Morgunblaðið - 05.11.2004, Side 49

UNGLIST, listahátíð ungs fólks,
verður sett í þrettánda sinn í Tjarn-
arbíói í kvöld. Birgir Örn Thorodd-
sen, Bibbi Curver, setur hátíðina að
þessu sinni en hún hefst á rokkbræð-
ingi. Fram koma hljómsveitirnar
Lada Sport, Búdrýgindi, Mammút,
Lokbrá, Coral, Isidor, Hoffmann, Ar-
mæða og Tonik. Tónleikarnir hefjast
klukkan 20 og er húsið opnað hálf-
tíma fyrr.
Ekki er orðið of seint að gerast þát-
takandi í Unglist 2004 en á sama tíma
og hátíðin hefst verður mynd-
listamaraþoni hleypt af stokkunum.
Unglist stendur til 13. nóvember með
fjölbreytilegum uppákomum úr heimi
dans, tísku, leiklistar, myndlistar og
tónlistar. Allir viðburðirnir fara fram
í Tjarnarbíói og sem fyrr er ókeypis
inn.
Ákveðinn stökkpallur
Ása Hauksdóttir er deildarstjóri
menningarmála hjá Hinu húsinu, sem
stendur fyrir hátíðinni. „Fyrst og
fremst er unglist vettvangur fyrir
ungt fólk og alla aðra í samfélaginu að
sjá og heyra hvað ungt fólk er að gera
á sviði menningar og lista. Meg-
inmarkmiðið er að koma ungu fólki í
sviðsljósið,“ segir hún og bætir við að
hátíð sem þessi hafi mikið gildi.
„Ég held hún hafi ómetanlegt gildi
og maður hefur séð það síðastliðin
þrettán ár að margir sem hafa verið
að stíga sín fyrstu skref á unglist hafa
síðan sannað sig úti í listheiminum,“
segir Ása og tekur Bibba Curver og
Mínus sem dæmi. „Þetta hefur verið
ákveðinn stökkpallur áfram. List
verður aldrei til úr engu. Það verður
að vera vettvangur, ekki bara fyrir
atvinnulistamenn heldur líka gras-
rótina. Listamenn þurfa að geta próf-
að list sína á áhorfendum og við góðar
aðstæður,“ útskýrir Ása.
Líka fyrir þá sem eldri eru
„Þó að þeir sem stígi á sviðið hafi
meðalaldur um tvítugt þá er Unglist
ekki síður fyrir þá sem eldri eru til að
kynna sér hvað er í gangi hjá unga
fólkinu,“ segir hún, en hátíðin hefur
jafnan verið vel sótt. Þátttakendur
eru líka margir. „Á þessum kvöldum
stíga á svið hátt í fimm hundruð
manns. Það er alveg ómetanlegt.“
Unga fólkið tekur virkan þátt í
skipulagningunni og segir Ása það
góða þjálfun. „Þetta er svo mikið
tækifæri fyrir unga fólkið sem heldur
utan um hvern viðburð. Þá læra þau
viðburðastjórnun en það eru ótal at-
riði sem þarf að huga að í sambandi
við hvert kvöld.“
Unglist | Rokkbræðingur og myndlistarmaraþon á fyrsta degi
List verður ekki til úr engu
Morgunblaðið/Þorkell
Alla dagskrána má skoða á
www.unglist.is
ingarun@mbl.is
Lokbrá er á meðal þeirra hljóm-
sveita sem stíga á svið á rokkbræð-
ingi við upphaf Unglistar í Tjarn-
arbíói í kvöld.
Morgunblaðið/Árni Torfason
Ása Hauksdóttir ásamt nokkrum af hinum atorkumiklu ungu listamönnum sem leggja munu hönd á plóg.
MORGUNBLAÐIÐ FÖSTUDAGUR 5. NÓVEMBER 2004 49
Suðurlandsbraut 32
Sími 577 5775
Fundur eða veisla
framundan?
útbúum girnilega brauðbakka
fyrir stórar veislur sem smáar