Tíminn - 16.06.1988, Qupperneq 7

Fimmtudagur 16. júní 1988
Tíminn 7
Suðvestan stinningskaldi og skúrir settu svip á heiðursvörð lögreglunnar sem átti erfítt með að hemja fána og húfur við komu færeysku gestanna

Atli Dam í
heimsókn
Atli Dam, lögmaður Færeyja og
frú Sólvá Dam kona hans komu í
opinbera heimsókn til íslands í
gærmorgun í boði forseta íslands,
frú Vigdísar Finnbogadóttur.
Á meðan á heimsókninni stendur
munu gestirnir heimsækja Stofnun
Árna Magnússonar, Norræna húsið,
Listasafn íslands, Árbæjarsafn,
Þingvelli og Viðey þar sem fram-
kvæmdir og uppgröftur verður skoð-
að á eyjunni. Auk þess mun Atli
Dam renna fyrir lax í Laxá í Kjós í
boði utanríkisráðherra Steingríms
Hermannssonar. Þá verður einnig
flogið með gestina til Egilsstaða og
Seyðisfjörður og Neskaupstaður
heimsóttir.
í fylgd með lögmannshjónunum
verða Jalgrim Hilduberg, skrifstofu-
stjóri iandstjórnarinnar og frú Berg-
hild Hilduberg og Maiken Poulsen
fulltrúi. Heimsókninni lýkur á mán-
udagsmorgun 20. júní. -ABÓ
Forseti íslands, frú Vigdís Finnbogadóttir tók á móti Atla Dam lögmanni Færeyja og frú Sólvá Dam við komuna
til Islands í gærmorgun. (Tímamynd Pjetur)
Lánasjóöur Vestur-Norðurlanda:
KOMPASS FÉKK
FYRSTA LÁNIÐ
Fyrsta lánveiting úr Lánasjóði
Vestur-Norðurlanda hefur verið
samþykkt og afgreidd. Það var fyrir-
tækið Kompass sem nýlega gaf út
markaðsvísi fyrir ísland, Færeyjar
og Grænland sem fékk lánið, en
Kompass fyrirtæki eru rekin í 19
löndum Evrópu og 12 löndum utan
Evrópu, en hvert Kompass fyrirtæki
er rekið sem sjálfstætt fyrirtæki.
Lánasjóður Vestur-Norðurlanda
var stofnaður árið 1986, en að sjóðn-
um standa Norðurlöndin fimm,
ásamtFæreyjumog Grænlandi. Með
stofnun sjóðsins er ætlað að efla
sérstök landsvæði innan marka
Norðurlandanna. í þessu tilviki er
um að ræða þá hugmynd að efla
atvinnulífið í heild á svæði sem
nýlega er farið að nefna Vestur-
Norðurlönd, þ.e. ísland, Færeyjar
og Grænland. -ABÓ
Þensla í borginni bjargar ekki atvinnulausum saumakonum á landsbyggðinni:
Um 300 landsbyggða*
konur vantar vinnu
Þótt atvinnurekendur telji sig
vanta um þrjú þúsund manns til
starfa voru um 12 þúsund atvinnul-
eysisdagar skráðir í landinu í síð-
asta mánuði. Það svarar til um 540
manns sem ekkert starf hafði allan
mánuðinn hvar af rúmlega 350
voru atvinnulausar konur, lang
flestar á Suðurlandi (76 á Hvols-
velli, Hellu og Selfossi), Akranesi
(51), Blönduósi, Akureyri og
Egilsstöðum. Stærstur hluti þess-
ara kvenna munu fyrrverandi
starfsmenn prjóna- og saumastofa
sem hætt hafa starfsemi sinni.
Prátt fyrir þetta var atvinnuleysi
nú í maí nær þriðjungi minna en
það hefur verið að meðaltali í
maímánuði síðustu 5 árin. Vinnu-
málaskrifstofa félagsmálaráðu-
neytisins telur það gefa til kynna
að mun minna hafi dregið úr þcnslu
á vinnumarkaði en vænta mátti.
- HEI
Markaðsvísir Kompass, fyrirtæki á íslandi, Færeyjum og Grænlandi:
Upplýsingar um 25.000 vöru- og þjónustuheiti
Markaðsvísir Kompass, fyrir
ísland, Færeyjar og Grænland er nú
að koma út í fyrsta skipti á íslandi.
Að sögn útgefanda er þar að finna
umboðaskrá og skrá yfir stjórnendur
allra helstu fyrirtækja í þessum þrem
löndum. Kerfinu er ætlað að auð-
velda fyrirtækjum að finna önnur
fyrirtæki, heildsölum að finna fram-
leiðendur, framleiðendum að finna
sölu- og dreifingaraðila. Markmið
Kompass er að vera fyrirtækjum á
Islandi, Færeyjum og Grænlandi
innan handar með upplýsingar er
lúta að verslun og viðskiptum.
Bókin, sem er um 740 blaðsíður, á
framvegis að koma út í febrúar ár
hvert.
Fyrsta Kompass bókin kom út í
Sviss árið 1947 og lagði aðallega
áherslu á lítil og meðalstór fyrirtæki
þar í landi. Nú, fjórum áratugum
síðar, eru Kompass fyrirtæki rekin í
31 landi, þar af 19 Evrópulöndum.
I fyrsta hluta bókarinnar eru orða-
lyklar á 5 tungumálum; íslensku,
dönsku, ensku, þýsku og frönsku,
yfir 25.000 vöru- og þjónustuheiti.
I öðrum hlutanum eru þessi hciti
flokkuð í u.þ.b. 1.000 vöruflokka,
og seljendurnir merktir í svokallað
Kompass punktakerfi markaðsvísis-
ins.
Þriðji hlutinn inniheldur upplýs-
ingar um einstök fyrirtæki á íslandi,
Færeyjum og Grænlandi. Auk upp-
lýsinga um; heimilisföng, síma,
telex, telefax o.fl. er þar að finna
upplýsingar um; stjórnendur,
stofnár, starfsmannafjölda, hlutafé,
veltu, bréfaskriftatungumál og lýs-
ingu á starfsemi fyrirtækjanna á allt
að 7 tungumálum. Sömuleiðis eru
taldir upp þeir vöruflokkar sem
fyrirtækið er skráð í.
Kompass er einkaumboðsaðili fyr-
ir Affarsdata-gagnabankann í
Stokkhólmi, sem gerir fyrirtækjum
kleift að tengjast méð eigin tölvum
gagnabönkum Kompass á öllum
Norðurlöndunum og V-Þýskalandi.
í frétt frá Kompass á fslandi segir
að það muni á þessu ári vista í
gagnabanka sínum yfir 20.000 fyrir-
tæki á sviði fiskiðnaðar og fiskveiða
úr gagnabanka North Atlantic Fish-
eries Data Bank, „NAF“, á Norður-
löndunum, Þýskalandi, Bretlands-
eyjum og Nýfundnalandi. - HEI