Morgunblaðið - 28.04.2006, Blaðsíða 6
REYNSLUAKSTUR
Citroën C3
Ingveldur Geirsdóttir
Skottið er ágætlega rúmt en kanturinn niður í það er heldur hár.
C
itroën C3 hefur nú í nokkur ár
verið vinsæll smábíll á Ís-
landi og komst ökumaður að
því að það er ekki að ástæðu-
lausu.
C3 var nýlega lítillega endurbætt-
ur, það sem bætt hefur verið í bílnum
er að allar vélar standast nú Euro 4
mengunarstaðla, nýr framstuðari og
nýtt grill er á bílnum sem gerir loft-
inntak stærra og númeraplatan hefur
verið færð niður sem gefur sportlegra
útlit, afturljósin eru ný með „crystal
effect“, innréttingar eru nýjar auk
þess sem stafræna mælaborðið er
stærra.
Ökumaður prófaði fimm dyra sjálf-
skiptan Citroën C3 með 1,6 lítra og
110 hestafla vél. Áður var hann aðeins
fáanlegur sjálfskiptur með 1,4 lítra og
75 hestafla vél og er þessi hestafla-
munur umtalsverð breyting fyrir þá
sem vilja hafa C3 sjálfskiptan. At-
hyglisvert er að 1,6 lítra vélin eyðir
aðeins 0,2 lítrum meira af bensíni en
1,4 lítra vélin og er hún ein sú öfl-
ugasta í þessum flokki bíla.
Ökumanni fannst gott að keyra
Citroën C3, hann liggur vel á veginum
og er hljóðlátur, kraftmikill og mjúk-
ur. Bíllinn er sjálfskiptur með hand-
skiptivali, en þá er hægt að stilla hann
þannig að ökumaður skiptir um gír
sjálfur. Bæði virkar vel og auðvelt er
að skipta um gír, með einni snöggri
hreyfingu, ef maður kýs það.
Bogadregnar línur
Útlit bílsins er nokkuð flott og heill-
aðist ökumaður strax af því, bíllinn er
allur bogadreginn eða kúlulaga eins
og sumir myndu segja og áberandi er
að það útlit heldur sér hvar sem á bíl-
inn er litið. Reyndar draga fram- og
afturljósin aðeins úr kúluútlitinu og
koma í veg fyrir að hann verði of
„barnalegur“, en framljósin eru ská-
eygð og gera hann sportlegri meðan
afturljósin eru þríhyrningslaga og
sitja hátt á bílnum. Innréttingar bera
keim af ytra útliti og eru allar hring-
laga, kúlulaga eða bogadregnar, t.d
eru miðstöðvarristarnar (sem blása
m.a. lofti á hliðarrúðurnar) hringlaga
og kúptar, hólfið í hurðinni er fallega
bogadregið og vel rúmt, rúðurnar eru
einnig skemmtilegar í laginu og stýrið
er svolítið bollulegt. Innréttingarnar
eru töff og má þá sérstaklega nefna
Mælaborðið lítur vel út og er aðgengilegt.
aksturstölvuna, stafræna mælaborð-
ið, sem býður upp á ýmsa möguleika,
og gírstöngina sem er vel löguð og
krómuð. Miðað við smábíl er C3 ríku-
lega búinn hinum ýmsa búnaði og er
með öll smáatriði á hreinu. Auk þess
sem öryggisbúnaður bílsins er góður
en hann er m.a búinn 4 öryggispúð-
um, ABS hemlum og EBA neyðar-
hemlunarbúnaði.
Lítið pláss í aftursæti
Ökumaður situr hátt uppi og gott
útsýni er út um kúpta framrúðuna
sem og aðrar rúður. Stjórntæki eru
öll á góðum stað fyrir ökumann og all-
ir takkar og stangir vel lagaðar. Það
var ekkert í innviðum bílsins sem fór í
taugarnar á ökumanni, góðir speglar
voru í skyggni báðum megin, tónlist
úr græjum hljómaði vel og allt var
Morgunblaðið/Ásdís
Bogadregnar línur einkenna útlit Citroën C3.
Framljósin gefa bílnum sportlegt útlit.
bara eins og best varð á kosið. Helst
mætti þó nefna armpúðana á milli
framsætanna, en eins og gefur að
skilja í svo litlum bíl er plássið á milli
framsætanna ekki mikið og þessir
armpúðar gerðu það enn þá þrengra.
Ökumaður þurfti alltaf að lyfta þeim
upp til að spenna á sig beltið eða til að
setja gosflösku í standinn á milli sæt-
anna en samt, þegar af stað var hald-
ið, var mjög þægilegt að hafa púðana
til að tylla olnboganum á við akstur-
inn.
Ökumannssætið er virkilega þægi-
legt og rúmt, stillingar á því eru góðar
og hægt að færa það nægilega aftur
fyrir langa fætur, einnig fer vel um
farþega í framsæti. En þrátt fyrir það
að vera fimm dyra og með vegleg og
flott aftursæti þá er fótapláss fyrir
aftursætisfarþega mjög lítið þó að
framsætin séu ekki stillt aftarlega.
Ekki var möguleiki fyrir ökumann að
sitja fyrir aftan ökumannssætið eins
og það var stillt fyrir hann sjálfan.
Þetta er kannski ekkert öðruvísi í
Citroën C3 en í mörgum öðrum bílum
í þessum flokki enda oft ekki ætlast til
annars en í aftursætinu sitji börn og
það er gott pláss fyrir allar mann-
eskju í lægri kantinum auk barnabíl-
stóls í aftursætinu.
Skottið er ágætlega rúmt eða 282
lítra. Kanturinn niður í það er nokkuð
hár svo það hentar ekki vel til stór-
flutninga en þeim mun betur til inn-
kaupaferða. Aftursætisbekkurinn er
tvískiptur og hægt að fella hann niður
til að auka farangursrýmið.
Citroën C3 er tilvalinn sem annar
bíll á heimili, í snattið og innanbæj-
araksturinn. Hann hentar sérstak-
lega vel fyrir pör sem eru að eignast
sitt fyrsta barn eða eldra fólk sem er
ekki oft með farþega en vill eiga þægi-
legan og sparneytinn bíl sem hentar
vel í helgarrúntinn út úr bænum.
ingveldur@mbl.is
6 B FÖSTUDAGUR 28. APRÍL 2006 MORGUNBLAÐIÐ
bílar
! " #
! $
% & $
' ( )* +
!
"
#$% %
&
$
'
( ) &
*+, *+ +
!"
#! #$ %&' ' (("
&#
$!)#
Vél: Fjórir stokkar, 1.600
rúmsentimetrar
Afl: 110 hestöfl við
5.800 snúninga
Tog: 147 Nm við 4.000
snúninga á mínútu
Gírskipting: Sjálfskiptur
Hröðun: 11,5 sekúndur úr
kyrrstöðu í 100 km/klst.
Hámarkshraði:
190 km/klst.
Eigin þyngd: 1132 kg
Lengd: 3.850 mm
Breidd: 1.667 mm
Hæð: 1.519 mm
Verð: 1.789.000 kr.
Umboð: Brimborg
Citroën C3
Tilvalinn fyrir unga
sem aldna