Tíminn - 14.01.1987, Blaðsíða 3

Miðvikudagur 14. janúar 1987
Tíminn 3
Sturla Kristjánsson „fyrrverandi" fræðslustjóri Norðurlandi eystra:
„Lít á þetta sem mótmæli
við ákveðna skólastefnu11
- flogið með uppsagnarbréf norður í gær
„Mín viðbrögð eru í sjálfu sér
afskaplega einföld. Ég er vanur því
að hlýða fyrirmælum yfirboðara
minna og mun gera það í þessu eins
og öðru og ganga út,“ sagði Sturla
Kristjánsson fræðslustjóri í
Norðurlandi eystra þegar Tíminn
innti hann eftir viðbrögðum við
skyndilegri uppsögn hans úr starfi.
Knútur Hallsson ráðuneytisstjóri í
menntamálaráðuneytinu hafði
samband við Sturlu í gærmorgun
og tilkynnti honum að mennta-
málaráðherra væri óánægður með
störf hans og treysti sér ekki til að
hafa fræðslustjórann lengur í sinni
þjónustu. Sturlu væri þar með sagt
upp störfum frá og með deginum í
gær og að bréf væri á leiðinni, sem
deildarstjóri grunnskóladeildar
menntamálaráðuneytisins mun
hafa flogið með norður í gær.
Aðspurður um hvers vegna hann
teldi að hann, einn fræðslustjóra
væri látinn fara sagði Sturla: „Ég
er þolandinn í þessu máli og get
enga skýringu gefið á svona
verkum. Ég lít á mig sem tákn fyrir
ákveðin vinnubrögð, ákveðna
skólastefnu og ákveðna byggða-
stefnu. Byggðastefnan og skóla-
stefnan í Norðurlandi eystra verð-
ur ekki barin niður með því að
víkja mér úr starfi," sagði Sturla
ennfremur.
„Ég er viss uni að skólamenn í
umdæminu munu almennt taka
þetta sem mótmæli við þá skóla-
stefnu sem hér er og kannski ætti
þá í raun og veru að reka alla
skólastjórana líka,“ sagði Sturla.
Sturla sagðist búast við að skóla-
menn í umdæminu myndu verja þá
skólastefnu sem ríkti í Norðurlandi
eystra en sjálfur myndi hann fá
lögfræðing til að gæta sinna hags-
muna í þessu uppsagnarmáli.
-BG
Þetta er hús Stangaveiðifélagsins við EUiðaár sem kveikt var í. Stuttu síðar
var einnig kveikt í bækistöð gatnamálastjóra við Sævarhöfða. Tímamynd:SverHr.
Brennuvargar:
Kveiktu í
tveim húsum
- með stuttu millibili
Um miðnætti á mánudagskvöld
var kveikt í húsi Stangaveiðifélagsins
við Elliðaárnar og stuttu síðar var
kveikt í bækistöð gatnamálastjóra
við Sævarhöfða í Reykjavík.
Ekki er vitað hvort sömu menn
voru að verki í báðum tilvikum, en
Rannsóknarlögregla ríkisins vinnur
að rannsókn málsins. Ljóst er að
brotnar voru rúður á báðum stöðun-
um og kveikt í fyrir innan en ekki er
fullrannsakað með hvaða hætti
kveikt var í. Miklar skemmdir urðu
á báðum stöðunum.
ABS
Sr. Eiríkur J.
Eiríksson látinn
- fyrrum þjóðgarðsvörður og sóknarprestur
Séra Eiríkur J. Eiríksson fyrr-
verandi þjóðgarðsvörður á Þing-
völlunt og fyrrum prófastur í Ár-
nesprófastsdæmi lést á sunnudag
75 ára að aldri.
Eiríkur var einna þekktastur
sem sóknarprestur og þjóðgarðs-
vörður á Þingvöllum. Hann var
ráðinn þjóðgarðsvörður 1959 og
sóknarprestur 1960. Þá hafði hann
þjónað sem sóknarprestur á Núpi í
Dýrafirði frá árinu 1938. Eiríkur
var settur Árncsprófastur 1970 og
skipaður 1972. Þessum embættum
gegndi hann til ársins 1981.
Eiríkur var einn af mestu bóka-
söfnurum landsins, en á síðasta ári
gaf hann bókasafni gagnfræðaskóla
Selfoss bókasafn sitt, en þar starf-
aði hann síðustu æviár sín.
Eiríkur var sambandsstjóri
UMFI í um 30 ár og kirkjuþings-
Sr. Eiríkur J. Eiríksson.
ntaður í 25 ár. Hann var sæmdur
stórriddarakrossi fálkaorðunnar
árið 1981.
Þráinn Þórisson, formaður fræðsluráðs á Norðurlandi eystra:
“Gilda ein lög
í landinu öllu?“
„Við skiljum ekki svona tungu-
mál, það er fljótútsagt. Við vitum
ekkert hvað maðurinn mcinar. Þctta
er spark sem ég hefði ekki viljað trúa
að hann ætti eftir að framkvæma og
skil ckki á hvaða forsendum
byggist," sagði Þráinn Þórisson for-
maður fræðsluráðs á Norðurlandi
eystra.
Þráinn sagði ennfremur að sér
sýndist sem deilumál ráðuncytisins
annars vegar og fræðsluráðs og
fræðslustjóra hins vegar snérist
einna hclst um það hvort cin og
sömu lög ættu að gilda í öllu landinu,
án tillits til búsetu munnu. Það liti út
fyrir að skilningur ráðuneytisins væri
sá að ekki væri æskilegt að vcita
sömu þjónustu alls staðar á landinu
þó það væri hægt. Þráinn sagði að
íræðsluráð hefði staðið saman scm
einn maður að þeirri uppbyggingu
skólamála á Norðurlandi sem ráðu-
neytinu hefði þótt óæskilcga hröð.
Þar af leiðandi hcfðu fjárlög, sem
marka framkvæmdirög rekstur, ckki
reiknað með þeirri uppbyggingu sem
framkvæmd hefur verið og væri
fullkomlega innan laga. -ABS
Ertu að byggja upp
Tímlnn
SIÐUMULA 15
686300
líkamann?
Við leitum að
blaðberum til
starfa víðsvegar
um borgina.
Óskum eftir blað-
berum í Hafnarfirði
og Garðabæ.
Upplýsingar gefur
umboðsmaður í
síma 641195.
Hafðu samband.