Morgunblaðið - 20.11.2002, Side 1

2002
MIÐVIKUDAGUR 20. NÓVEMBER BLAÐ B
B L A Ð A L L R A L A N D S M A N N A
HAUKAR FARA TIL SPÁNAR EN GRÓTTA/KR TIL DANMERKUR / B3
Atli sagði að hann treysti öllumleikmönnum sínum, sem eru í
hópnum í Tallinn, fullkomlega í
slaginn, en hann
hafi valið að gera
breytingar á lands-
liðinu og það yrði
mjög skemmtilegt
að sjá hvernig þær virkuðu.
„Árni Gautur Arason verður í
markinu og miðverðir fyrir framan
hann Hermann Hreiðarsson og Ív-
ar Ingimarsson. Bjarni Þorsteins-
son verður vinstri bakvörður og
Gylfi Einarsson verður hægri bak-
vörður.
Fyrir framan miðverðina verða
tveir miðjumenn – Pétur Mar-
teinsson og Ólafur Stígsson. Þórð-
ur Guðjónsson verður hægra meg-
in á miðjunni og Arnar
Gunnlaugsson vinstra megin.
Tryggvi Guðmundsson verður á
miðjunni og Helgi Sigurðsson í
fremstu víglínu,“ sagði Atli um
uppstillingu liðsins.
Gaman að sjá Arnar
á ný með landsliðinu
„Það verður gaman að sjá Arnar
leika með okkur á ný en hann hef-
ur mikla hæfileika – kemur með
hraða og knatttækni. Ef hann nær
sér á strik yrði það frábært fyrir
okkur. Sama má segja um Þórð,
sem hefur góðar spyrnur og hraða.
Tryggvi gæti hentað í því hlut-
verki sem Eiður Smári Guðjohn-
sen hefur leikið. Það er að skjóta
sér inn á milli varnarmanna, sem
hann er þekktur fyrir. Fyrir fram-
an hann er Helgi, sem er mikill
gegnumbrotsmaður. Maður veit
aldrei hverju hann tekur uppá og
það gerir andstæðingurinn heldur
ekki.
Helgi getur verið óútreiknanleg-
ur og þegar hann dettur inn á góð-
an dag getur hann sett mörk sem
duga til sigurs,“ sagði Atli, sem
reiknar fastlega með miklum bar-
áttuleik.
Líkamlega sterkir og
hættulegir sóknarmenn
„Eistlendingar eru líkamlega
sterkir og leika agaðan varnarleik.
Þá eru þeir með hættulega sókn-
arleikmenn, sem við verðum að
hafa góðar gætur á. Þá eru þeir
með leikna miðjumenn, sem við
verðum að stöðva. Eistlendingar
beita mikið skyndisóknum, sem
eru hættulegar.“
Þegar Atli var spurður hvort
bræðurnir Þórður, Jóhannes Karl
og Bjarni Guðjónssynir komi til
með að vera inná vellinum allir í
einu, sagði hann: „Já, ég vona það.
Það fer eftir því hvernig leikurinn
þróast. Það yrði gaman að sjá þá
saman inni á vellinum. Jóhannes
Karl og Bjarni léku vel gegn
Litháen á dögunum, en nú fá aðrir
tækifæri í byrjunarliðinu,“ sagði
Atli.
Landsleikur Eistlands og Ís-
lands verður leikinn á nýjum
heimavelli Flora Tallinn og hefst
hann kl. 18 eða kl. 16 að íslenskum
tíma. Honum verður sjónvarpað
beint á RÚV.
Atli Eðvaldsson teflir fram breyttu
landsliði gegn Eistlandi í Tallinn
„Arnar, Þórð-
ur og Tryggvi
koma með
meiri hraða“
„ÉG hef valið að nýta leikinn gegn Eistlendingum hér í Tallinn til
að gefa leikmönnum sem hafa ekki leikið með landsliðinu að
undanförnu tækifæri,“ sagði Atli Eðvaldsson, landsliðsþjálfari í
knattspyrnu, þegar hann var búinn að tilkynna byrjunarlið sitt á
æfingu í gær. Þórður Guðjónsson, Pétur Hafliði Marteinsson,
Arnar Gunnlaugsson leika sinn fyrsta landsleik í ár og Tryggvi
Guðmundsson er kominn í byrjunarliðið á ný, en hann hefur að-
eins leikið einn leik á árinu – kom inná sem varamaður rétt fyrir
leikslok í leik gegn Noregi í Bodö, 1:1.
Sigmundur Ó.
Steinarsson
skrifar
frá Tallinn
■ Mikil spenna /B4
HJÁLMUR Dór Hjálmsson, knatt-
spyrnumaður frá Akranesi, dvelur
þessa dagana til reynslu hjá þýska 2.
deildarfélaginu Rot-Weiss Oberhau-
sen. Hann fór þangað í síðustu viku
og er væntanlegur heim nú fyrir
helgina. Framkvæmdastjóri Ober-
hausen er enginn annar en Klaus
Hilpert, sem þjálfaði Skagamenn á
árum áður og var lengi fram-
kvæmdastjóri Bochum. Hilpert sá til
Hjálms í leikjum 21-árs landsliðsins í
haust og bauð honum til Þýskalands
í framhaldi af því.
Oberhausen er í 5. sæti 2. deildar,
næstefstu deildar, og er tveimur
stigum á eftir Frankfurt, sem er í
þriðja sætinu, en þrjú lið vinna sig
upp í 1. deild. Þetta er fimmta tíma-
bilið sem Oberhausen leikur í 2. deild
eftir að hafa unnið sig upp úr þeirri
þriðju árið 1998, og hefur best náð
sjötta sætinu til þessa.
Hjálmur er tvítugur og átti fast
sæti í liði Skagamanna sem hægri
bakvörður í úrvalsdeildinni í sumar,
lék 17 leiki og skoraði eitt mark. Þá
lék hann þrjá leiki með 21-árs lands-
liðinu og hefur áður spilað með yngri
landsliðunum.
Hjálmur er
hjá Hilpert
Morgunblaðið/Jim Smart
Keflavík vann yfirburðasigur á Val, 114:61, í úrvalsdeildinni í
körfuknattleik í gærkvöld. Hér reynir Gylfi Már Geirsson í Val
að verjast Damon Johnson. Nánar um leikina á B2.
MÓTANEFND HSÍ ákvað í gær að fresta leik
Fram og Hauka í 1. deild karla í handknattleik
sem fram átti að fara í gærkvöldi. Framarar fóru
fram á frestunina þar sem flensa herjar á leik-
menn liðs þeirra en sjö liggja rúmfastir. Þetta
eru; Magnús G. Erlendsson, Valdimar Þórsson,
Gunnar Jónsson, Haraldur Þorvarðarson, Guð-
laugur Arnarsson, Hjálmar Vilhjálmsson og Þór-
ir Sigmundsson. Leikurinn hefur verið settur á
að nýju á miðvikudaginn í næstu viku.
„Það er fordæmi fyrir frestun vegna veikinda
leikmanna frá 1998 þegar fresta varð leik Aftur-
eldingar og Vals þegar sex leikmenn Vals voru
veikir og þá eins og nú voru lögð læknisvottorð
því til staðfestingar,“ sagði Óskar Bjarni Ósk-
arsson, starfsmaður HSÍ í gær. „Auðvitað er
slæmt að þurfa að fresta leik á leikdegi en þegar
læknisvottorð lágu fyrir kom ekkert annað til
greina en að fresta,“ sagði Óskar.
Sjö Framarar
rúmliggjandi
XUHONG Yang, knatt-
spyrnukona frá Kína, er
gengin til liðs við úrvals-
deildarlið Stjörnunnar og
hefur skrifað undir tveggja
ára samning við Garðabæj-
arfélagið. Xuhong er 24 ára
og lék með liði í Peking í úr-
valsdeildinni í Kína í sex ár
og varð meistari með því árið
1999, en auk þess spilaði hún
með kínverska landsliðinu
1997–1999. Hún hefur dvalið
hér á landi frá því í byrjun
ágúst en fékk ekki leikheim-
ild til að spila með Stjörnunni
á lokakafla Íslandsmótsins.
„Það er góður liðsstyrkur í
þessari stúlku. Hún leikur á
miðjunni og ætti að nýtast
okkur vel,“ sagði Ásbjörn
Sveinbjörnsson, þjálfari
Stjörnunnar, við Morg-
unblaðið.
Kínverji í
Stjörnuna