NT - 24.08.1984, Blaðsíða 24

Föstudagur 24. ágúst 1984 24
Yelena Bonner:
Dæmd í fimm
ára útlegð
Washington-Reuler
■ Bandaríska utanríkisráðu-
neytið tilkynnti í gær að það
hefði fengið skýrslu um að Yel-
ena Bonnar, eiginkona Andrei
Sakharov, hefði í síðustu viku
verið dæmd til fimm ára útlegð-
ar fyrir að sverta Sovétríkin.
Talsmaður ráðuneytisins,
Alan Romberg, sagði að það
teldi að myndsegulböndum af
Sakharovhjónunum, sem þýska
blaðið Bild fékk í hendurnar í
fyrradag, kynni að hafa verið
dreift af Sovétstjórninni til að
draga athyglina frá dómnum
yfir Bonner. Myndirnar virtust
vera meira en mánaðar gamlar
og skýrt var frá því að sovéski
blaðamaðurinn Victor Louis
hefði komið þeim á framfæri en
hann er talinn vera í nánu
sambandi við háttsetta sovéska
embættismenn.
Romberg sagði að réttarhöld-
unum yfir Bonner virtist hafa
lokið þann 17. ágúst. Hann
sagði að engin staðfesting hefði
fengist á þessum fréttum og
neitaði að nefna heimildarmann
ráðuneytisins.
Rís olíuborg á
botni íshafsins?
Stavanger, Noregi-Reuter
■ Olíuvinnslutækni er að taka
á sig mynd vísindaskáldsagna
þegar framleiðendur líta nú til
íshafsins sem framtíðarolíuforða -
búrs þegar draga fer úr olíunni
í Norðursjónum.
Heilmikil ráðstefna og sýning
stendur nú yfir í Stafangri og
þar voru sýnd líkön af hlutum
neðansjávarborgar sem hugsan-
lega verður reist á botni íshafs-
ins.
Líkön af risastórum olíubor-
turnum, sem myndu gnæfa yfir
hæstu byggingar heims væru
þeir reistir á landi, teygja sig til
himins á sýningarsvæðinu,
aðeins sýnishorn af þeirri geim-
aldartækni sem fyrirhugað er að
beita í framtíðinni.
Inni í sýningarskálum rök-
ræddu olíuiðnaðarsérfræðingar
kosti þess að byggja risastóra,
sjálfvirka borpalla, tvo kíló-
metra undir yfirborði sjávar.
Þá eru uppi hugmyndir um skip,
sem getur borað, dælt inná sig
olíunni og flutt síðan í burtu og
komast þannig hjá því að byggja
fasta borpalla í Ishafinu.
Hvert olíufélag fyrir sig hefur
sett fram áætlanir, en þau eru
öll sammála um að hver sem
vinnur tæknikapphlaupið um
yfirráðin yfir Ishafinu muni
hagnast vel á því. Ekki hefur
enn verið áætlað nákvæmlega
hve olíu- og gaslindir íshafsins
eru stórar en vitað er að vinnsla
á þeim myndi borga sig, ef hægt
verður að yfirstíga þá tæknilegu
örðugleika sem veður á þessum
slóðum og takmarkaðar
olíulindir valda.
■ Nancy og Ronald Reagan haldast í hendur meðan þau syngja Guð blessi Ameríku, eftir
morgunbænir í gærmorgun en þá um nóttina útnefndi Repúblikanaflokkurinn Reagan sem
forsetaefni sitt.
POLFOTO - símamynd
Ronald Reagan:
Féllst á útnefningu
sína sem forsetaefni
Dallas-Reufer
■ Ronald Reagan Bandaríkja-
forseti féllst í nótt á útnefningu
sína sem forsetaefni Repúblik-
anaflokksins, í ræðu sem var
hápunktur fjögurra daga
flokksþings repúblikana.
í ræðu sinni lýsti Reagan
framtíðarsýn sinni ef Banda-
ríska þjóðin veitti honum áfram
brautargengi til að koma fram
íhaldsömum markmiðum
sínum, og hvatti kjósendur til
að veita Repúblikanaflokknum,
sem hann kallaði „flokk Ame-
ríku“ meirihluta.
Reagan tók gærdaginn
snemma en í fyrrinótt sam-
þykktu þingfulltrúar að útnefna
hann sem forsetaefni sitt með
2333 atkvæðum gegn tveim. Re-
agan hitti nokkra stuðnings-
menn sína yfir morgunverði og
sagði þá að Bandaríkjastjórn
þyrfti á trúarbrögðunum að
halda til að berjast gegn spill-
ingu og morknu þjóðfélagi.
Þessi ummæli Reagans eru
talin líkleg til að hleypa nýju lífi
í kosningadeilur milli frjáls-
lyndra demókrata, sem vilja að
aðskilnaður kirkju og ríkis verði
stjórnarskrárbundinn og íhald-
samra repúblikana sem vilja
koma á bænahaldi í skólum.
Þýskaland:
Áfengi í
bensínið?
■ Þýska landbúnaðar-
ráðuneytið gerir nú til-
raunir með sérstaka ben-
sínblöndu þar sem fimm
prósent af alkóhóli er
blandað saman við bensín.
Með þessu móti hyggjast
Þjóðverjar draga úr elds-
neytisinnflutningi sínum
síðar meir.
Alkóhólið er unnið úr
úrgangskorni og ónýtum
kartöflum. Prófessor Kurt
Meinhold, sem hefur yfir-
umsjón með tilrauninni,
segir að engar breytingar
þurfi á bílvélum til að
hægt sé að nota þessa
bensínblöndu. Blandan
hefur heldur engin slæm
áhrif á vélarnar sem halda
fullum krafti.
Sem stendur nota tíu
bifreiðar landbúnaðar-
ráðuneytisins bensín-
blönduna en landbúnaðar-
ráðherra Þýskalands segist
vona að aukin notkun
hennar geti ekki aðeins
dregið úr innflutningi á
eldsneyti heldur muni hún
leiða til betri nýtingar á
úrgangskorni í Evrópu.
Neyðast Þjóðverjar
til að slaka á
gæðakröfumábjór?
■ Gæði þýsks bjórs hafa
hingað til verið tryggð
með 400 ára gömlum
lögum, sem kveða á um að
bjór megi ekki framleiða
úr byggi, humli, vatni og
geri. 011 önnur efni sem
flýta fyrir gerjun hans
eða gefa honum lengra
geymsluþol eru stranglega
bönnuð. Þessar ströngu
reglur hafa hingað til að
mestu komið í veg fyrir
innflutning á erlendum
bjórtegundum þar sem
flestir bjórframíeiðendur
í öðrum löndum nota ýmis
aukaefni til að auðvelda
framleiðsluna og lengja
geymsluþolið.
En nú hafa bandamenn
Þjóðverja í Efnahags-
bandalagi Evrópu tekið
sig saman og kært þessi
lög fyrir Evrópudómstóln-
um. Kæran byggist á því
að hin 400 ára gömlu lög
séu brot á fríverslunar-
reglum EBE.
Miklir hagsmunir eru í
húfi þar sem Þjóðverjar
drekka að meðaltali um
150 lítra af bjór á hverju
ári. Þjóðverjar telja það
skyldu sína að vernda
landið fyrir innrás óæðri
bjórtegunda frá nágranna-
löndunum. Þjóðverjar
státa af elsta brjórbrugg-
húsi í heimi. Það heitir
Kloster Weihenstephan
og var stofnað árið 950 í
fyrrverandi klaustri.
ísrael:
Tveir flokkar
hafna þátttöku
í ríkisstjórn
Tel Aviv-Reuter
■ Tilraunir Verkamanna-
flokksins til að mynda sam-
steypustjórn í ísrael misstu vind
úr seglunum þegar tveir smá-
flokkar höfnuðu boði um þátt-
töku í stjórninni.
Bæði Tamiflokkurinn og
Þjóðarflokkurinn (NRP) til-
kynntu Simon Peres formanni
Verkamannaflokksins í gær að
þeir myndu aðeins styðja víð-
feðma þjóðarstjórn.
Peres hefur hvort tveggja
reynt að mynda stjórn með
Líkudbandalaginu, öðrum
stærsta flokki landsins, og sam-
steypustjórn með hópi smá-
flokka.
í fyrradag virtust möguleikar
á samsteypustjórninni aukast
þegar tveir aðrir smáflokkar
samþykktu þátttöku.
Þriggja vikna fresturinn, sem
Peres fékk til stjórnarmyndun-
ar, rennur út á sunnudaginn og
búist er við að Peres biðji Her-
zog forseta um framlengingu.
■ Suður-Ameríkanar eru
blóðheitir. LucianoMenendez,
fyrrum hershöfðingi í Argent-
ínu, dró upp hníf og gerði sig
líklegan til að ráðast á mann
sem kallaði Menendez morðingja,
þegar hann kom út úr sjónvarps-
stöð í Buenos Aires.
Mcnendez var vikið úr stöðu
sinni árið 1979 eftir að hann
reyndi stjórnarbyltingu. Hann
er sakaður um að hafa framið
mannréttindabrot gegn vinstri
sinnum á áttunda áratugnum.
POLFOTO-Símamynd
Vestur-Þjóðverjar:
Hafna áætlun um sprengigildrur
meðfram járntjaldinu
Bonn-Reuter
■ Vestur-Þjóðverjar höfnuðu
í gær beiðni Bandaríkjamanna
um að Natoríkin byggi varnar-
I ínu úr rörum, fylltum fljótandi
sprengiefni, meðfram landa-
mærum þeim sem mynda járn-
tjaldið í Evrópu.
Vamarmálaráðuneyti Banda-
ríkjanna sagði í fyrradag að
það hefði hvatt NATO til að
íhuga þessa áætlun sem
þátt í að styrkja varnir banda-
lagsins í Evrópu gagnvart
hugsanlegri innrás Varsjár-
bandalagsríkjanna.
Talsmaður vestur-þýska
varnarmálaráðunetytisins
sagði að fréttir um að slík
áætlun væri í athugun væru
rangar: „Hvorki NATO né
vestur-þýski herinn hafa uppi
neinar áætlanir um að byggja
hindranir af nokkru tagi með-
fram landamærunum,“ sagði
hann.