Ísafold - 02.02.1920, Blaðsíða 3

ús fór á fundinn í Árnesi bauð hann
Yig-fúsi far með sér fram og aftur
endurgjaldslaust á mótorbát. En
ekkert dugði. Vigfús var jafn ófá-
anlegur sem fyr til að 'látía sjá sig
á fundi. Eg kygg nii að það sé lít-
ill vafi á ,því, að Magnús læknir
hafi komið miklu drengilegar og
kurteislegar fram gegn Vigfúsi en
hann gegn Magnúsi. Magnús sýnir
Vigfúsi kurteisi og velvild í orði
og verki, en Vigfús laumar út um
sýsluna blaði með æruleysis áburði
á keppinaut sinn. Dæmi nú allir
heiðvirðir menn um aðferð þeirra
hvors um sig, og segi hvor þeirra
hafi komið heiðarlegar fram gagn-
vart öðrum. Og tvímælig orkar fram
boð Vigfúsar og norðurferð , um
þann heiður sem Vigfús eigi skilið
fyrir það, nema í augum Tímarit-
stjórans. Af þeim heiðri er Vigfús
ekki öfundsverður. Að láta hafa sig
til annars eins óþverraverks og að
bera níð út um keppinaut sinn, er
fyrst og fremst í mesta máta ósam-
boðið þeim rnanni, sem gerir kröfu
til að verða kosinn til afþingis
þjóðarinn^^í öðru lagi ber það
vott um heldur lítinn siðgæðis-
þroska mannsins, og loks sýnir það
ósjálfstæði hans að láta hafa sig til
annars eins. Vigfúsi hefði áreiðan-
lega verið sæmra, og keiður hans
hefði engan Ivriekki beðið, ef hann
hefði setið kyr heima, og líklega
hefði hann þá fengið eitthvað fleiri
atkvæði við kosninguna, því fram-
koma hans fældi ýmsa frá að kjósa
hann, sem annars hefðu máske gert
það. Og eftir alla framkomu hans
gagnvart Magnúsi Péturssyni var
það ekki undarlegt þó hann kynok-
aði sér við að mæta á opinberum
fundi frammi fyrir keppinaut sín-
um, sem hann hafði reynt óbein-
línis til að svívirða, og fjölda kjós-
enda, og sýnir það að maðurinn er
ekki — sem betur fer —gersneidd-
ur allri sómatllfinningu.
Þessi síðasta árás Tímans á Magn
ús læknir spillir í engu áliti hans
hjá sýslubúum, til þess er hann
þeim of kunnur að mannkostum og
hæfileikum. En hún er einn nýr lið-
ur í þeirri árásar og rógskeðju, sem
Tíminn reynir að vefja utan um
Magnús Pétursson og fleiri mæta
og góða menn, og eflaust einn af
hymingarsteinum jreim, sem Tím-
aritstjórinn byggir siðfræðiskerfi
sitt á.
Það er annars leiðinlegt að sam-
vinnustefnan, sem eflaust getur
orðið til mikilla þjóðþrifa og á
mikil ítök í hugum fjölda margra
mætra og góðra manna þessa lands,
skuli hafa verið svo óheppin ag
lenda í höndum Tímamannanna,
því eins og þeir nú stefna verða
þeir til stórskaða fyrir þessa góðu
stefnu, því þeir gera fjölda manna
henni fráhverfa með öfgum sínum
og árásum á einstaka menn og með
því að vilja gera hana að pólitiskri
stefnu, sem hún á ekkert skilt við
og getur aldrei átt.
Strandamaður.
ErL símfregiiir
frá (réttaritara ísafoldar.
Khöfn 21. jan.
Framsal keisarans.
í kröfu sinni um framsal keisar-
ans vitna handaníenn til hinnar sið-
ferðislegu ábyrgðar, sem keisarinn
heri á hrotum Degn alþjóðarétti, en
hann er ekki ákærður fyrir það að
vera valdur að upptökum ófriðar-
ins. Fara þeir kurteislega en ákveð-
ið fram á það við hollenzku stjórn-
ina, að Yilhjálmur verði framseld-
ur til að þola dóm.
Suður-Jótland.
Um miðnætti á laugardag eiga
Þjóðverjar að hafa yfirgefið fyrsta
atkvæðagreiðslu-umdæmi Suður-
Jótlands.
Málaferli
þeirra Helfferrieh og Erzbergers
eru byrjuð. Helfferieh sakaði
Erzberger um sviksemi í varnar-
ræðu sinni. Mál þetta er hið stærsta
mál, þess háttar, sem upp hefir
komið í Þýzkalandi.
Dagmarleikhúsið
ætlar að sýna nýtt leikrit eftir
Kamban.
Verkamannaþing
Norðurlanda hefst í dag.
Khöfn 22. jan.
Bandamenn að linast.
Frá London er símað að banda-
menn sé að hugsa um að taka upp
aftur fullkomin verzlunarviðskifti
við Rússland og krefjast þess eins
í staðinn, að Bolzhevikkar hafi sig
hæga.
Frá París er símað að hersveitir
hafi verið sendar gegn fnamsókn
Bolzhevikka í Kákasus.'
Clemenceau
hefir látið af formensku friðari-
ráðstefnunnar.
Óspektir í írlandi.
Frá Dublin er símað, að Red-
mond lögreglustjóri hafi verið skot
inn.
Það er húist við því, að French
lávarður, undirkonungur írlands,
muni fara frá.
Khöfn 24. jan.
Hollendingar rseita að
framseíja keisarðRst,
Bandamenn skora á Þjóðverja að
styðja framsalskröfuna.
Frá Haag er símað, að Hollend-
ingar neiti að verða við kröfu
handamanna nm að framsélja Vil-
hjálm fyrverandi Þýzkalandskeis-
ana. Vísa þeir til margra alda laga,
réttar og siðvenju lands síns og
þjóðarheiðurs. Hollenzka þjóðin
bregðist, ekki trausti þeirra nianna,
sem leita verndar hins frjálsa
stjórnskipulags þar í laiidi.
Frá Berlín er símað, að öll blöðin,
en þó sérstáklega hin háþýzku blöð,
dáist að því,hvað Hollendingar hafi
svarað manndómlega.
„Agence Havas“ segir, að
bandamenn hafi sent Hollendingum
nýja áskroun og jafnframt skorað
á þýzku stjórnina, að stvðja kröf-
una um framsal keisarans. Bretum
hefir verið falið að fa framsals-
kröfunni framgengt.
Verkamannaþing Norðurlanda.
Verkamannaþingi Norðurlanda
er nú lokið. Eitt af verkum þess
var það, að útiloka hina norsku
B olzhewikka ialgerlega.
Stefnuskrá Millerands.
Millerand, stjórnarformaðurinn
franski, hefir birt stefnuskrá sína
ISAFOLD
í þinginu. íkafar árásir voru
gerðar á Steeg, utauríkisráðherra.
Þó var samþykt traustsyfirlýsing
til hans með 273 atkv. gegn 23, en
300 greiddu ekki atkvæði.
Gengi erlendrar myntar.
100 kr. sænskar ..... kr. 120,00
100 kr. norskar ....... — 109,50
100 mörk þýzk.......... — 8,65
Sterlingpund .......... — 21,44
Dollar ................ — 5,95
Norðurlönd og þjóðbandalagið.
Frá Kristiania er símað, að ráð-
herrar Norðurlanda muni bráðlega,
sennilega í febrúarbyrjun, koma
saman á fund til þess að ræða nm
inngöngu Norðurlanda íþjóðbanda-
lagið.
Bolzhewikka sigrar.
Frá Berlín er símað, að Pól-
verjar hafi skorið upp herör um
ált land til þess að verjast fram-
sókn Bolzhewikka.
Það er búist við því, að Foch
marskálkur komi til Warshau bráð-
lega.
Frá Helsingfors er símað, að
Bolzhewikkar tilkynni, að þeir hafi
unnið úrslitasigra í Ukraine og
stefni nú til Odessa.
Rússneska stjómarhlaðið Pravda
segir Bolzhewikka nú einráða í öll-
um norðurhluta Síberíu.
Khöfn 26. jan.
Bolzhewikkastjórnin flytur.
Frá Dorpat er símað, að stjóm
Bolzhewikka hafi af opinberum á-
stæðum flutt sig frá Moskva til
Twer( ?).
Drepsóttir í Berlín.
Þjóðverjar brenha flugvélar, sem
bandamenn áttu að fá.
Drepsóttir geisa nú í Berlín.
Vígin á Helgolandi eru nú full-
komlega rifin niður og ekki nema
rústir einar.
70 flugvélar, sem áttu að afhend-
ast bandamönnum, hafa verið
brendar í Warnemúnde.
, Sendiherraráðið.
Frá París er símað, að sendiherra
ráðið, sem kemur í staðinn fyrir
æðstaráð bandamanna, liafi nú tek-
ið til starfa.
Talsímaverkfallið
í Kaupmannahöfn heldur enn á-
fram.
Inflúenzan blossar upp.
Spanska veikin er nú að blossa
upp aftnr hér í Kaupmannahöfn og
fjöldi sjúklinga hefir verið fluttur
í sjiikrahús.
Khöfn 27. jan.
Erzberger sýnt banatilræði.
Frá Berlín er símað, að eftir yfir-
heyrsluna í gær í máli þeirra Helf-
ferichs og Erzbergers, hafi stúdent
nokknr sýnt Erzberger banatilræði,
skant á hann með marghleypu og
kom skotið í öxlina.
, Framsal keisarans.
Hollenzku blöðin halda því fram,
að hollenzka stjórnin hafi gert
handamönnum greiða með því að
neita að framselja keisarann.
Enskar kaupstefnnr
verða háðar í London, Glasgow og
Birmingham í febrúarmánuði.
Kliöfn 30. jan.
Þýzkaland gjaldþrota?
Frá Berlín er símað, að fregnirn-
o.r, sem borist hafa síðustu dagana
um gjaldþrot Þýzkalands, sé nú
bornar til baka. Er það ætlan
manna, að þær hafi verið breiddar
út til þess að reyna að fá banda-
menn til að slaka á kröfum sínum.
Þýzki flotaforinginn, sem sökti
skipunum í Scapa Flow, hefir nú
verið leystur úr haldi í Englandi
cg sendur heim.
Bndamenn neita verkamönnum um
vegabréf.
Frá London er símað, að stjómir
bandamanna hafi neitað fulltrúum
verkamanna um vegabréf til þess
að sækja jafnaðarmannafund í
Rússlandi.
Færeysk ávarpið.
1 þjóðþinginn danska hefir komið
tram ítarlegt nefndarálit um ávarp
Færevinga 1918. Ihaldsmenn álíta,
að upplýsingarnar, sem fram koma
í málinu, sé fellandi fyrir Zahle og
Patursson.
(Eins og menn vita, samþykti
lagþing Færeyja í fyrra og sendi
ríkisþingi Dana ávarp um það, að
í hin nýju grundvallarlög Dana
yrði það upptekið, að veita mætti
Færeyingum sjálfstjóm án þess að
grundvallarlagahreytingu þyrfti til
þess).
Erzberger
hefir þyngt og hafast ver við sárin
er hann hlaut þá er honnm var sýnt
banatilræðið.
Prestaekla.
í danska ríkisþinginu er komið
fram frumvarp til laga um það, að
óprestvígðir menn og útlendir guð-
fræðingar geti orðið prestar í Dan-
mörku. Er frumvarpið fram komið
\egna hinnar anknu prestaeklu,sem
verður í landinu, þá er Suður-Jót-
iand sameinast því.
Mark og dollar.
Khöfn 30. jan.
Hundrað mörk jafngilda nú ein-
um dollar, eða kr. 6.20 í dönskum
peningum.
Kböfn 30. jan.
Sameinaða færir út kvíamar.
Sameinaða gufuskipfélgið hefir
keypt öll hlutabréf gufuskipafé-
laganna „Dansk-Russisk“ og
„Gorm‘ ‘.
Koltschak
reynir að bjarga leyfum Czecho-
Slava hersins, sem er í Síberín.
Judenitsch handtekinn.
Fregnir ganga um það, að Juden-
itsch liafi verið tekinn fastur af
sínum eigin mönnum.
Serbar og ítalir.
Serbar neita að fallast á það, að
ítalir ráði Adríhafsmálinu til lykta.
Keisarinn kyrsettur í Hollandi.
Það er búist við því, að banda-
menn muni nú krefjast þess, að
Vilhjálmur keisari verði kyrsettur
í Hollandi!
1
Gengi erlendrar myntar.
Sænskar kr. (100) ....... 121,50
Norskar kr. (100) ....... 109,85
Mörk (100) ................ 7,75
Sterlingspund............. 22,00
Frankar (100) ............ 47,50
Dollar..................... 6,28
Konungur kemur I júlí
Khöfn 30. jan.
Fréttaritari yðar hefir fengið að
vita, að konungur og drotning á-
samt föruneyti sínu muni fara til
íslands í sumar í júlílok, á herskip-
jnu „ValkyriSn' ‘.
------O-------
Influenzan magnast
Khöfn 30. jan.
Inflúenzan er að magnast hér í
Kaupmannahöfn.
Svartidauði
og kélsra
Stjórnarráðið tilkynnir, að eftir-
nefnda staði beri að -skoða sem
sýkta af pest og austurlenskri kól-
eru.
Af pest:
Hafnirnar í Egyptalandi, Hafn-
imar í hrezka Austurindlandi á-
samt Birma, Hafnimar í nýlendum
Hollendinga í Austurindíum, New
Orleans, Aþenuborg með Piræus,
Smyrna, HafnirUar í Kína, Hafnim
ar í Indokína, Hafnirnar í Filipps-
eyjum, Bangkok, Hafnirnar í Sene-
gal, Rio Janeiro, Bahia, Hafnirnar
í Pera, Hafnirnar í Chili og Hafn-
irnar í Ecuador.
Af kóleru:
Hafnimar í brezka Austurind-
landi ásamt Birma, Hafnirnar í ný-
lfndum Hollendinga í Austurindí-
um, Allar rússneskar hafnir við
Austursjóinn, Hafnimar í Indo-
kína, Hafnirnar í Filippseyjum,
Hafnirnar í Kína, Hafnirnar í Jap-
an og Bangkok.
Arfur
frá Bandaríkjunum.
Utanríkisráðuneytið danska til-
kynnir, að ef dan-skir þegnar erfi
menn, sem deyja í Bandaríkjum
Norður-Ameríku, þá skuli þeir fela
danska konsúlnum þar á staðnum
að koma fram fyrir sína hönd í
dánarbúinu, og með því sparist arf-
taka og mikill og margskonar
kostnaður.
Þetta sama gildir ef íslenzkum
þegnum tæmist arfur í Bandaríkj-
unum.