Morgunblaðið - 07.03.2007, Blaðsíða 24

heilsa
24 MIÐVIKUDAGUR 7. MARS 2007 MORGUNBLAÐIÐ
Góð hreyfing veitir vellíðanog eru læknisfræðilegarstaðfestingar á því löngukunngerðar. Það þarf þær
þó ekki til þegar Óskar Margeirsson,
Haraldur Viggó Ólafsson, Kristrún
Guðmundsdóttir og Sigrún Jóns-
dóttir eru annars vegar, einlægur
svipurinn nægir alveg. Þau eru ný-
komin úr æfingasal ásamt verkefn-
isstjóranum Guðrúnu Eyjólfsdóttur
og hafa tyllt sér niður í kaffiteríunni.
Reykvíkingarnir Óskar, Kristrún
og Sigrún vinna á Ási – vinnustofu
en Haraldur hjá Olís í Mjóddinni.
Þau fá nú öll veikindaleyfi frá vinnu
fram á vor til að sinna verkefninu.
Hópurinn hittist fjórum sinnum í
viku í World Class í Laugardal og
æfir ýmist inni í sal eða fer út að
ganga en þau koma svo saman í
fundarsal Styrktarfélags vangefinna
þar sem fræðsla fer fram. Fjöl-
breytnin er í fyrirrúmi.
„Við byrjuðum fyrir viku,“ segir
Sigrún en hún vill í fyrstu taka það
fram að hún sé foringinn sem hver
hópur þurfi að hafa sem eins konar
talsmann hans, og er greinilega vel
að því komin. Þeim líst afar vel á
þetta nýtilkomna verkefni. „Þetta er
mjög gaman,“ segja Sigrún og Krist-
rún í kór. „Við löbbum,“ segir sú
fyrrnefnda, „og hjólum, svo fengum
við að fara í tækin,“ upplýsir Krist-
rún. „Það fer bara eftir ýmsu hvað
við gerum hvern dag,“ segir Sigrún.
Hvert þeirra finni sinn takt í rækt-
inni.
„Við setjum upp prógramm með
nokkrum æfingum en fyrst er upp-
hitun,“ útskýrir Guðrún, en hún tek-
ur líka þátt í æfingunum. „Ég fylgi
þeim alveg eftir en við erum í hóp-
einkaþjálfun.“
Ekki út fyrir mörkin
En það er ekki bara regluleg
hreyfing sem hópurinn þarf að til-
einka sér. „Við lærum hvernig á að
koma fram við fólk, að vera kurteis
og segja ekki ljót orð. Að passa okk-
ur á að fara ekki út fyrir mörkin,“
segir Sigrún. „Við lærum að grípa
ekki fram í fyrir fólki,“ botnar Krist-
rún og Guðrún tekur þetta saman:
„Að koma fram við fólk eins og við
viljum að sé komið fram við okkur.“
Þessi æfingaáætlun er í gildi fram
til vors en þá verður fylgst með
hvernig þeim gengur að viðhalda
lífsstílnum með heimsóknum til
þeirra.
„Þau fá stuðning heima og hjálp
við að kaupa í matinn og elda, svo er
vigtun hér einu sinni í viku,“ segir
Guðrún. Spurð um markmið þeirra
með verkefninu, t.d. varðandi vigt-
ina, eru þau afskaplega samstiga –
enda mjög samstilltur hópur sem
þekktist líka vel áður. „Já, já, ég
ætla að léttast um 20 kíló,“ segir
Óskar, handviss um að það náist:
„Jú, með henni Guðrúnu, hún er allt-
af tuðandi,“ segir hann sposkur á
svip. Innilegur hlátur fylgir í kjölfar-
ið. „Við verðum að gegna henni al-
veg,“ segir Kristrún.
Haraldur er spurður hvort hann
þurfi að léttast: „Jú, ég er að gæla
við ýmsar tölur, ég er að hugsa um
að nefna töluna tuttugu.“ Haraldur
var byrjaður í átaki fyrir verkefnið
og hefur þegar lést. Hann segist
stefna enn hærra eftir að markmið-
inu er náð, honum finnst líka allt
annað að þjálfa með hópnum.
Kristrún stefnir einnig að því að
missa 20 kílóin, „ef ég get það,“ segir
hún. Guðrún sannfærir hana um að
hún geti alveg náð því sem hún ætli
sér.
Sigrún segist á hinn bóginn ekki
eiga sér sérstakt markmið í þessu
sambandi: „Ég er nú að spá í að
missa einhver kíló.“ Varla eru kílóin
heldur aðalatriðið? „Nei, aðalatriðið
er að vera með og hafa gaman af.
Gera eins og maður getur og vera já-
kvæður. Markmiðið er að vera ég
sjálf,“ segir Sigrún. Þau eru líka öll á
því að þau séu nú miklu léttari í anda
og skapið betra.
Ekki bara hamborgarar
Líkamlegt ástand er athugað
reglulega og var einmitt tekin blóð-
prufa hjá Sigrúnu og Kristrúnu um
morguninn. „Það þarf að athuga
hvernig þetta er allt saman inni í
okkur,“ lýsir Sigrún. Í hádeginu er
svo eldað heima hjá þátttakendum
til skiptis. „Ég og viðkomandi hús-
ráðandi förum saman í hverfis-
verslun hans, þannig aðstoða ég þau
við að læra að kaupa í matinn, hollt
og gott. Svo förum við heim og eld-
um saman á meðan hin þrjú leggja
t.d. á borð,“ segir Guðrún. Einu sinni
í viku fara þau svo út að borða.
„Markmiðið er að fara á alls konar
veitingastaði, líka skyndibitastaði,
en þeir selja líka hollustufæði, ég
mæli náttúrlega með því. Við lærum
að við getum pantað eitthvað annað
en hamborgara og það sé líka gott,“
segir Guðrún. Sigrún tekur þó fram
að þau megi alveg fá sér „óhollustu-
mat“ einstöku sinnum. „Þannig er
auðvitað lífið en þetta er alltaf
spurning um hóf; að fá sér einu sinni
á diskinn en ekki tvisvar,“ útskýrir
Guðrún. Nú skellihlær Óskar af hug-
mynd sem kviknaði: „Maður gæti
fengið sér einu sinni á tvo diska.“
„Sumir eru útsjónarsamari en aðr-
ir,“ segir Guðrún, „en markmið okk-
ar er, allavega þegar við komum
saman, að borða sem hollastan mat.“
Hún vill taka það fram hve þakklát
hún sé móttökunum hjá World
Class. „Það er alveg til fyrirmyndar
að það sé tekið á móti öllum hér,
sama hvernig við lítum út og hver við
erum.“
Lífsstílsverkefnið býður upp á
fjölbreytt námskeið eins og um hollt
mataræði, gildi hreyfingar, sjálfs-
styrkingu og einnig upp á fræðslu
um útlit og fataval. Ýmsir góðir fyr-
irlesarar eru fengnir til þessa, t.d.
mun Heiðar Jónsson snyrtir hitta
hópinn og það ríkir greinilega mikil
eftirvænting að hlusta á hvað hann
hefur fram að færa. Tveir þroska-
þjálfanemar sjá svo um sjálfsstyrk-
ingarnámskeið tvisvar í viku, þar
sem góð framkoma er námsefnið.
thuridur@mbl.is
Samvinna Sigrún (fremst), Kristrún og Haraldur leggja á borð. Eitt markmiða námskeiðsins er
að verða færari í að kaupa hollan mat í hverfisversluninni og velja hollari rétti á veitingastöðum.
Matartími Þátttakendur á námskeiðinu skiptast á að elda heima fyrir hópinn. Hér eru þau
stödd heima hjá Óskari sem með aðstoð Guðrúnar finnur matinn til og ber sig fagmannlega að.
Morgunblaðið/Ásdís
Vinátta F.v. Guðrún Eyjólfsdóttir verkefnisstjóri, Sigrún Jónsdóttir, Haraldur Viggó Ólafsson og Kristrún Guð-
mundsdóttir í Laugum en þar er ætlunin að láta kílóin fjúka!
Með tuttugu kíló að markmiði
 Breyttur lífsstíll – tækifæri fyrir alla er þróunarverkefni Styrktarfélags
vangefinna. Í verkefnislýsingu segir að einstaklingar með þroskahöml-
un glími við ofþyngd eins og aðrir en það sem skilji þá frá öðrum sé hve
aðgengi þeirra að fræðslu um hreyfingu og hollt mataræði sé takmark-
að. Félagið vill stuðla að hugarfarsbreytingu á þessum vettvangi með
velferð fatlaðra að markmiði.
 Námskeiðið er ætlað þeim sem eru komnir með alvarlega fylgikvilla of-
þyngdar en geta ekki nýtt sér hefðbundin megrunartilboð eins og t.a.m.
þau sem Reykjalundur býður upp á. Yfirmarkmiðið er að þróa líkan að
námsbraut eða námskeiði sem framhaldsskólar, fullorðinsfræðsla, lík-
amsræktarstöðvar og heilbrigðisstofnanir geti nýtt sér og sett í fram-
kvæmd til að mæta þörfum fólks með þroskahömlun, svo það fái aðgengi
að fræðslu og sambærilegri þjónustu líkt og aðrir þegnar samfélagsins
njóta. Verkefnið hefur að auki forvarnargildi.
 Verkefnið er tvískipt, fram til 1. júní verður það í námskeiðsformi kl. 9–
15 fimm daga vikunnar en 1. júní til 1. febrúar 2008 verða vikulegir
fundir, með vigtun o.fl.
Með hugarfarsbreytingu að markmiði
Tilraunaverkefni Styrkt-
arfélags vangefinna um
breyttan lífsstíl hjá ein-
staklingum með þroska-
hömlun tekur á einu
helsta heilsufarsvanda-
máli í Evrópu, offitu.
Þuríður Magnúsína
Björnsdóttir hitti hresst
fólk í heilsuátaki
í Laugum.
Þessi æfingaáætlun er í
gildi fram til vors en þá
verður fylgst með hvernig
þeim gengur að viðhalda
lífsstílnum