Morgunblaðið - 11.04.2005, Side 6
ÍÞRÓTTIR
6 B MÁNUDAGUR 11. APRÍL 2005 MORGUNBLAÐIÐ
Þetta var mikil og skemmtilegrimma við mjög gott lið og ég er
hæstánægður með að ná að vinna þá í
Hólminum. Við förum í alla leiki til þess
að leika eins vel og við getum og ætl-
uðum alls ekki að hugsa um að við ætt-
um alltaf einn leik til góða á heimavelli
ef illa færi í Stykkishólmi. Við spiluðum
ágætlega núna og náðum að sigra og
það er auðvitað það sem skiptir máli,“
sagði Sigurður.
Hann sagði varla hægt að bera sam-
an leikina í úrslitarimmunni og aðra
leiki í úrslitakeppninni. „Leikur liða
markast af mótherjunum og það má
segja að þannig séð höfum við mætt
sterkara liði í úrslitunum heldur en
undanúrslitunum enda ÍR-ingar nýir í
því, en við og Snæfell höfum mæst áður
í lokaslagnum. Snæfell er með virkilega
gott lið og ég er mjög ánægður með að
leggja þá.“
Magnús Gunnarsson klippti sig all-
hressilega fyrir þennan leik. Heldur þú
að klippingin hafi haft eitthvað að
segja?
„Menn gera ýmislegt til að koma sér
í gang. Maggi átti ekki góðan leik í
þriðja leiknum og hann ákvað að klippa
sig og þetta er skemmtileg klipping hjá
honum. Við erum liðsheild og menn
þurfa aðstoð hver frá öðrum. Maggi
fékk ekki þá aðstoð sem hann þurfti í
þriðja leiknum en núna fékk hann hana
og þá steinlá þetta hjá honum.“
Það hefur vakið athygli að þú og Fal-
ur Harðarson hafið safnað yfirvarar-
skeggi upp á síðkastið, er búið að raka
sig?
„Nei, það er ekki búið enn þá. En í
kvöld [í gærkvöldi] verða mottuverð-
launin afhent og eftir það er mönnum í
Keflvíkingar fögnuðu þriðja Íslandsmeistaratitlinum í röð í Stykkishólm
Sigurður Ingimundarson, þjálfari Ísland
Mikil og ske
leg úrslitari
„ÉG er alveg þokkalega sáttur við
árangurinn hjá okkur í vetur,“ sagði
Sigurður Ingimundarson, þjálfari
Keflvíkinga, eftir að Íslandsmeist-
aratitillinn var í höfn, þriðja árið í
röð, hjá hinu sigursæla liði Keflvík-
inga.
Það var spennuþrungið loftið íStykkishólmi á laugardaginn
þegar Keflvíkingar mættu Snæfelli í
fjórða leik úrslitakeppninnar og gátu
með sigri hampað titlinum. Fjöl-
margir áhorfendur voru mættir,
stuðningsmenn Suðurnesjaliðsins
fjölmenntu og eins voru margir
stuðningsmenn Snæfells mættir víða
að. Löngu fyrir leik voru stuðnings-
menn byrjaðir að kyrja söngva og
hita raddböndin, enda var mikið und-
ir í þessum leik.
Gestirnir hófu leikinn af miklum
krafti, voru einbeittir og vel stemmd-
ir, ætluðu sér að taka bikarinn með
sér heim eftir þennan leik. Varnar-
leikur gestanna var mjög góður og í
sóknarleiknum fór Magnús Gunn-
arsson á kostum í fyrsta leikhluta,
hitti frábærlega. Við þessa kraft-
mikla byrjun gestanna kom dálítið
óöryggi í leik heimamanna, sem voru
í því að elta Keflvíkingana allan
fjórðunginn, en staðan í lok leikhlut-
ans var ellefu stiga forskot gestanna,
22:33.
Það sama var upp á teningnum
lengi framan af öðrum leikhluta,
Keflvíkingar náðu mest þrettán stiga
forskoti um miðjan fjórðunginn. Á
þessum kafla var jafnræði með lið-
unum, en gestirnir þó öllu grimmari í
fráköstunum, eitthvað sem Snæfell
hefur verið þekktara fyrir. Á síðustu
fimm mínútum fyrri hálfleiks kom
besti kafli Snæfells í leiknum, leik-
menn léku vörnina af mikilli grimmd,
keyrðu upp hraðann og náðu að jafna
leikinn 50:50 þegar ein mínúta lifði
hálfleiksins. Síðustu þrjú stigin voru
síðan Keflvíkinga, sem höfðu þriggja
stiga forskot í hálfleik.
Fyrri hálfleikurinn var frábær
körfuboltaskemmtun í alla staði hjá
tveimur frábærum liðum, mikill
hraði, góður varnarleikur, góð tilþrif
í skotum, troðslur og varin skot.
Á upphafsmínútum síðari hálfleiks
náðu Keflvíkingar aftur yfirhönd-
inni, Snæfellsliðið tapaði of mörgum
boltum á klaufalegan hátt og það
nýttu gestirnir sér mjög vel og náðu
nokkrum góðum hraðaupphlaupum.
Um miðjan leikhlutann voru Keflvík-
ingar komnir aftur með tíu stiga for-
skot, en Hólmarar náðu að minnka
muninn í sex stig fyrir lok fjórðungs-
ins. Það tók Snæfell þrjár mínútur að
skora sín fyrstu stig í lokafjórðung-
unum, en það vildi þeim til happs að
gestunum gekk einnig illa að skora.
Þegar rúmar þrjár mínútur voru
eftir og staðan 82:87 var Jón N. Haf-
steinsson Keflvíkingur kominn með
fimm villur og möguleiki Snæfells
góður til að ná að jafna. En Magnús
Gunnarsson gerði þá út um leikinn
með góðum þristi. Eftir þetta var
eins og allur vindur væri úr Snæfell-
ingum og þeir sáu fram á að leik-
urinn væri tapaður. Það má segja að
Keflvíkingar hafi lagt grunninn að
sigrinum í fyrsta leikhluta og héldu
forustunni frá upphafi til enda. Það
fór alltof mikil orka í það hjá heima-
mönnum að elta gestina allan leikinn
og því fór sem fór.
Þriðji titill Kefla-
víkurliðsins í röð
KEFLAVÍK sigraði Snæfell með 98 stigum gegn 88 í fjórða úrslita-
leik úrvalsdeildar karla í körfuknattleik, Intersportdeildarinnar, í
Stykkishólmi á laugardaginn. Þar með tryggðu Keflvíkingar sér sig-
ur í úrslitarimmunni, 3:1, og Íslandsmeistaratitilinn þriðja árið í röð.
Eftir Ríkharð Hrafnkelsson
KEFLVÍKINGURINN Magnús Þ.
Gunnarsson var í miklu stuði í
Hólminum á laugardaginn og
skoraði 29 stig. Hann lagði
grunninn að góðum leik Keflvík-
inga, átti frábæra syrpu í fyrsta
og fjórða leikhluta þar sem allt
fór nánast niður hjá honum. Nick
Bradford lék mjög vel að vanda,
leikmaður sem skilar alltaf sínu
og átti svo sannarlega skilið að
vera valinn leikmaður úr-
slitakeppninnar af KKÍ. Jón Nor-
dal Hafsteinsson átti enn einn
stórleikinn í þessari úrslitakeppni
og var mjög drjúgur. Sverrir Þór
Sverrisson lék ágætlega, þó þetta
hafi ekki verið hans besti leikur
þá er hann alltaf traustur. At-
hony Glover kom mjög sterkur til
leiks í síðari hálfleik og skoraði
þá alls 15 stig, en dapurt er að
sjá þennan mikla skrokk vera sí-
fellt veinandi og kvartandi yfir
hlutunum.
Í liði Snæfells átti Hlynur Bær-
ingsson ágætan leik, sérstaklega í
síðari hálfleik þegar hann reyndi
að draga sína menn áfram. Calvin
Clemmons lék einnig ágætlega,
lék góða vörn á Anthony Glover
og var öflugur í fráköstunum.
Pálmi Freyr Sigurgeirsson og
Helgi Reynir Guðmundsson áttu
báðir ágætan dag, Helgi senni-
lega sinn besta leik fyrir Snæfell
í langan tíma. Mike Ames skilaði
sínum tuttugu stigum, en hefur
oft skilað meiru fyrir liðið. Sig-
urður Á. Þorvaldsson og Ingvald-
ur Magni Hafsteinsson léku
þokkalega en frá þeim hefði
þurft að koma meira til að Snæ-
fell næði að sigra.
Keflvíkingum er óskað hjart-
anlega til hamingju með Íslands-
meistaratitilinn, þann þriðja í
röð, og liðinu þakkað fyrir frá-
bæran körfuboltavetur. Snæfell-
ingar geta borið höfuðið hátt,
þrátt fyrir að hafa tapað fyrir
Keflvíkingum í úrslitum annað
árið í röð. Hólmarar settu mikinn
svip á Intersportdeildina og koma
til með að gera það áfram.
Magnús
í miklu
stuði
Eftir Ríkharð Hrafnkelsson