24 stundir - 11.06.2008, Blaðsíða 2
Vefefni. Efni á
netinu er varðveitt
frá árinu 2004.
Eftir Ásu Baldursdóttur
asab@24stundir.is
Landsbókasafn – Háskólabókasafn
hefur í samræmi við lög um skyldu-
skil vefsíðna til safna tekið afrit af
íslensku efni á netinu.
„Við erum í samstarfi við fyrir-
tækið sem sér um öll .is-lénin, þegar
við afritum efni, en við náum í eitt-
hvað af blogginu líka,“ segir Krist-
inn Sigurðsson, fagstjóri upplýs-
ingatæknihóps Landsbókasafnsins.
Gagnamagnið eykst
„Við höfum safnað eilitlu af efni
utan .is-síðnanna sem við höfum
vitað af, en það er bara brotabrot af
því sem til er á íslensku,“ segir
hann, en það eru meðal annars vef-
síður fyrirtækja, stofnana og sam-
taka.
Kristinn segir að varðveisla
gagnanna hafi hafist árið 2004 og að
aukning hafi verið á efninu, enda
hafi lénum fjölgað gríðarlega á milli
ára. „Meðalstærð skjala sem við
söfnum hefur stækkað, en það er
ýmislegt sem veldur því að það er
erfitt að meta fjölda skjalanna
sjálfra,“ segir hann.
Erlend lén
„Það eru um 40-50 lén sem við
söfnum efni af vikulega en það eru
aðallega frétta- og pólitískir vefir,“
segir Kristinn. „Við höfum verið að
kynna okkur gagnasöfn annars
staðar eins og Internet Archive sem
safnar vefefni,“ og nefnir að það
fyrirtæki safni efni á íslensku allt frá
árinu 1996.
Aðgangur í bígerð
„Ástæðan fyrir því að við höfum
ekki veitt aðgang að þessu er fyrst
og fremst tæknileg,“ segir Þorsteinn
Hallgrímsson aðstoðarlandsbóka-
vörður.
„Í sumar fáum við starfsmann frá
Internet Archive til að útbúa vef-
þjón fyrir verkefnið,“ segir hann og
nefnir að það efni sem safnað var
frá kosningum á Íslandi 2006-2007
sé líklegast til að verða aðgengilegt í
fyrstu.
„Það hefur reynst okkur mjög
erfitt að gera textaleit að efni mögu-
lega og það er fyrst núna sem hyllir
undir það að aðgangur að efninu
verði tæknilega framkvæmanlegur.“
Landsbókasafn
safnar vefsíðum
Gagnasöfnun á íslensku vefefni hefur verið starfrækt í fjögur ár
Stefnt er að því að gefa aðgang að efninu tæknilega mögulegan
➤ Efninu á .is-léninu er safnaðsaman þrisvar á ári en útvalin
lén eru afrituð vikulega.
➤ Fjallað er um söfnun vefsíðnaí reglugerð um skylduskil til
safna frá árinu 2003. Reglur
um aðgengi efnis eru óljósar.
➤ Unnur María Bergsveinsdóttirhefur fjallað um málið á
www.hugsandi.is.
GAGNASAFN VEFSÍÐNA
2 MIÐVIKUDAGUR 11. JÚNÍ 2008 24stundir
ÍS
L
E
N
S
K
A
S
IA
.I
S
S
F
G
4
20
40
0
4.
20
08
VÍÐA UM HEIM
Algarve 23
Amsterdam 20
Alicante 23
Barcelona 18
Berlín 28
Las Palmas 23
Dublin 19
Frankfurt 29
Glasgow 16
Brussel 24
Hamborg 20
Helsinki 15
Kaupmannahöfn 20
London 23
Madrid 21
Mílanó 26
Montreal 24
Lúxemborg 26
New York 31
Nuuk 4
Orlando 25
Osló 20
Genf 23
París 27
Mallorca 25
Stokkhólmur 21
Þórshöfn 9
Hæg norðlæg eða breytileg átt. Víða léttskýjað
en hætt við þokulofti með norðurströndinni.
Hiti 6 til 16 stig, hlýjast í innsveitum.
VEÐRIÐ Í DAG
9
10
8
8 9
Léttskýjað
Hæg breytileg átt og víða léttskýjað, en hætt
við þokulofti við norður- og vesturströndina.
Hiti 8 til 18 stig, hlýjast í innsveitum suðvest-
antil.
VEÐRIÐ Á MORGUN
9
10
10
8 12
Allt að 18 stiga hiti
Afhent verður 18 milljóna króna
framlag fatasöfnunarverkefnis
Rauða kross Íslands í dag.
Þetta er hæsta framlag sem feng-
ist hefur fyrir notaðan fatnað á
einu ári hér á landi síðan fatasöfn-
unarverkefnið hófst fyrir átta ár-
um. Allur hagnaður af verkefninu
fer til alþjóðlegs hjálparstarfs.
Átta milljónir króna fara í verk-
efni Alþjóða Rauða krossins í Pal-
estínu og tíu milljónum verður
varið í neyðaraðstoð í Sómalíu þar
sem hundruð þúsunda Sómala
þjást af matar- og vatnsskorti í
kjölfar harðnandi átaka og þurrka.
Alþjóða Rauði krossinn sendi frá
sér neyðarbeiðni fyrir helgi vegna
ástandsins í Sómalíu sem er talið
mesti harmleikur sem riðið hefur
yfir landið á undanförnum áratug.
Fatasöfnun Rauða krossins
Skilaði 18 milljónum
Jóhanna Sigurðardóttir, félags-
og tryggingamálaráðherra, hefur
að tillögu stjórnar Íbúðalánasjóðs
sett reglur til að aðstoða þolendur
náttúruhamfara með frestun eða
skuldbreytingu á lánum sjóðsins.
Þetta er gert vegna Suðurlands-
skjálftans til að styðja fólk í vanda
og koma í veg fyrir greiðsluerfið-
leika þess. Innbú fólks er í rúst,
sumir geta ekki búið heima, þurfa
að kaupa allt frá bollum og diskum
upp í stærri muni sem fóru í mask.
Margt af þessu fólki er að bíða eftir
greiðslum úr tryggingum, án þess
að vita enn hverjar þær verða. Skil-
yrði fyrir heimild er að tjón á íbúð
viðkomandi af völdum náttúru-
hamfara hafi verið tilkynnt til vá-
tryggjanda eða Viðlagatryggingar
Íslands. beva@24stundir.is
Íbúðalánasjóður aðstoðar á hamfarasvæðum
Lánafrysting vegna
Suðurlandsskjálfta
Ólafur Skúlason biskup lést að kvöldi mánu-
dags, 78 ára að aldri. Ólafur fæddist í Birt-
ingaholti 29. desember 1929, sonur hjónanna
Sigríðar Ágústsdóttur og Skúla Oddleifssonar.
Hann ólst upp í Keflavík, lauk stúdentsprófi
frá Verslunarskóla Íslands og hélt að því
loknu til náms við guðfræðideild HÍ. Árið
1955 var hann vígður prestur Vestur-
Íslendinga í Norður-Dakota í Bandaríkjunum
og starfaði þar til ársins 1959. Gegndi hann
um tíma þjónustu í Keflavíkurkirkju en árið
1960 var hann skipaður fyrsti æskulýðs-
fulltrúi þjóðkirkjunnar.
Árið 1964 var hann settur í embætti í Bústaðasókn og þjónaði þar í
aldarfjórðung. Ólafur var kjörinn til margra trúnaðarstarfa. Hann var
um tíma formaður Prestafélags Íslands, dómprófastur í Reykjavík og
vígslubiskup í Skálholti. Árið 1989 var Ólafur kjörinn biskup og
gegndi hann þeirri þjónustu til ársins 1997. Á þeim tíma sat hann
einnig í stjórn Lútherska heimssambandsins.
Eftirlifandi eiginkona Ólafs er Ebba Guðrún Brynhildur Sigurð-
ardóttir og eiga þau þrjú börn og sjö barnabörn.
Ólafur Skúlason biskup látinn
Umhverfis- og samgöngusvið
Reykjavíkurborgar og Skógrækt-
arfélag Reykjavíkur hafa samið um
gróðursetningu 460 þúsund skóg-
arplantna í Heiðmörk, Esjuhlíðum og Úlfarsfelli. Plantað verður
næstu 3 ár og greiðir borgin 20 milljónir fyrir gróðursetningu árið
2008.
Planta hálfri
milljón trjáa
Þingmenn Framsóknarflokksins í
Suðurkjördæmi hafa óskað eftir
því við Árna M. Mathiesen, fyrsta
þingmann kjördæmisins, að
hann boði alþingismenn Suður-
kjördæmis til fundar vegna nýaf-
staðinna jarðskjálfta.
Í bréfi sem Guðni Ágústsson og
Bjarni Harðarson skrifa undir er
óskað eftir því að boðaðir verði á
fundinn fulltrúar þeirra sveitar-
félaga sem harðast urðu úti í
skjálftunum, forystumenn SASS,
Viðlagatryggingar og Almanna-
varna. Þar verði farið yfir afleið-
ingar jarðskjálftanna og staða
mála rædd með heimamönnum.
Þingmenn vilja þinga um skjálfta
STUTT
● Nýr samstarfsráðherra
Björgvin Guðni Sigurðsson
viðskiptaráðherra tekur við af
Össuri Skarphéðinssyni iðn-
aðarráðherra sem norrænn
samstarfsráðherra, að því er
kemur fram á vef Norð-
urlandaráðs.
● Til Færeyja Ólafur F.
Magnússon borgarstjóri fór
ásamt sendinefnd í formlega
heimsókn til Þórshafnar í
Færeyjum á mánudag. Til-
gangurinn er meðal annars að
funda vegna úthlutunar úr
Samstarfssjóði Nuuk-
Reykjavíkur-Þórshafnar og
efla tengslin milli borganna.
Heimsókninni lýkur á föstu-
dag.
Leiðrétt
Ritstjórn 24 stunda vill leiðrétta hvaðeina,
sem kann að vera missagt í blaðinu.
Leiðréttingar birtast að jafnaði á síðu 2.
Japönskum slökkviliðsmanni
hefur verið vikið úr starfi eftir
að í ljós kom að hann hafði
ekki bílpróf þau 20 ár sem
hann starfaði í borginni Ta-
kaoka. Á starfsferli sínum ók
maðurinn slökkvibíl nærri
100 sinnum í neyðarútköllum
og sjúkrabíl rösklega 300
sinnum. aij
Blekkingar í áratugi
Bílprófslaus
á brunabíl
SKONDIÐ