Nýja dagblaðið - 08.02.1934, Page 2

2
N Ý J A
DAGBLAÐIÐ
1
Avarp
til lslendinga, frá
stjórn lslenzku vik-
unnar áSuðurlandi
í samráði við stjóm ísl. vik-
unnar á Norðurlandi, höfum
vér ákveðið að beita oss fyrir
því, að haldin verði ísl. vika
um land allt dagana 22.—29.
apríl n. k.
Vér heitum því hérmeð á
alla íslendinga, að leggja hönd
á plóginn með oss, til þess að
gera starfsemi þessa sem.
áhrifamesta. Alþingi og ríkis-
stjórn hafa viðurkennt nauð-
syn starfseminnar með því að
veita nokkurn styrk til stuðn-
ings henni á þessu ári, og eng-
inn íslendingur gengur þess
dulinn, að oss getur verið það
lífsnauðsyn að tileinka oss
kjörorð ísl. vikunnar, „Notið
ísl. vörur og ísl. skip“, og fara
eftir þeim.
Allar þjóðir keppa nú að því,
að búa sem mest að sínu, hvaða
þjóð mundi það nauðsynlegra
en einmitt oss íslendingum.
Skólastjórar og kennarar um
land allt. Ljáið oss liðsinni yð-
ar og notið tímann þar til vik-
an hefst til þess að glæða
áhuga nemenda yðar fyrir
þessu nauðsynjamáli, því, „Ef
æskan vill rétta þér örfandi
hönd“, þá er stórt spor stigið.
Kaupmenn, kaupfélög og
verzlunarfólk, undirbúið yður
undir það, að hafa sem allra
mest úrval af ísl. vörum að
bjóða og sýna næstu ísl. viku,
og bjóðið ætíð fyrst ísl. vörur.
Og þér allir, sem vörur kaupið,
athugið og festið yður í minni,
að hver sú króna, er þér greið-
ið fyrir ísl. vörur, er geymd í
landinu og styður að velgengni
íslendinga í framtíðinni, en
hin sem greidd er fyrir erlend-
an • varning, er oss glötuð.
Þeim vörutegundum fer nú
stöðugt fjölgandi, sem búnar
eru til hér á landi, og til þess
að gera mönnum auðveldara
um kaup á þeim, höfum vér
ákveðið að gefa út vöruskrá
yfir ísl. framleiðsluvörur, eins
og gert hefir verið tvö síðast-
liðin ár.
íslenzkir framleiðenaur!
Sendið oss auglýsingar í
vöruskrána sem allra fyrst, og
eigi síðar en 20. febrúar, svo
tími vinnist til að prenta
skrána og koma henni til allra
verzlana á landinu, svo tíman-
lega, að þær geti notið stuðn-
ings hennar við innkaup sín
fyrir næstu ísl. viku.
Skrifstofa vor er í Austur-
stræti 12, sími 4189.
Virðingarfyllst,
í stjórn íslenzku vikunnar
á Suðurlandi,
Helgi Bergs
form.
Gottormur Andrésson
ritari.
Brynjólfur Þorsteinsson
gjaldkeri.
Eggert Kristjánsson.
Tómas Jónsson.
4. flokksþing
Fratnsóknarmanna
Samkvæmt 30. gr. laga um skipulag Framsóknarflokksins
samþ. 8. apríl 1933, hefir miðstjórn flokksins, á fundi 31.
jan. s. 1., ákveðið að boða til flokksþings á árinu 1934. Flokks
þingið kemur saman í Reykjavík laugardaginn 17. marz n. k.
Verkefni flokksþingsins eru ákveðin þessi:
1. Setning flokksþingsins og rannsókn kjörbréfa.
2. Skýrsla miðstjórnar um flokksstarfið á síðasta starfsári.
3. Kosningaundirbúningur flokksins.
4. Breytingar, sem fram kunna að verða bornar á skipulags-
lögum flokksins.
5. Kosning starfsmanna flokksins, samkv. skipulagslögunum.
6. Önnur mál, sem fram kunna að koma.
7. Flutt erindi um þjóðmál.
Sæti og atkvæðisrétt á flokksþinginu eiga samkvæmt 1.
gr. flokkslaganna, kjömir fulltrúar flokksfélaganna, alþingis-
menn flokksins og miðstjórnarmenn.
Flokksfélög í héruðum hafa (samkv. 3. gr.) rétt til að
senda jafn marga fulltrúa á flokksþingið og hreppar eru á fé-
lagssvæðinu. Flokksfélag í kaupstað jafn marga og alls eiga
sæti í bæjarstjórn kaupstaðarins, þó með nánar ákveðnum
takmörkunum.
Kjömir fulltrúar leggi fram. skrifleg kjörgögn: Útdrátt
úr fundargerð, staðfestan af fundarstjóra og ritara, eða yfir-
lýsingu félagsstjórnar.
Miðstjórnin hefir falið sérstakri nefnd að annast allan
nánari undirbúning flokksþingsins. í nefndinni eru:
Guðbrandur Magnússon forstjóri (formaður), Magnús
Björnsson fulltrúi (ritari), Árni Benediktsson skrifstofustj.,
Hannes Jónsson dýralæknir, Guðm. Kr. Guðmundsson skrif-
stofustjóri, Gunnar Árnason búfræðikandidat, Jónas Jónsson
alþm., Páll Zophóníasson ráðunautur og Runólfur Sigurðs-
son verzlunarmaður.
Skrifstofa undirbúningsnefndar er á Laugaveg 10, Rvík.
Sími 2353. Á skrifstofunni er daglega maður til viðtals af
hálfu nefndarinnar.
Tilkynningar um þátttöku í flokksþinginu séu komnar til
undirbúningsnefndar eigi síðar en 1. marz nk.
Um fyrirkomulag flokksþingsins hefir flokksfélögunum
verið nánar tilkynnt bréflega.
F. h. miðstjómar Framsóknarflokksins.
Sigurður Kristinsson
formaður.
Gísli Guðmundsson
ritari.
Réttarhöldunum
út at töku Cruðm. Ebenezereonar skip-
stjóra lauk i gærmorgun.
Aðfaranótt þriðjudags kom
varðskipið Ægir hingað með
enskan togara, „Asley“. Hafði
togarinn legið á Ólafsvík. Tog-
arinn var ekki tekinn, heldur
var það skipstjórinn á honum,
Guðmundur Ebenezersson, sem
nú kallar sig Arthur Godman,
er tekinn var, og fékk hann
leyfi til þess að fara á togar-
anum hingað.
Ástæðan til þess að -skip-
stjórinn var tekinn, var sú, að
hann liggur undir kæru fyrir
landhelgisbrot við Vestmanna-
eyjar 18. október 1932. Var það
skipstjórinn á varðbátnum
Viggó, sem stóð togara þann
er Guðmundur var skipstjóri á,
að ólöglegum veiðum og kærði
hann. Nafn togarans hafði
hann ekki séð, en aðeins núm-
erið. *
Réttarhöld út af þessu stóðu
yfir í fyrradag og lauk þeim í
gærmorgun.
Skipstjórinn Guðmundur Eb-
enezersson játaði að hafa verið
skipstjóri á þeim togara, sem
hafði það númer, er var á tog-
1 ara þeim, er kærður hafði ver-
ið fyrir veiðar í landhelgi hjá
Vestmannaeyjum 18. október
j 1932.
I Hann neitar aftur á móti að
! hafa verið við Vestmannaeyj-
' ar þenna umrædda dag, en
kveðst hafa verið norður á
! Húnaflóa. Iiafði Guðmundur
; með sér 2 menn, sem höfðu
verið með honum 1932, í þetta
skipti. Báru þeir einnig, að
þeir hefðu verið á Húnaflóa
þenna umrædda dag.
Þegar réttarhöldunum var
lokið, fékk skipstjóri leyfi til
þess að fara. Setti hann fyrir
sig 18 þúsund króna tryggingu
áður en hann fór.
Blóm & Ávextir
Hafnarstræti 5. — Sími 2717.
Tulipanar og Hyacintur, Krans-
ar og Kistublómvendir.
Fallegt úrval af Ailbúnum
blómum.
Bókmenntir — iþróttir — listir
Skjalda rglíma Armanns
Skjaldarglíman í fyrradag
reyndi lítið á taugarnar hjá
áhorfendum. Til þess voru úr-
| slitin of ráðin. Glímumennirnir
löá’ðu flestir lítið á hættu, og
sýndu sjaldan að þeir gætu
verið verulega snjallir.
Þó voru þarna þrír góðir
glímumenn. Ágúst Kristjáns-
son, Georg Þorsteinsson og
Lárus Salomonsson. — En
enginn þeirra sýndi það, að
hann væri ágætur glímumaður.
Ágúst virtist ekkert bresta til
þess annað en skapsmuni.
Hann er prýðilega vaxinn og
hreyfingarnar léttar. Hann
virtist líka fljótur að finna,
hvað andstæðingnum leið. En
hann var aldrei ráðinn í að
vinna neina glímu. Helzt brá
því fyrir, að hann mundi hafa
gaman af að skella Lárusi, en
hann vildi svo sem ekki kaupa
það miklu verði. Honum var
ranglega dæmd bylta fyrir
Georg, en hann vildi svo vera
láta. Ef hann hefði látið sig
i úrslitin meiru skipta og lagt
I meira á hættu, hefði hann unn-
j ið alla áhorfendur með sér.
Það var eitthvað svo bjart og
drengilegt yfir glímu hans.
Georg Þorsteinsson lagði
mest á hættu í glímunni, var
snjall öðru hvoru en mistækur.
Það kom oft í ljós, að hann
brast orku til þess, sem hann
ætlaði sér, og var því líkast sem
hann vissi ekki, hvað hann
mátti bjóða kröftum sínum og
hvað ekki. Glíma hans bar
það líka of mikið með sér, að
hann hefði verið betri glimu-
maður áður. að honum væri
farið að förlast. Það var eitt-
hvað óöruggc við glímu hans,
og mátti búast við bæði góðu
og lélegu uf honum. En þess-
vegna vai g’íma hans alltaf
talsvert „spennandi“, það var
auðvelt að láta sér þykja vænt
um hann, en erfitt að treysta
honum. Líklega hefir margur
óskað honum sigurs, en ljóst
var það þó, að lokinni glímu,
að af honum var ekki sigurs
að vænta.
Lárus var öruggur og ráð-
inn í að sigra. Hann er mjög
ramur að afli og ágætur hand-
verksmaður í list sinni. Hann
liorfir rólega á andstæðinga
sína, veit hvað er að óttast og
sér hvar þeir eru veikir fyrir.
Hann skellti þeim líka flestum
að því er séð varð fyrirhafnar-
í laust og hinum fyrirhafnarlít-
I ið. En glíma hans er heldur
. leiðinleg. Það var meira gaman
. að sjá hann horfa á glímu
| hinna, heldur en þegar hann
j gekk fram á völlinn sjálfur
j og varpaði þeim til jarðar. En
enginn þurfti þó að efast um
það að lokinni glímu, að hann
var sigurs síns verður.
i
| Það var dapurlegast um að
1 hugsa fyrir þá, sem láta sér
annt um glímuna, hvað hinir
glímumennirnir virtust standa
I þessum langt að baki. Þó var
I sumt gott um glímu Leos
I Sveinssonar. Ingimundur Guð-
| múndsson hlýtur að vera helj-
menni að burðum, en hann
sýndist ekkert kunna í ís-
lenzkri glímu og lítið geta lært.
j Ef til vill er það af því að
hann treystir of mikið á'kraft-
ana, sem hann kann þó ekki
að beita í glímu.
Yfirleitt virtist skjaldar-
glíman fremur benda til þess
að glímunni væri að hnigna.
@ Aðaldansleitur
(Arshátíð)
Knattspyrnufálagsins F R A M
verður haldinn að Hótel Borg laugardaginn 10. þ. m.
kl. 9Vi síðdegis.
Hin ágæta 8 manna hljómsveit Jack Quinets spilar.
Hvað skeður kl. 1?
Aðgöngumiðar fást í Tóbakshúsinu Austurstræti 17,
hjá Ó. Halldórsson & Kalstað, Garðastræti 17, og í
Liverpool útibúi, Hverfisgötu 59.
Tryggið yður miða í tíma, því að aðgangur verð
ur takmarkaður. Stjórnin.
Fóðurbætir.
Munið að þér fáið hvergi
betri fóðurbæti en hjá
Sambandi ísl. samvinnufól.