestu karla-
landsliða í Evrópu, árið 2008.
Það eru ekki margir sem eru
með hugann við keppni í
knattspyrnu sem fram fer eftir
sex ár, því í millitíðinni fer
fram úrslitakeppni EM í Portú-
gal árið 2004 og tveimur árum
síðar úrslitakeppni HM í
Þýskalandi. Öðru máli gegnir
hins vegar um þá aðila sem
standa að umsókn um þriðja
stærsta íþróttaviðburð heims,
á þeim vígstöðvum er hver
dagur í undirbúningnum lík-
astur því að um úrslitaleik sé
að ræða.
Eftir
Sigurð Elvar
Þórólfsson
Reuters
Hvar sem Evrópukeppni landsliða 2008 fer fram, þá koma áhorfendur til með að setja mikinn svip
á allt þjóðlíf í þeim löndum sem keppnin fer fram í. Hér á myndinni má sjá danska stuðningsmenn
slá á létta strengi á HM, sem fór fram í Suður-Kóreu og Japan sl. sumar.