Morgunblaðið - 14.11.2004, Blaðsíða 4

Á
fimmtudag ákvað Flugan að rækta þjóðlega hlið sína,
nokkuð óplægðan akur má segja. Fyrir valinu við þessa
iðju varð sýning Kristjáns Guðmundssonar, Arkitektúr,
í i8 galleri við Klapparstíginn. Um var að ræða málverk af torfbæj-
um og skúlptúra og tengdust verkin teikningum sr. Jóns M. Guð-
jónssonar, fyrrverandi sóknarprests á Akranesi, af torfbæjum
sunnan Skarðsheiðar. Opnunin var öll hin glæsilegasta en verald-
arvana listaspíran hefur þó aldrei mælt með að listamenn flaggi
verkum sínum í fyrsta sinn á fimmtudögum. Fimmtudagssíðdegi
virka sjaldnast sem segull á sýningar, enda fagurkerar í óða önn að
binda síðustu spottana saman á erfiðri vinnu-
viku. Hörðustu unnendur verka Kristjáns
heiðruðu samkomuna þó með nærveru sinni og
litla listagalleríið rúmaði líf og limi vel. Aldrei
hélt Flugan að sá dagur mundi renna upp að
hún þekkti ekki nokkurt andlit á listavappi sínu
en slík varð þó raunin þennan fimmtudaginn –
ókunn andlit á sæmilegri sýningu.
Til heiðurs listamanninum sáluga Bertel
Thorvaldsen söðlaði Thorvaldsen bar um og
opnaði á föstudagskvöld nýja og glæsilega Bert-
els stofu. Bertel var þekktur fyrir áhuga þann
sem hann sýndi víni, mat, listagyðjunni og fal-
legum konum – heimsborgari sannur og snyrti-
pinni með meiru. Föngulegum piltum og fagur-
limuðum konum (Flugan þar auðvitað fremst
meðal jafningja) var því boðið til mikillar veislu
hjá þeim Ingvari og félögum á Austurvellinum í tilefni stækkunarinnar og hver
glamúrgellan á fætur annarri skundaði sem leið lá í teitið, enda var það orð göt-
unnar að biðraðir ættu nú að heyra sögunni til. Unaðslegir mojitos kokteilar
flæddu um svæðið og fólk virtist afar sátt við góðar breytingar. Jóna
Lárusdóttir flugfreyja lét sig ekki vanta ásamt manni sínum Sveini Ey-
land, auk þess sem Siggi veitingamaður á Einari Ben og Anna spúsa
hans, Jón Arnar og Rúnar Heima er bezt-kokkarnir og Andrés Pétur
fasteignasali smökkuðu á veigum frá Finlandia genginu og púsluðu
saman nokkrum sporum á dansgólfinu. Flugan var hins vegar að spara
sig fyrir átök laugardagsins, enda stór dagur í vændum.
Á laugardagskvöldið rann upp mikil stund. Sálin hans Jóns míns
ákvað að hefja sveiflu vetrarins á NASA við Austurvöll. Auðsýnt var að
Austurvöllurinn var mál málanna þessa helgina og full tilhlökkunar
var Flugan mætt annað kvöldið í röð á það ágæta svæði (til að fyrir-
byggja allan misskilning ber að geta þess að hún hafði þó haft rænu á
því að fara heim á milli viðburða – svona ef menn voru í vafa). Upp-
hitun Flugunnar var auðvitað ekki af verri endanum og náði hún sér í orku fyrir
dansmaraþonið á Einari Ben í góðu yfirlæti. Upp úr miðnætti var svo haldið á
NASA enda gestirnir eflaust orðnir óþreyjufullir á biðinni eftir dansdrottning-
unni. Þegar inn var komið og stjórnmálastúdentinn Stebbi Hilmars blasti við í
allri sinni dýrð fann Flugan hátískuhælana hitna og dreif sig því beinustu leið á
dansgólfið. En þvílík vonbrigði! Vel æfð danssporin urðu því miður að víkja
fyrir baráttu þeirri að halda lífi og limum og troðningurinn var eins og í örgustu
ómenningu! Í hitanum og svitanum hnoðaðist Flugan um svæðið og sá sér til
skelfingar (og örlítils léttis) Ragnhildi Steinunni Jónsdóttur Óp-stjórnanda,
Hauk Inga fótboltakappa og Bergþór Ólason aðstoðarmann samgönguráð-
herra í sömu hremmingum. Úfin, reytt, tætt og þreytt komst Flugan við illan
leik á Rex þar sem meiriháttar björgunararðgerðir voru settar í gang. Innan
skamms var kellingin orðin eins og vel pússuð postulínsdúkka og fjörið gat
haldið áfram. | flugan@mbl.is
Áslaug Anna Þorvaldsdóttir, María Kristín Gunnars-
dóttir, Margrét Hjálmarsdóttir og Lene Römer.
Aldís Haraldsdóttir, Jóhanna E. Sveinsdóttir og
Aðalheiður Vilbergsdóttir.
L
jó
sm
yn
di
r:
E
gg
er
t
Helga Óttarsdóttir og
Sigríður Ingvarsdóttir.
Þorgerður Katrín Gunnarsdóttir, Þórdís
Bjarnadóttir og Sif Konráðsdóttir.
Lilja Jónasdóttir, Unnur Gunnarsdóttir og
Erla S. Árnadóttir.
Þórey Sigþórsdóttir og Hilmar Oddsson.
Elskulegur Austurvöllur –
vinalegt var eða vígvöllur
FLUGAN
Kvennaboð – Tíu konur, sem starfa sem lögmenn eða lögfræðingar
hjá LOGOS og A&P Árnasyni, efndu til samsætis fyrir rúmlega eitt
hundrað kvenlögfræðinga í húsakynnum LOGOS.
Icelandair opnaði nýja setustofu
í Leifsstöð fyrir Saga Business
Class farþega félagsins.
L
jó
sm
yn
di
r:
E
gg
er
t
. . .og hver glamúrgellan á fætur annarri skundaði sem leið lá í teitið
Sonja Reynisdóttir og
Helena Kristjánsdóttir.
Guðrún
Arnardóttir og
Kristín Arna
Bragadóttir.
Hallgrímur Helgason og Páll Valsson.
Elín Hlíf Helgadóttir, Thelma Harðardóttir
og Erla Magnúsdóttir.
Hannes Smárason, María Rún Hafliðadóttir,
Steinn Logi Björnsson og Sigurður Helgason.
Útgáfuteiti
Auðar Jónsdóttur
og Birnu Önnu
Björnsdóttur var
haldið á Sóloni.
Auður Jónsdóttir og
Birna Anna Björnsdóttir.
Þuríður Pálmadóttir og
Tryggvi Guðbrandsson.
L
jó
sm
yn
di
r:
E
gg
er
t
Atli Rafn
Sigurðarson og
Brynhildur
Guðjónsdóttir.Jón Gunnar Ottósson og
Margrét Frímannsdóttir.
Á NASA kom Sálin hans
Jóns míns saman í upphafi
tónleikaferðar um landið.