Tíminn - 19.12.1989, Blaðsíða 5
Þriðjudagur 19. desember 1989
Tíminn 5
Að sögn Guðrúnar Helgadóttur, forseta sameinaðs
þings, liggur nú fyrir í stórum dráttum, samkomulag milli
stjórnar og stjórnarandstöðu, um framgang þingmála,
þar til jólahlé hefst 22. desember. Enn á þó eftir að ganga
frá samningum um tillögur fjármálaráðherra um frestun
gildistöku ákvæða nýju sveitarstjórnarlaganna, hvað
varðar heilsugæsluna í Reykjavík, ásamt greiðslum frá
ríki vegna tannlæknaþjónustu. Gert er ráð fyrir að ná um
200 m.kr. sparnaði vegna kostnaðarhlutdeild ríkisins í
rekstri Borgarspítalans og um 350 m.kr. sparnaði ef
kostnaðarhlutdeild ríkisins við tannlækningar fellur
niður. Samkvæmt heimildum Tímans hótuðu sjálf-
stæðismenn málþófi ef þetta gengi eftir. Nú eru hins
vegar að, sögn Guðrúnar, líkur á samkomulagi um þessi
mál.
Forsetar Alþingis funduðu stíft
með formönnum allra þingflokka í
gær og lauk seinasta fundi á tíunda
tímanum í gærkvöld. Á þessum
fundum kom fram skýr andstaða
fulltrúa stjórnarandstöðunnar við þá
hugmynd að fresta gildistöku ein-
stökum á ákvæðum laga um verka-
skiptingarinnar. Á tímabili leit út
fyrir að ekki myndi ná saman og
stjórnarandstaðan færi í hart og
beitti sér fyrir að stöðva framgang
fjárlagafrumvarpsins og tekjuöfl-
unarfrumvarpa í þinginu. Úr þessu
rættist og nú er samkomulag um að
fjárlög og brýnustu tekjuöflunar-
frumvörp ríkisstjómarinnar verði að
lögum fyrir jól. Hins vegar hefur
verið gert samkomulag um að frum-
varp er heimilar stofnun umhverfis-
ráðuneytis verði ekki tekið fyrir að
nýju fyrr en í síðustu viku janúar-
mánaðar á næsta ári. Það eru því
ekki líkur á að Júlíus Sólnes, for-
maður Borgaraflokks, verði um-
hverfisráherra fyrr en í mars 1990.
„Þetta gekk mjög vel,“ sagði
Guðrún Helgadóttir, erTíminn innti
hana eftir niðurstöðum síðasta fund-
arins í gærkveldi. „Ég held að það
séu allar líkur á að þetta náist saman
og við ljúkum þessu á föstudaginn,
eins og til stóð, og hefjum þá aftur
störf 21. janúar. Hér er allt í góðu
gengi og góðu samkomulagi.“
Tillögur um sparnað og niður-
skurð í ríkisrekstrinum upp á um
einn milljarð á næsta ári, voru lagðar
fyrir þingflokka ríkisstjórnarinnar í
gær. I þessum tillögum er m.a. gert
ráð fyrir að sveitarfélögin taki á sig
um 350 milljónir, vegna tannlækna-
kostnaðar, umfram það sem gert er
ráð fyrir í fjárlagafrumvarpinu. Rök
fyrir því eru að þessi upphæð hafi
verið misreiknuð og ekki átt að
lenda á ríkinu, þegar gengið var frá
nýjum verkaskiptingarlögum um
næsta ári.
Sparnaðartillögurnar voru ræddar
í ríkisstjórninni um helgina og mun
vera samstaða um þær meðal á þeim
vettvangi. Auk þeirra 350 milljóna,
sem spara á með því að færa kostn-
aðarliðinn vegna tannlækninganna
yfir til sveitarfélaganna, er ráðgert
að sparaðar verði 60 milljónir í
launakostnað við Þjóðleikhúsið, en
sem kunnugt er verður það lokað
vegna endurbóta meiripart næsta
árs. Þá er ráðgert að ríkissjóður taki
400 milljón króna lán til þess að unnt
verði að standa við þau fyrirheit er
gefin hafa verið varðandi vísitölu-
hækkanir á lánum Lánasjóðs ís-
lenskra námsmanna. Ólafur Ragnar
Grímsson, fjármálaráðherra, vildi í
gær ekki tjá sig um hugmyndir
ríkisstjórnarinnar varðandi niður-
skurð útgjalda.
Staða helstu mála á þingi er
þannig, að stjórnarfrumvarp um
skráningu og meðferð persónuupp-
lýsinga varð að lögum í gær, frum-
varp um tekjuskatt og eignaskatt fór
úr þriðju umræðu í neðri deild
þingsins upp til efri deildar, frum-
varp um skattafrádrátt vegna fjár-
festingar í atvinnurekstri fór til
þriðju umræðu og sömuleiðis er
einungis eftir þriðja umræða um nýtt
frumvarp um Fiskveiðasjóð íslands.
Til stóð að afgreiða frumvarp um
virðisaukaskatt úr fyrstu umræðu til
annarrar í neðri deild í gærkvöld og
í nótt mun hafa verið tekin fyrir í
sjötta skipti skýrsla utanríkisráð-
herra um könnunarviðræður EFTA
og EB. Til stóð að ljúka þeirri
umræðu, en í dag verður formlega
skrifað undir ákvörðun EFTA-ríkj-
anna um að ganga til formlegra
viðskiptasamninga við Evrópu-
bandalagið.
Fjárlög fóru sem kunnugt er til
nefndar fyrir helgi, eftir að fyrstu
umræðu um þau lauk í sameinuðu
þingi. Áætlað er að þau verði tekin
til þriðju og síðustu umræðu á
morgun. - ÁG
Ný stuttmynd nefndar um átak í áfengisvörnum:
Vímuefnanotkun:
Leikur að eldi
Fyrir skömmu var frumsýnd leikin
stuttmynd, Leikur að eldi, en mynd-
in var gerð að tilhlutan nefndar um
átak í áfengisvörnum og stofnuð var
í tilefni af bjórtökunni fyrr á þessu
ári.
Nefndinni var ætlað að vinna að
áfengis- og vímuefnavörnum meðal
barna og unglinga. Hún efndi í þeim
tilgangi til samkeppni í grunn- og
framhaldsskólum s.l. vor um handrit
að myndinni. Verðlaunahandritið
sem myndin er gerð eftir er eftir
Gerði Gestsdóttur nema í Mennta-
skólanum við Hamrahlíð.
Myndin er gerð af kvikmyndafé-
laginu Nýja bíói undir leikstjórn
Hilmars Oddsonar, Guðmundur
Kristjánsson kvikmyndaði og Þor-
steinn Úlfar Bjömsson tók upp hljóð
og tónlist í myndinni er eftir Hilmar
Oddsson og Pétur Hjaltested.
Leikarar eru allir ungir nemendur
grunn- og framhaldsskóla. Þeir eru
Guðrún Edda Þórhannesdóttir, Karl
Olgeirsson, Heiðrún Anna Björns-
dóttir, Elsa Nielsen, Guðmundur
Elías Stefánsson, Halldóra Anna
Hagalín, Gunnar Ómarsson, Bryn-
hildur Guðmundsdóttir og Jökull
Sigurðsson.
Hilmar Oddsson leikstjóri sagði
að við gerð myndarinnar hefði verið
leitast við að feta gullinn meðalveg
og höfða til venjulegra unglinga sem
búa við eðlilegt heimilislíf. Mynd-
inni væri ætlað að vekja ungt fólk til
sjálfstæðrar og skynsamlegrar um-
hugsunar um vímuefnamál en ekki
að predika eða hafa uppi áróður sem
haft gæti þveröfug áhrif við það sem
ætlast var til. Leikur að eldi verður
sýnd í skólum, sem aukamynd í
kvikmyndahúsum og í sjónvarpi.-sá
Leikarar í stuttmyndinni Leikur að eldi. Frá vinstri; Karl Olgeirsson, Brynhildur Guðmundsdóttir, Guðmundur
Elías Stefánsson, Jökull Sigurðsson, Guðrún Edda Þórhannesdóttir, Heiðrún Anna Björnsdóttir og Elsa Nielsen.
Tímamynd: Pjetur.
Jólabókasala tók
kipp um helgina
Bóksala tók verulegan kipp um
síðustu helgi, en hún hefur verið
frekar dræm fram að þessu. Margt
bendir til þess að bókaútgefendur
sjái fram á samdrátt um þessi jól.
Mjög erfitt er að gera sér grein
fyrir söluhæstu bókunum á þessu
stigi. Svo virðist sem að engin bók
ætli að stinga aðrar af um þessi jól,
en nokkuð margar bækur virðast
seljast vel.
Bóksalar segja að of snemmt sé
að fullyrða um að samdráttur verði
í sölu fyrir þessi jól, en þó bendir
flest til þess að svo verði. Undan-
farin ár hefur sala á bókum síðustu
vikuna fyrir jól verið mjög mikil,
sumir hafa jafnvel talað um að þá
seljist 70% af ölium jólabókunum
sem seldar eru fyrir jólin. Menn
eru því sammála um að þessi vika
skipti gífurlega miklu máli.
Framboð á markaðinum jókst
nokkuð um þessi jól þannig að
samdráttur í sölu kemur þyngra
niður en ella hefði orðið ef að
bókaútgefendur hefðu gefið út
sama fjölda af bókum og um síð-
ustu jól. Einn bóksali sagði að sér
kæmi ekki á óvart að eitthvað
myndi fækka í stétt bókaútgefenda
á næstunni.
Af einstökum bókum sem seljast
vel má nefna Ég heiti ísbjörg, ég
er ljón, eftir Vigdísi Grímsdóttur,
Sagan sem ekki mátti segja, eftir
Björn Sv. Björnsson, Fyrirheitna
landið eftir Einar Kárason, Ég og
lífið eftir Ingu Huld Hákonardótt-
ur, Sendiherrafrúin segir frá, eftir
Hebu Jónsdóttur og Fransí biskví,
eftirElínuPálmadóttur. Aferlend-
um bókum selst Alexander Mac-
Lean langbest.
Bóksalar voru annars frekar
tregir til að nefna söluhæstu bæk-
urnar vegna þess hve salan er jöfn.
Þó nokkrir titlar sem búist var við
að myndu seljast vel, hreyfast lítið.
Það virðist því vera nokkuð um að
menn hafi veðjað á ranga hesta í
jólabókakapphlaupinu.
Sala á plötum virðist vera nokk-
uð góð fyrir jólin. Bubbi, Geir-
mundur Valtýsson og Ríó tríó
seljast einna best. -EÓ
Eurovision söngvakeppnin:
Rúm 200 lög
hafa borist
Rúmlega 200 lög hafa borist í
íslensku undankeppnina fyrir Euro-
visionkeppnina, sönglagakeppni
evrópskra sjónvarpsstöðva en frest-
ur sá sem sönglagaskáld höfðu til
þess að berja saman lag og skila til
Sjónvarpsins rann út kl. 12 á mið-
nætti s.l. laugardags.
í gær var skipað í dómnefnd sem
velja á tólf þessara laga í undanúr-
slit, en þessi tólf lög verða flutt í
sjónvarpinu upp úr áramótunum.
Áð því afloknu verður haldin undan-
keppni nokkru fyrir sjálfa aðal-
keppnina sem fram fer í landi sigur-
vegaranna frá í fyrra; Júgóslavíu í
maí n.k.
í undankeppninni verður eitt þess-
ara tólf laga vegið og metið hæft til
að verða flutt í Júgóslavíu af sérstök-
um hæstarétti sem skipaður verður
fulltrúum almenningsálitsins í Euro-
visionefnum.
Þeir sem voru valdir í gær í
dómnefndina sem velja á tólf lög
fyrir undankeppnina eru; Egill Eð-
varðsson kvikmyndagerðarmaður,
Vilhjálmur Guðjónsson hljómlistar-
maður, Jón Óíafsson hljómlistar-
maður, Eva Ásrún Albertsdóttir
dagskrárgerðarmaður á Rás 2 og
Edda Borg hljómlistarmaður og tón-
menntakennari.
Stefanía Guðmundsdóttir hjá
Sjónvarpinu sagði að tvö hundruð
lög hefðu þegar borist en von væri á
fleiri sem vitað væri að hefðu verið
póstlögð s.l. föstudag áður en frest-
urinn rann út. -sá