Morgunblaðið - 29.07.2005, Blaðsíða 4

4 B FÖSTUDAGUR 29. JÚLÍ 2005 MORGUNBLAÐIÐ
bílar
N
ýir eigendur hafa tekið við
Arctic Trucks, fyrirtæk-
inu sem hefur til þessa svo
til eingöngu sinnt breyt-
ingum á Toyota-jeppum
og selt ýmsan búnað og fylgihluti sem
tengjast jeppum. Ætlun forráða-
manna Arctic Trucks Ísland, eins og
fyrirtækið heitir nú, er að bjóða upp á
breytingar á flestum gerðum jeppa,
taka upp hjólbarðasölu og smurþjón-
ustu og áfram verður lögð áhersla á
sölu aukahluta og búnaðar sem til-
heyrir jeppasporti.
Verið er að reisa nýtt hús fyrir
starfsemina að Kletthálsi 3 í Reykja-
vík og er ráðgert að opna þar sýning-
arsal, verslun og verkstæði í septem-
ber. Þar verður einnig aðstaða til að
taka upp ýmsar nýjungar sem tengj-
ast jeppum og ferðalögum.
Háleit markmið
Stofnað hefur verið móðurfélagið
Arctic Trucks International, sem á
Arctic Trucks Ísland og Arctic
Trucks Noreg og eru hinir nýju eig-
endur Emil Grímsson, Skúli K.
Skúlason og Loftur Ágústsson, sem
allir störfuðu áður hjá P. Sam-
úelssyni, og Örn Thomsen, fram-
kvæmdastjóri Arctic Trucks í Noregi.
Stefnt er að því í næstu framtíð að
starfsmenn félaganna eignist hlut í
félaginu. Nýju eigendurnir tóku yfir
starfsemi Arctic Trucks 21. júlí. Þar
sem nýbyggingin er ekki tilbúin verð-
ur starfsemin í lágmarki næstu vik-
urnar en lögð verður áhersla á útveg-
un varahluta og fylgihluta sem
tengjast jeppabreytingum. Hafa nýju
eigendurnir notað síðustu vikur til að
undirbúa starfsemina sem þeir segja
að verði útvíkkuð nokkuð. Stefnan
hefur verið sett á ekkert minna en að
gera Arctic Trucks að einu öflugasta
fyrirtæki á sínu sviði í heiminum.
„Við höfum margra ára reynslu í
sölu- og markaðssetningu á bílum,
ekki síst jeppum, og þjónustu við þá
sem vilja láta breyta jeppum sínum.
Við leggjum mikla áherslu á gæði og
vandaða þjónustu og höfum ráðið til
okkar starfsmenn sem bæði eru
menntaðir á þessu sviði og hafa mikla
reynslu,“ segir Skúli K. Skúlason,
sem er framkvæmdastjóri fyrirtæk-
isins.
Undir það tekur Loftur Ágústsson
markaðsstjóri og segir að síðustu
mánuðir hafi að mestu farið í und-
irbúning á að takast á við ný verkefni
og koma nýrri byggingu á laggirnar.
„Arctic Trucks hefur sinnt jeppa-
breytingum í ein 15 ár og fyrir sjö ár-
um var stofnað fyrirtæki í Noregi til
að sinna breytingum þar. Örn Thom-
sen hefur stýrt því af mikilli elju og
umsvifin sífellt aukist. Með þessa
reynslu leggjum við óhikað út á nýjar
brautir með Arctic Trucks Ísland og
munum þreifa fyrir okkur með enn
frekari sókn til annarra landa,“ segir
Loftur en Emil Grímsson, stjórnar-
formaður móðurfélagsins, mun ekki
síst sinna því verkefni.
Ný og glæsileg aðstaða
Eins og fyrr segir er verið að reisa
nýtt hús yfir starfsemina við Klett-
háls 3. Það er tæplega 1.700 fermetr-
ar að stærð, að hluta á tveimur hæð-
um.
Í nýja húsinu verður sýningarsalur
þar sem koma má fyrir allt að fjórum
breyttum jeppum og gott pláss verð-
ur fyrir verslun og aðstöðu viðskipta-
vina sem vilja ræða við starfsmenn
um fyrirhugaðar breytingar, skoða
vöruúrvalið og versla. Á efri hæð yfir
verslunarhlutanum verða skrifstofur
og fundarsalur fyrir allt að 100
manns. Í hinum helmingi hússins
verður verkstæðið en þar verða sjö
lyftur, smurstöð, dekkjaverkstæði og
fullkomin sölu- og ástandsskoðunar-
stöð og eru síðastnefndu atriðin með-
al nýjunga fyrirtækisins. Mikið hefur
verið lagt upp úr að fá vandaðan
tækja- og tæknibúnað, m.a. öflugt
tölvukerfi. Með öflugu tölvukerfi á að
halda nákvæmar skrár um hvaðeina
sem tengist jeppabreytingunum,
hvað gert er við hvern og einn bíl
þannig að til verður ferilskrá um allt
sem gert hefur verið við bílinn. Þetta
segja þeir félagar mjög þýðingarmik-
ið upp á viðhald og endursölu.
Þeir félagar segja einnig ætlunina
að hafa hreinlæti í hávegum og að öll
umgengni eigi að vera til fyrirmyndar
hvar sem er í fyrirtækinu. Öll aðstaða
fyrir starfsmenn og viðskiptavini
verður mjög góð, en Guðbjörg Magn-
úsdóttir arkitekt á heiðurinn að hönn-
un innanrýmis hússins.
„Í versluninni bjóðum við margs
konar aukahluti ásamt íhlutum til
breytinga,“ segir Loftur, „nánast
hvað sem er af því sem tengist breytt-
um sem óbreyttum jeppum og ferða-
mennsku. Ein nýjungin er að Arctic
Trucks hefur látið hanna fyrir sig
sérhæfðan fatnað fyrir jeppamenn og
aðra er stunda hálendisferðir.
Þangað eiga menn einnig að geta
komið til skrafs og ráðagerða við
starfsmenn.“
Nýjar áherslur
Þeir félagar segja að auk breyting-
anna sjálfra verði tekin upp margs
konar ný þjónusta. Arctic Trucks
verði ekki aðeins fyrir þá sem vilji
breyta jeppanum sínum, heldur verði
kappkostað að þjóna öllum jeppa-
eigendum með ýmsum búnaði sem
gott er að hafa við höndina á ferða-
lagi. „Við höfum fengið umboð fyrir
ýmis þekkt vörumerki sem tengjast
jeppunum og get ég nefnt ýmis jeppa-
dekk sem dæmi,“ segir Skúli. „Við
ætlum að selja jeppadekk á flestar
gerðir jeppa og annast þjónustu í
sambandi við þau sem er sérhæfð
grein og allt annar handleggur en
þjónusta kringum fólksbíladekk.
Við munum kynna og hefja sölu á
nýju 38 tommu dekki strax í haust.
Þetta er milligróft vetrarmunstur,
sérhannað fyrir íslenskar aðstæður
sem gefur yfirburðagrip í hálku og
snjó ásamt því að vera sérlega hljóð-
látt og gripgott á malbiki. Þá erum
við að láta sérsmíða fyrir okkur nýjar
gerðir af jeppafelgum. Nýju felgurn-
ar eru sterkari en áður hefur þekkst.
Við stefnum á að fá erlenda gæða-
vottun á flestar þær nýjungar sem við
munum kynna og því er mikilvægt
fyrir okkur að allir nýir íhlutir séu
eins vandaðir og góðir og frekast er
kostur. Við ætlum m.ö.o. að gera svip-
aðar gæðakröfur til þeirra íhluta sem
við notum og bílaframleiðendur gera
til sinnar framleiðslu. Með þessu get-
um við tryggt stöðug gæði og góða
þjónustu við viðskiptavini okkar. Við
viljum að viðskiptavinirnir upplifi að
hér séu fagmenn að störfum og að vel
sé vandað til verka á öllum sviðum.“
Enn ein viðbótin við starfsemi
Arctic Trucks er aðstaða fyrir skoð-
unarstöð. „Við ætlum að bjóða bíla-
sölum að annast söluskoðun bíla en
við höfum orðið varir við að það þarf
að efla þessa þjónustu,“ segir Loftur.
„Bæði umboðin og almennir bílasalar
þurfa að geta átt greiðan aðgang að
skjótri söluskoðun og við ætlum að
bjóða þessa þjónustu, að menn geti
komið hingað með bíla sína, fengið
hressingu og litið í blöð á meðan skoð-
un fer fram.
Þetta á bæði við um alla venjulega
bíla og ekki síður til dæmis breytta
jeppa. Það er ekki á allra valdi að
söluskoða breytta bíla, þar þarf að
koma til sérþekking, sem byggir á
reynslu og kunnáttu. Tveir starfs-
menn okkar verða sérhæfðir í sölu-
skoðun og smurþjónustu og þegar
meta þarf til dæmis ákveðin atriði í
breyttum jeppum geta þeir kallað til
samstarfsmenn frá verkstæðinu sem
veita þeim ráðgjöf.“
Fullkomin kennsluaðstaða
Áður er minnst á allt að 100 manna
fundar- og kennslusal í húsi Arctic
Trucks og þar á að bjóða upp á aðra
nýbreytni sem er námskeiðahald.
„Þar munum við bjóða bílaumboðun-
um að taka fólk á námskeið og fara yf-
ir helstu atriði er varða alla meðferð
jeppa, atriði sem kaupendur grípa
ekki alltaf þegar bíllinn er afhentur,
og svara spurningum sem koma upp
þegar menn hafa kynnst bílnum
nokkuð og reyna á hann. Á námskeið-
unum verður einnig farið í umhverf-
ismál og öryggi á ferðalögum. Einnig
verður mögulegt að halda námskeið
fyrir sölu- og tæknimenn er varða til
dæmis jeppabreytingar og aðra sér-
hæfða þjónustu sem umboðin veita.“
Næg verkefni?
En verða næg verkefni fyrir Arctic
Trucks á Íslandi?
„Já, við erum sannfærðir um að
þetta gangi upp,“ segir Skúli. „Við
vitum að við þurfum að leggja okkur
fram til að ná árangri og það munum
við og allt okkar starfsfólk gera. Við
höfum leitað eftir fjölbreyttu sam-
starfi við stærstu bílaumboðin og
fengið góðar undirtektir.
Við hugsum Arctic Trucks sem
bakhjarl bílaumboðanna varðandi
hvers kyns jeppaþjónustu og breyt-
ingar.
Við treystum því að hin almenni
jeppamaður, hvort sem það er
óbreyttur eða breyttur jeppi, nýti sér
þjónustu okkar og finni hversu gott
er að koma til okkar. Við ætlum að
vera sérfræðingar í heildarlausnum
fyrir jeppaeigandann og áhugafólk
um ferðalög.
Til þess höfum við alla aðstöðu, sér-
fróða og reynslumikla starfsmenn og
við höfum lagt niður fyrir okkur
ákveðna hugmyndafræði sem við ætl-
um að tileinka okkur sem best verður
lýst með nokkrum einkunnarorðum.
Við ætlum að vera mannleg,
skemmtileg, áræðin, hugmyndarík,
alúðleg og ábyrg. Okkur langar til að
gera Arctic Trucks að skemmtilegum
stað til að koma á, þar sem fólk mætir
glaðlegu viðmóti með prakkaralegu
ívafi. Við ætlum okkur að kalla fram
löngun hjá viðskiptavininum til að
koma til okkar aftur og aftur.“
Nýtt húsnæði Arctic Trucks við Klettháls er stálgrindahús og hluti þess á tveimur hæðum. Flatarmál verður nærri 1.700 fermetrar að stærð.
Arctic Trucks með nýja þjónustumiðstöð
Í nýrri þjónustumiðstöð Arctic Trucks verða teknar upp ýmsar
nýjungar til viðbótar við jeppabreytingar. Þar má t. d. nefna
hjólbarðaþjónustu, námskeiðahald og rekstur skoðunarstöðvar.
Jóhannes Tómasson ræddi við nýja eigendur fyrirtækisins.
Morgunblaðið/Halldór Kolbeins
Skúli K. Skúlason (t.v.) framkvæmdastjóri Arctic Trucks, og Loftur Ágústsson markaðsstjóri eru hér við nýbygginguna
sem á að verða tilbúin í september þegar starfsemin fer af stað. Við húsið verða líka ein 60 bílastæði.
joto@mbl.is
Verða bakhjarl bílaumboða og jeppaeigenda