Morgunblaðið - 18.02.2006, Síða 3

ÍÞRÓTTIR
MORGUNBLAÐIÐ LAUGARDAGUR 18. FEBRÚAR 2006 D 3
Firma- og hópakeppni
í Fífunni
Unglingaráð HK heldur firma- og hópakeppni
sunnudaginn 5. mars nk. í hinu glæsilega
knattspyrnuhúsi Fífunni. Hér gefst knattspyrnuhópum
tækifæri til að spreyta sig við bestu aðstæður á
sanngjörnu verði.
Keppt verður í 7 manna liðum og verða 4-5 leikir á lið í
riðlakeppni auk úrslitleikja. Þátttökugjald er 18.000 kr. á lið.
Keppt verður í riðlum og tekur u.þ.b. 2 klukkustundir
að klára hvern riðil.
Þátttökutilkynningar og nánari upplýsingar:
Vilmar Pétursson, s. 891 9999,
tölvupóstur: vilmar@img.is.

ÞÓRA B. Helgadóttir landsliðs-
markvörður framlengdi í gær samn-
ing sinn við Íslandsmeistara Breiða-
bliks um tvö ár og gildir hanntil loka
árs 2007. Þóra átti stóran þátt í vel-
gengni Blika á síðustu leiktíð en liðið
varð bæði Íslands- og bikarmeistari,
og í byrjun árs varð hún í fimmta sæti
í kjöri á íþróttamanni ársins.

ARNAR Gunnlaugsson skoraði
þrennu á 17 mínútum í sínum fyrsta
mótsleik með ÍA í 11 ár þegar Skaga-
menn burstuðu KA, 4:0, í fyrsta leikn-
um í deildabikarkeppni KSÍ. Arnar
skoraði eitt markanna úr vítaspyrnu
og fjórða markið skoraði Dean Mart-
in og komu öll mörkin í fyrri hálfleik.
Arnar lék sér nægja að spila bara
fyrri hálfleikinn og það sama gerði
Þórður Guðjónsson.

KRISTINN Björgúlfsson skoraði
12 mörk fyrir Runar þegar liðið mætti
Vestli í norsku úrvalsdeildinni í hand-
knattleik í fyrrakvöld. Það dugði hins-
vegar ekki til sigurs hjá Runar. Vestli
vann með einu marki, 34:33. Runar er
í næstneðsta sæti deildarinnar.

SIGURÐUR Ari Stefánsson gerði
fjögur mörk þegar lið hans Elverum,
gerði jafntefli, 31:31, við Hit-Hak á
heimavelli í norsku úrvalsdeildinni í
handknattleik. Elverum er í 7. sæti af
tólf liðum í deildinni.

ÍSLENSKI landsliðsmiðherjinn í
körfuknattleik, Hlynur Bæringsson,
hefur verið valinn í Stjörnuleik hol-
lensku deildarinnar en hann hefur
leikið með Woon Aris í vetur ásamt
Sigurði Þorvaldssyni landsliðsmanni.
Þeir léku áður saman með Snæfells-
liðinu úr Stykkishólmi. Stjörnuleik-
urinn í Hollandi fer fram 26. febrúar.

HLYNUR er í norður-úrvalsliðinu
en það lið mætir suðurúrvalinu og þar
eru þrír bandarískir leikmenn sem
hafa leikið hér á landi. Joshua Helm
sem lék með KFÍ á Ísafirði, Chris Wo-
ods sem var hjá KR og Hamri/Selfoss
og Maurice Ingram sem lék um tíma
með ÍR.

KYUNG-Shin Yoon, stórskytta hjá
þýska handknattleiksliðinu Gum-
mersbach, er sagður eiga í viðræðum
við HSV Hamburg. Hann er laus
mála hjá Gummersbach í vor eftir tíu
ára dvöl hjá félaginu.

NORSKU og sænsku meistararnir
drógust saman þegar dregið var til 8
liða úrslitanna í Skandinavíudeildinni
í knattspyrnu í gær. Sænsku meist-
ararnir í Djurgården mæta Noregs-
meisturum Vålerenga, Gautaborg
leikur við Lilleström, FC Köbenhavn
gegn Hammarby og Lyn leikur við
Midtjylland. Leikirnir fara fram 23.
febrúar og 9. mars.

LILIA Shobukhova bætti í gær
heimsmetið í 3000 metra hlaupi inn-
anhúss á rússneska meistaramótinu í
frjálsum íþróttum. Hún kom í mark á
8.27,86 mínútum.
FÓLKÍSLENDINGALIÐIÐ Reading náðiekki að slá 110 ára gamalt met Liv-erpool í gærkvöld þegar liðið mættiLuton á útivelli í ensku 1. deildinni í
knattspyrnu. Eftir að hafa spilað 33
leiki í röð án taps í deildinni kom að
því að liðið beið lægri hlut en Luton
hafði betur, 3:2. Síðasti tapleikur
Reading í deildinni kom í 1. umferð-
inni 6. ágúst í fyrra en þá tapaði liðið
fyrir Plymouth. Liverpool og Read-
ing deila því metinu, 33 leikir í röð
án taps í næstefstu deild, en Liver-
pool náði því á árunum 1894 til 1896
þegar það lék í 2. deild eins og hún
hét þá. Arsenal á hins vegar metið í
allri deildarkeppninni en liðið lék 49
leiki í röð án taps í úrvalsdeildinni
2003–2004.
Ívar Ingimarsson og Brynjar
Björn Gunnarsson léku báðir allan
leikinn fyrir Reading. Kevin Dolye
kom Reading yfir strax eftir 18 sek-
únda leik en Luton svaraði með
þremur mörkum í röð áður en Doyle
minnkaði muninn á lokamínútunni.
Það er óhætt að segja að leikmenn
liðanna hafi gert sitt besta til að
skora mörk. Luton átti 32 skot, þar
af fimm á markið og Reading átti 36
skot og þar af hittu þrjú á markið.
Þrátt fyrir tapið er fátt sem bend-
ir til annars en að Reading leiki í úr-
valsdeildinni á næstu leiktíð. Liðið
hefur 12 stiga forskot á Sheffield
United sem er í öðru sæti og er 21
stigi á undan Leeds sem er í þriðja
sæti.
Reading tókst ekki
að slá met Liverpool
Eftir að keppni hófst á nýjan leikeftir EM í Sviss hafði Fylk-
ismönnum gengið mjög illa en topp-
liði Fram að sama skapi vel. Því
áttu flestir von á að Framarar
hefðu undirtökin og það stóðst í
fyrri hálfleik. Þeir leiddu mestallan
hálfleikinn með einu til tveimur
mörkum og þetta gekk alveg sam-
kvæmt áætlun hjá þeim. Fylkis-
menn voru í raun í því hlutverki að
elta gestina og það má segja að þeir
hafi eiginlega ekki gert mikið meira
en að hanga í þeim og töldust bara
nokkuð góðir að vera ekki meira en
tveimur mörkum undir þegar fyrri
hálfleikur var allur. Þetta átti allt
eftir að breytast í síðari hálfleik.
Lærisveinar Sigurðar Sveinssonar
höfðu greinilega nýtt leikhléið til
hins ýtrasta því það var allt annað
að sjá til Fylkisliðsins í síðari hálf-
leik. Þar munaði mest um að vörnin
small saman og riðlaði hún sókn-
arleik Framara allverulega og þá
voru Fylkismenn skynsamir í sókn-
arleiknum, héldu hraðanum niðri
sem er einmitt einn mesti styrkur
Framara, sóttu aukaköst trekk í
trekk og sóttu hreinlega í sig veðrið
með hverri mínútunni sem leið.
Þegar tíu mínútur voru til leiksloka
komust Fylkismenn yfir, 21:20, og
eftir það var engin spurning hvort
liðið myndi fara með sigur af hólmi.
Glæsilegur lokakafli færði Fylki svo
sex marka sigur og það er ljóst að
liðið ætlar sér ekki að gefa neitt eft-
ir þrátt fyrir erfiða tíð eftir EM.
Liðsheild Fylkismanna var sterk í
síðari hálfleik og leikmenn börðust
virkilega fyrir hver annan, vörnin
svínvirkaði og það telst harla gott
að halda eins góðu liði og Fram er í
einungis 22 mörkum og aðeins 7 í
síðari hálfleik. Arnar Jón Agnars-
son var sterkur í sókninni og Heim-
ir Örn Árnason lék fantavel miðað
við að hann var kominn með tvær
brottvísanir í fyrri hálfleik. Arnar
Þór Sæþórsson var traustur og það
sama má segja um Hlyn Morthens í
markinu.
Sigurður Sveinsson var að vonum
kampakátur með sigurinn og sagði
hann mikinn létti. „Þetta var mjög
sætur sigur og þetta var frábær
varnarleikur hjá okkur í síðari hálf-
leik en í það heila má segja að liðs-
heildin hafi verið stærsti þátturinn í
sigrinum. Við vorum lengi að elta
þá en loksins þegar við komumst
yfir í síðari hálfleik small þetta og
þá var þetta engin spurning um
hvorum megin sigurinn myndi
lenda.“
Framarar misstu hreinlega takt-
inn í síðari hálfleik og gerðu þá allt-
of mörg mistök og eftir því sem á
leikinn leið jókst ráðleysið hjá þeim
og það var í raun líkt og leikmenn
liðsins hefðu ekki gert ráð fyrir svo
mikilli mótspyrnu Fylkismanna í
síðari hálfleik. Það munaði miklu að
hinn afar efnilegi leikstjórnandi,
Sigfús Sigfússon, fann sig engan
veginn. Þá var slæmt fyrir þá að
Sergei Serenko, sem skorað hafði
fimm mörk í fyrri hálfleik og leikið
feikivel, sást varla í síðari hálfleik.
Egidijus Petkevicius gerði allt hvað
hann gat og við hann verður ekki
sakast og ég kalla hann góðan að
klára leikinn því þrisvar sinnum
fékk hann boltann í höfuðið. Jóhann
Einarsson var atkvæðamikill og þá
sérstaklega í fyrri hálfleik en lét
öllu minna fyrir sér fara eins og
flestir leikmenn Framliðsins í síðari
hálfleik. Guðmundur Guðmundsson,
þjálfari Framara, var afar svekktur
eftir leik. „Þetta var bara lélegur
leikur hjá okkur og síðari hálfleik-
ur, og þá sérstaklega síðustu fimm-
tán mínúturnar, var hreinlega
skelfilegur. Við færðum þeim þetta
á silfurfati, buðum hreinlega til
veislu, gerðum hörmuleg mistök
trekk í trekk og slík spilamennska
er afar dýrkeypt eins og við kom-
umst að í þessum leik. Það var fyrst
og fremst þetta sem gerði útslagið
hjá okkur en dómgæslan var hins
vegar ekki góð og það vantaði allt
samræmi og þá sérstaklega í síðari
hálfleik,“ sagði Guðmundur.
Framarar lágu
í Árbænum
FYLKISMENN gerðu sér lítið fyrir og skelltu toppliði Fram, 28:22, í
Árbænum í gærkvöldi í DHL-deild karla í handknattleik. Eftir að
hafa verið tveimur mörkum undir í leikhléi sneru Fylkismenn við
blaðinu í síðari hálfleik með hörkugóðri vörn og skynsömum sókn-
arleik og fengu þá aðeins á sig sjö mörk.
Eftir Svan Má Snorrason
Morgunblaðið/ÞÖK
r Jón Agnarsson lyftir sér yfir vön Framara í Árbænum í gærkvöld.
Þór og Afturelding áttust við fyrir norðan oger skemmst frá því að segja að liðin deildu
bróðurlega með sér stigunum. Leikurinn var
fremur tilþrifalítill og leikmenn ekki í sínu
besta formi. Mikið var um mistök og hæpna
dóma sem náðu að æsa mjög áhorfendur og að-
standendur liðanna. Lokamínútur leiksins voru
þó mjög spennandi og fengu bæði lið séns á að
hirða stigin tvö. Lokaniðurstaðan varð þó sann-
gjarnt jafntefli, 27:27.
Sem fyrr segir var ekki boðið upp á mikinn
gæðahandbolta og var hraðinn og bægslagang-
urinn fullmikill í fyrri hálfleik. Mistök voru fjöl-
mörg og var því lítið skorað. Jafnt var nánast á
öllum tölum og skiptust liðin á að hafa foryst-
una. Afturelding var yfir í hálfleik 12:13 og í
byrjun síðari hálfleiks virtust Mosfellingar ætla
að stinga Þórsara af. Þeir komust í 15:19 og
héldu góðri forystu lengi vel. Þórsarar gáfust
ekki upp og jöfnuðu loks leikinn 25:25 þegar
stutt var eftir. Heimamenn komust síðan yfir í
tvígang en Afturelding jafnaði um hæl. Hvort
lið fékk svo sókn til að skora sigurmarkið en
markverðirnir Davíð Svansson og Atli Ragn-
arsson vörðu skot andstæðinga sinna og varð
jafntefli því niðurstaðan.
Bestir hjá Þór voru Sigurður Brynjar Sig-
urðsson og Arnór Þór Gunnarsson en í liði Mos-
fellinga var Guðmundur Hrafnkelsson mark-
vörður bestur.
Bæði lið heyja nú mikla baráttu um að verða
meðal átta efstu liða í DHL-deildinni og ef þau
ætla sér þangað þarf margt í leik þeirra að
lagast.
Sann-
gjarnt
jafntefli
Eftir Einar Sigtryggsson






 
 
 
 
 
 









$


!
    
! "*%
!
   +
,

-









-$ 





,


.)/)#


%0

'((
+ 12/"3
4

- 0


 ?(