Tíminn - 10.01.1995, Blaðsíða 7

Þri&judagur 10. janúar 1995

7
íslenskar sjávarafurb-
ir myndu virka sem
vítamínsprauta á
atvinnulif í bænum
Frá Þórbi Ingimarssyni, fréttaritara Tím-
ans á Akureyri:
„Meginmálið í huga okkar er
að stuðla að flutningi íslenskra
sjávarafurða til Akureyrar. Ef
starfsemi fyrirtækisins flyst
norður, myndi það þýða veru-
lega eflingu atvinnulífs á Akur-
eyri. Hér er um að ræða 60 til 70
ný störf á vinnumarkaði, störf
sem eru þess eðlis að þeim fylgja
ákveðin margfeldisáhrif hvað
þjónustu og annaö athafnalíf
varöar. Óeðlilegt væri ef bæjar-
yfirvöld vildu ekki kanna alla
hugsanlega möguleika til þess
að auðvelda þessu öfluga út-
flutningsfyrirtæki að flytja starf-
semi sína hingað norður, þegar
litið er til þess að um 4 til 6%
fast atvinnuleysi er til staðar á
Akureyri. Hugsanleg sala á
hlutabréfum Akureyrarbæjar í
Útgerðarfélagi Akureyringa
tengist þessu máli ekki nema að
litlu leyti, þótt ljós fréttamiðla
hafi einkum beinst að þeim
þætti síðustu daga. í raun er hér
um tvö mál að ræða og sala
eignarhlutar bæjarsjóðs Akur-
eyrar í Útgerðarfélaginu hefur
ekki verið gerð að forsendu þess
að íslenskar sjávarafurðir flytji
starfsemi sína hingað," sagði
Guömundur Stefánsson, bæjar-
fulltrúi á Akureyri og formaður
atvinnumálanefndar bæjarins, í
samtali við Tímann.
— Hvert er upphafþess aö umrceö-
ur hófust um flutning íslenskra
sjávarafurða noröur annað en aö
fregnir af umrϚum um hugsan-
lega sölu hlutabréfa bcejarsjóös í
Útgerðarfélagi Akureyringa tóku
aö berast í tengslum viö gerö fjár-
hagsáœtlunar bœjarins á síðustu
vikum liöins árs?
„Þegar flest benti til þess að
samningar um kaup Islands-
banka á Sambandshúsinu á
Kirkjusandi yrðu að veruleika
og þau fyrirtæki er þar hafa að-
setur, þar á meðal íslenskar sjáv-
arafurðir, þyrftu að flytja, vakn-
aði sú hugmynd ab gagnkvæm-
ir hagsmunir fælust í því að fyr-
irtækið flytti starfsemi sína
hingað. Af þeim ástæðum fóru
menn aö ræða saman, án þess
þó að um neinar formlegar viö-
ræður væri að ræða. Menn voru
að kanna hug hvers annars í
málinu; meðal annars hver af-
staða forráðamanna íslenskra
sjávarafurða væri til flutnings
fyrirtækisins til Akureyrar og í
því sambandi var meðal annars
rætt um þá hugmynd ab flytja
sölumál Útgerðarfélags Akur-
eyringa til Islenskra sjávaraf-
urða. Þessar hugmyndir höfðu
verið viðraðar með óformlegum
hætti um nokkurn tíma, þegar
sala á hlutabréfum Akureyrar-
bæjar í Útgerðarfélagi Akureyr-
inga var til umræðu í tengslum
við gerð fjárhagsáætlunar bæj-
arsjóðs. Umræðan um sölu
hlutabréfanna tengdist því á
engan hátt hugmyndum um
flutning íslenskra sjávarafurða
til Akureyrar. Þar voru fyrst og
fremst á ferð hugmyndir um ab
losa um fjármuni til þess að
— sala hlutabréfa
í ÚA þó ekki for-
senda fyrir flutn-
ingi fyrirtœkisins,
segir Guömundur
Stefánsson, for-
maöur atvinnu-
málanefndar Ak-
ureyrar
greiða niður skuldir Fram-
kvæmdasjóðs Akureyrar og
skapa bæjarfélaginu aukið fram-
kvæmdafé til ýmissa verkefna.
Hugmyndin um að Útgerðarfé-
lag Akureyringa yrði hugsanlega
viðskiptaaöili íslenskra sjávaraf-
urða var algjörlega óháð öllum
hugmyndum um sölu hluta-
bréfa bæjarsjóös í Útgerðarfélag-
inu."
s
Ahugivaknar á
hlutabréfunum
— Hvencer var farið aö líta á sölu
hlutabréfanna og flutning ís-
lenskra sjávarafuröa noröur í
beinu samhengi?
„Þetta eru tvö mál, þrátt fyrir
að aðstæður hafi veitt þeim að
nokkru leyti í sama farveg. Eftir
að umræöur hófust um hugsan-
lega sölu hlutabréfa bæjarins í
Útgerðarfélaginu fóru ýmsir að-
ilar að leggja eyrun við. Daginn
fyrir gamlársdag barst bæjar-
stjóra Akureyrar bréf frá stjórn-
arformanni Sölumiðstöðvar
hraðfrystihúsanna þar sem
óskað var eftir viðræðum við
forsvarsmenn Akureyrarbæjar,
meðal annars um hugsanlega
sölu bréfanna. Þetta þarf ekki ab
koma á óvart, vegna þess að Út-
gerðarfélagið er eignaraðili að
Sölumiðstöðinni og á í viðskipt-
um við hana. Þab sem næst ger-
ist í málinu er að bæjarstjórn
berst bréf frá stjórn Kaupfélags
Eyfirðinga þess efnis ab kaupfé-
lagið lýsir sig reiðubúið til
kaupa á stærstum hluta bæjar-
ins í Útgerðarfélaginu. Síðar
barst svo erindi frá Samherja
svipaðs efnis. Því fór kastljós
fjölmiðlanna að beinast að þess-
um málum og fréttaskýringar
tóku aö birtast á öldum ljósvak-
ans þar sem þessi mál voru spyrt
saman og látið að því liggja að
sala hlutabréfanna til Kaupfé-
lags Eyfirðinga væri lykill að því
að beina viðskiptum Útgerðar-
félags Akureyringa til íslenskra
sjávarafurða, sem muni lokka
fyrirtækið norður."
Sala hlutabréfanna
ekki forsenda fyrir
flutningi ÍS
— En erþetta ekki staðreynd máls-
ins?
„Nei, vib megum ekki gleyma
því að óformlegar viðræður um
hugsanlegan flutning íslenskra
sjávarafurða til Akureyrar voru
hafnar nokkru áður en farið var
að fjalla um hugmyndir um
sölu hlutabréfanna í Útgerðarfé-
laginu. En þegar farið var að
ræba sölu þeirra í bæjarstjórn í
tengslum við fjárhagsáætlun
þessa árs, þá vaknaði áhugi ým-
issa aðila á bréfunum, sem er í
sjálfu sér mjög eðlilegt. Þrátt
fyrir það liggur engin ákvörðun
fyrir um ab selja hlutabréfin og
óvíst um hvort af því verður.
Við munum á hinn bóginn
ræða áfram hugmyndir um
flutning íslenskra sjávarafurða
til Akureyrar og þar er ekki mik-
ill tími til stefnu, þar sem búið
er ab selja íslandsbanka Sam-
bandshúsið á Kirkjusandi. Sala á
hlutabréfum Akureyrarbæjar í
Útgerðarfélaginu er ekki for-
senda fyrir því að félagið geti
beint viðskiptum sínum til ís-
lenskra sjávarafurða, flytji fyrir-
tækið starfsemi sína til Akureyr-
ar. Hugmyndir um sölu bréf-
anna vöknuðu af allt öðrum for-
sendum en sem liður í að flytja
íslenskar sjávarafurðir til Akur-
eyrar."
Sölumiðstöbin ekki
lagt fram ákvebnar
hugmyndir
— Þú nefhir Sölumiöstöö hraö-
frystihúsanna ekki í þessu sam-
bandi. Kemur ekki til álita aö Ak-
ureyrarbcer eigi samstarf viö þaö
fyrirtceki um eflingu viöskipta- og
Cuömundur Stefánsson.
atvinnulífs á Akureyri í tengslum
viö viöskipti Útgeröarfélags Akur-
eyringa?
„Stjórnarmenn Sölumið-
stöðvarinnar komu hingað til
fundar fyrir helgi. Á þeim fundi
ræddu menn þá stöðu sem upp
er komin. Hinsvegar hafa engar
formlegar hugmyndir í þá veru
verið lagðar fram af hálfu Sölu-
miðstöðvarinnar. Komi þær
fram, munum við að sjálfsögðu
skoða þær og meta, eins og ann-
að sem lagt verður fram í þess-
um málum."
Myndi virka sem vít-
amínsprauta
— Hvaöa breytingar sjá atvinnu-
málanefnd og bcejarstjóm Akur-
eyrar fyrir sér á atvinnulífi í baen-
um, veröi af flutningi íslenskra
sjávarafuröa noröur?
„Við sjáum fyrir okkur at-
vinnufyrirtæki með á bilinu 60
til 70 manns í vinnu, þar sem
flest störf eru nokkuð vel laun-
uö. Við sjáum fyrir okkur öfl-
ugra viöskiptaumhverfi á Akur-
eyri og möguleika á vexti í út-
vegsstarfsemi. Vib sjáum einnig
fyrir okkur ákveðin margfeldis-
áhrif í atvinnulífi bæjarins, þar
sem aukin starfsemi af þeirri
stæröargráðu, sem hér er um að
ræða, kallar beinlínis á ýmsa
þjónustu og má gera ráb fyrir ab
allt að 150 til 200 ný störf skap-
ist í bænum vegna þeirra. Flutn-
Tngurinn mun einnig hafa áhrif
á starfsemi ferðamála. Viðskipti
hótela og veitingastaða munu
aukast og einnig starfsemi bíla-
leiga og flugfélaga, þar á meðal
Flugleiba og Flugfélags Norður-
lands. Svona mætti áfram telja.
Ég álít að tilkoma íslenskra sjáv-
arafurða myndi virka sem
ákveðin vítamínsprauta fyrir at-
vinnulífið hér og ég álít einnig
að þetta tækifæri til atvinnu-
sköpunar á Akureyri sé stærra
en boöist hefur um langan tíma
og litlar líkur á að sambærilegir
hlutir komi til álita í náinni
framtíð."
Húsbréf
Útdráttur
húsbréfa
Nú hefur farið fram útdráttur húsbréfa
í eftirtöidum flokki:
4. flokki 1992 - 5. útdráttur
Koma þessi bréf til innlausnar 15. mars 1995.
Öll númerin verða birt í næsta Lögbirtingablaði.
Auk þess liggja upplýsingar frammi í Húsqæðis-
stofnun ríkisins, á Húsnæðisskrifstofunni á
Akureyri, í bönkum, sparisjóðum og verðbréfa-
fyrirtækjum.
cSg HÚSNÆÐISSTOFNUN RÍKISINS
LJ HÚS8RÉFADEILD • SUÐURLANDSBRAUT 24 • 108 REYKJAVlK • SÍMI 69 69 00