Atuagagdliutit - 17.01.1995, Síða 5
Pimoorussisumik
Atassutip qineqqusaamissami ukiunilu suliffiulersussani
suliassat makku pimoorunniarpa:
1. Suliffissanik tunisassiorfinnik pilersitsiortomissaq.
2. Inuiaqatigiinni sanngiinnerusutut inissisimasut pitsaa-
nerusumik periarfissiuunniarpai inuutissarsiutissanik
tamatigoortunik unammillersinnaasunillu qulakkeerinik-
kut.
Tunisassiorneq suliffissallu
Inuutissarsiutitigut ineriartortitsinermi akimmissimasutut
pissuseqarpugut. Inuutissarsiorfissanik pilersitsisaraluar-
nerit unittoortuarput.
Aalisamikkut ineriartortitsinerup killissani tikikkallar-
simavaa. Pisassavut amerleriaqqinneq ajulersimavavut,
aallaallu assut mianersorfigisariaqalersimallugu raajat
nungusaannannginnissaat. Suli ineriartortitseqqinnissaa-
mut aningaasarpassuarnik aasassaarussimavugut - ani-
ngaasaqamerput tamakkiisumik isigalugu.
Aamma aatsitassarsiomeq angivallaamik isumalluuti-
gisinnaanngikkallarparput. Aatsitassarsiomikkut naala-
gaaffiup tapiissutaasa amerlaqataannik aningaasarsiorni-
assagutta aatsitassarsiorfimmik Marmorilimmit 120-ria-
ammik annerusumik ingerlatsisariaqassaagut, ullumik-
kullu suli naluarput aatsitassarsiornermik imminut akiler-
sinnaasumik aallartitsi sinnaanerluta.
Takornariartitsineq isumalluutigisinnaavarput. Isumas-
sarsiullaqqissutsitsigut aamma sulerusussuseqarnitsigut
pilersitsisinnaavugut inuit amerlasuut aningaasarsiorfigi-
sinnaasaannik, soorlumi nunani allani iluaqutaalluartu-
mik atomeqartoq.
Inatsisartuni kommuniniluunniit inatsisiliorsinnaan-
ngilagut qanoq sulerusussuseqarnissamik isumassarsior-
nisamillu. Inatsisiliornikkulli inuit kajumissuseqalernis-
saat tunngavississinnaavarput.
Inerititaqalersussanik pilersitsiartuaamissamut pisaria-
qartitaq tassaavoq ingerlatanut aningaasartuutit millisar-
nissaat. Suliffeqarfinnik ingerlatsinermut aningaasartuutit
millisartariaqarpavut tunisassiornerit akilersinnaasun-
ngortinniarlugit. Tunisassiomerput tapiissu tinik qinnuti-
gineqartuartussanik ingerlattuarsinnaanngilarput.
Angallassinermi aningaasartuutit
Angalassinermi aningaasartuutit millisartariaqarput. Tas-
sa immakkut angallassineq, silaannakkut angalassineq
aammalu atortorissaarutitigut ingerlatsisarneq: telefon,
telefax atortorissaarutitigullu allatigut atassuteqarneq.
Tamakku akikillisameqarsinnaapput pituttorsimanngit-
sumik unammilleqatigiinnikkut neqerooruteqartitsisar-
nikkullu. Politikikkut qasusuitsumik sulisariaqarpoq ki-
sermaassilluni ingerlatsineq atorunnaarsikkiartomiarlugu
isumaqatigiissutaasimasullu akikilliartortinniarlugit. Ta-
matumali saniatigut pisariaqarsinnaavoq naalagaaffiup
tapiissutaasa ilaasa toqqaannartumik inuutissarsiorfinnut
akikillisaatitut tutsinneqartamissaat.
Innaailagiaq, imeq kiassarnerlu
Aningaasartuutit nalinginnaasut allat qiviartariaqartut tas-
sa Innaallagissap, erngup kiassarnerullu akii. Inuutissarsi-
orfiit akikillisaaffigineqamerisigut tunisassiorfiit nutaat
pilersinneqarsinnaapput. Amerlanerusunik suliffissaqalis-
saaq, akileraarutitigut isertitassat amerlissapput naala-
gaaffiup tapiissutaasa toqqaannartumik inuutissarsiorfin-
nut ingerlatitat taartigisinnaasaat.
Inuiaqatigiinni sanngiinnerusumik inissisimasut
illersorneqarnissaat
Ukiuni aningaasarissaarfiunngitsuni inuiaqatigiinni san-
ngiinnerusutut inissisimasut missukutaaqqajaasarput. U-
kiorpassuarni inissaaleqisut initaarnissaannik neriorsor-
neqartuarsimapput - pingaartumik inuusuttut namminii-
lersut. Inissaaleqinerli millisimanngilaq, utaqqisorpassuit
ikilisimanngillat.
Atassutip inissaqartitaanissaq inatsisitigut piginnaati-
taaffinngortikkumavaa. Namminerisisamik ineqarnissaq
qineqqusaarnermi neriorsuutaannaajunnaartariaqarpoq.
Atassutip inatsisissatut siunnersuutiginiarpaa kommune-
mi ukiuni 8-ni inuit allassimaffiini allassimasimasut ta-
marmik namminerisaminnik inissaqartitaalernissaannik
pisussaffiliineq. Soorunami ineqamermut akiliuteqarneq
atuutiinnassaaq.
Ajuuteqartut ukiuni arlalinni utaqqisitaasamerat qaa-
ngertariaqarpoq. Naammanngilaq Inatsisartunut ilisima-
titsissutigineqarsimammat utaqqisut ukiut marluk sinnis-
saarsimagaat. Nunani allani inatsisiliulemeq assigalugu
ajuutillit inatsisitigut pisinnaatitaaffeqalertariaqarput ul-
lut 60 sinnemagit utaqqisamissaannut. Sivisunerusumik
utaqqisameq ajuutilinnut ilaqutaannullu naalliuutaavoq i-
nuiaqatigiinnullu akitsorsaataalluni.
Sulisinnaagaluartut 10.000 suliffissaqanngillat. Inuia-
qatigiit pisussaaffigaat taakku pilersussallugit, aamma
atorfillit soraarninngujaartartut utoqqalinersiutillillu.
Allaat puisit amiinik tunisinermut tapiissutit ikiorsiissuti-
nut naatsorsuunneqarsinnaapput. Inuutisarsiut ajornar-
torsiuteqarnerani inuiaqatigiit ikiorserpaat. Taamaattumik
utoqqallinersiutitaarsinnaanerup 60-nit 63-inut nuunniar-
neqamera atorsinnaanngilaq.
Atassut isumaqarpoq ukiut taakku 60-iniiginnartaria-
qartut. Inuit soraarninngujaarusuttut utoqqalinissaminnut
isumannaariffigineqartariaqarput, taakkulu suliffii inuu-
sunnerusunit tiguneqarsinnaallutik. Utoqqalilersulli ilaat
suli nukissaqarluartarput sulerusussuseqarlutillu suligal-
lamissaallu tikilluaqqusariaqarluni. Allalli sulerulunner-
mikkut qasusarsimasut soraarninngornissaat kinguarsar-
tariaqanngilaq.
Isumannaajaalluta
Ukiut aggersut qaangiuttunit oqinnerulinngikkallassap-
put. Inuiaqatigiinni imminut ikiornerulerumalluta allan-
ngortiterisariaqarpugut. Tamanna assersuuneqarsinnaa-
voq silapiluttumi qimussernermut. Eqqarsarluarluni mia-
nersorlunilu ingerlasariaqarpoq. Ajornartorsiulernissaq
takkusinnaagutsigu katataqarumanata usivut isumannaar-
sartariaqarpavut.
Atassut taama isumannaajaajumavoq ajomartorsiuteqar-
tut inatsisinik tunngaveqartumik piginnaatitaaffeqartaria-
qartut sanimut illuartinneqaannamatik pisariaqartitamin-
nik qularnaariffigineqaqqullugit.
Daniel Skifte
5