Morgunblaðið - 11.10.2007, Blaðsíða 4

4 FIMMTUDAGUR 11. OKTÓBER 2007 MORGUNBLAÐIÐ
íþróttir
KRISTJÁN Örn Sigurðsson, Brann, og
Veigar Páll Gunnarsson í Stabæk eru að
mati sparkspekinga hjá norska blaðinu
Adressavisen í hópi bestu útlendinganna í
norsku úrvalsdeildinni. Blaðið stillir upp 11
manna liði sem í eru bestu útlendu leik-
mennirnir í deildinni og eru þeir Kristján
og Veigar báðir í því.
Í umsögn blaðsins um Kristján Örn segir
meðal annars: ,,Hann er búinn að vera
kóngurinn í liði Brann sem er að verða
meistari. Hann er klárlega besti miðvörð-
urinn í deildinni.“
Um Veigar er sagt: „12 mörk og 14 stoðsendingar segja
allt. Enginn leikmaður í deildinni er mikilvægari fyrir lið sitt
en Íslendingurinn.“ Þá stillir Adressavisen upp 11 manna liði
sem í eru verstu útlendingarnir í deildinni að mati blaðsins.
Markvörður í því liði er landsliðsmarkvörðurinn Árni Gautur
Arason, Vålerenga.
Kristján og Veigar
meðal þeirra bestu
Kristján Örn
Sigurðsson.
ÍTALIR, Englendingar og Frakkar eiga flesta leikmenn á 30
manna lista sem FIFA, Alþjóðaknattspyrnusambandið, gaf út í
gær vegna kjörs á knattspyrnumanni ársins. Fimm Ítalir, fjórir
Englendingar og fjórir Frakkar eru á listanum en niðurstaða
kjörsins verður upplýst 17. desember. Þjálfarar og fyrirliðar
allra landsliða heims greiða atkvæði í kjörinu. Þessir eru á list-
anum: Gianluigi Buffon (Ítalíu), Fabio Cannavaro (Ítalíu), Petr
Cech (Tékklandi), Ronaldo (Portúgal), Deco (Portúgal), Didier
Drogba (Fílabeinsströndinni), Michael Essien (Gana), Samuel
Eto’o (Kamerún), Gennaro Gattuso (Ítalíu), Steven Gerrard
(Englandi), Thierry Henry (Frakklandi), Juninho (Brasilíu),
Kaka (Brasilíu), Miroslav Klose (Þýskalandi), Philipp Lahm
(Þýskalandi), Frank Lampard (Englandi), Rafael Marquez
(Mexíkó), Lionel Messi (Argentínu), Alessandro Nesta (Ítalíu),
Andrea Pirlo (Ítalíu), Franck Ribery (Frakklandi), Juan Rom-
an Riquelme (Argentínu), Ronaldinho (Brasilíu), Wayne Roo-
ney (Englandi), John Terry (Englandi), Carlos Tévez (Argent-
ínu), Lilian Thuram (Frakklandi), Fernando Torres (Spáni),
Ruud van Nistelrooy (Hollandi) og Patrick Vieira (Frakklandi).
Þrjátíu koma til greina
í kjöri FIFA
GRÉTAR Sigfinnur Sigurðarson, varnar-
maður í liði Víkings, er samkvæmt heim-
ildum Morgunblaðsins á leið til KR-inga.
Grétar hefur átt í samningaviðræðum við
vesturbæjarliðið síðustu dagana og er
reiknað með því að gengið verði frá samn-
ingi við hann í þessari viku en Íslandsmeist-
arar Vals hafa sýnt áhuga á að fá hann til
liðs við sig.
Grétar, sem er 25 ára gamall og er uppal-
inn KR-ingur, gekk til liðs við Víking frá
KR árið 2003 og lék með því í tvö ár.
Árið 2005 var hann lánaður til Vals og lék með Hlíðar-
endaliðinu í eitt ár en fyrir tímabilið í fyrra skipti hann aftur
yfir til Víkings.
Grétar lék alla 18 leiki Víkinga í Landsbankadeildinni í
sumar en Víkingar höfnuðu í neðsta sæti og féllu úr deildinni.
Hann hefur samtals leikið 72 leiki í efstu deild og hefur í þeim
skorað 9 mörk.
Grétar Sigfinnur er
á leið til KR-inga
Grétar Sigfinnur
Sigurðarson
Wes Brown,varnar-
maður frá Man-
chester United,
verður ekki með
enska landsliðinu
þegar það mætir
Eistlandi og
Rússlandi á laug-
ardag og mið-
vikudag í undankeppni EM í knatt-
spyrnu. Brown er meiddur á hné og
hefur yfirgefið landsliðshópinn og
haldið til Manchester á nýjan leik.
  
Roque Santa Cruz, sóknarmaðurenska úrvalsdeildarliðsins
Blackburn, verður væntanlega frá
keppni næstu vikurnar. Hann þurfti
að draga sig út úr landsliðshópi
Paragvæ sem leikur tvo leiki í und-
ankeppni HM á næstu dögum.
„Þetta er komið á það stig að ef ég
tek mér ekki hvíld núna á ég á
hættu að vera frá keppni í tvo til
þrjá mánuði,“ sagði Santa Cruz sem
kom til Blackburn frá Bayern Münc-
hen í sumar.
  
MichaelOwen,
sóknarmaður
Newcastle, til-
kynnti í gær að
hann væri tilbú-
inn í slaginn með
enska landsliðinu
í knattspyrnu á
laugardaginn
þegar það mætir Eistlandi í undan-
keppni EM í knattspyrnu. Hann var
skorinn upp vegna meiðsla í kvið-
vöðva í byrjun síðustu viku.
  
Nicklas Bendtner, hinn 19 áradanski landsliðsmaður í knatt-
spyrnu, segist bíða eftir sínu tæki-
færi hjá Arsenal. „Að sjálfsögðu
vilja allir spila. Ég er ungur og
þolinmóður – mun bíða eftir mínu
tækifæri. Ég er ekki á förum frá
Arsenal þó að ég hafi ekki fengið að
leika mikið enn sem komið er,“ sagði
Bendtner.
  
Norður-írski landsliðsmaðurinnKeith Gillespie er í landsliðs-
hópi Norður-Írlands sem mætir Sví-
um í undankeppni Evrópumótsins á
miðvikudaginn kemur. Hann lenti í
handalögmálum við George
McCartney er þeir voru á leið í flug
frá Íslandi á dögunum. Sá atburður
er nú úr sögunni hjá forsvars-
mönnum Norður-Íra sem og
Gillespie sem leikur með Sheffield
United.
  
Hollenski þjálfarinn Guus Hidd-ink, sem hefur verið orðaður
við Chelsea, hefur ákveðið að skrifa
undir nýjan samning við Rússa að
hann stjórni rússneska landsliðinu
fram yfir heimsmeistaramótið sem
haldið verður árið 2010.
Fólk sport@mbl.is
Eftir Sigurð Elvar Þórólfsson
seth@mbl.is
Mótherjar Vals eru Wezemaal frá
Belgíu, Frankfurt frá Þýskalandi og
enska liðið Everton. Tvö lið úr riðl-
inum komast áfram í 8-liða úrslit
sem fara fram 14.-22. nóvember.
Íslandsmeistararnir léku 1. um-
ferð í riðlakeppni sem fram fór í
Færeyjum. Þar sigraði Valur
finnska liðið FC Honka Espoo, 2:1.
Hlíðarendaliðið átti ekki í vandræð-
um með KÍ frá Færeyjum og Den
Haag frá Belgíu. „Við höfum í raun
ekki hugsað um neitt annað en fyrsta
leikinn gegn Frankfurt á undanförn-
um vikum. Það er fyrsta verkefnið í
riðlinum en ég hef ekki miklar upp-
lýsingar um lið Belga og Breta. Við
fáum tækifæri til þess að skoða þessi
lið þegar við komum út til Belgíu.
Það sem skiptir mestu máli í okkar
undirbúningi er að við hugsum fyrst
og fremst um okkar leik og leikað-
ferðir. Við gerðum það áður en riðla-
keppnin hófst í Færeyjum og það
gafst ágætlega í þeirri keppni.“
Valur hefur undirbúið sig fyrir
riðlakeppnina með því að æfa vel hér
heima en Elísabet segir að líkamlegt
ástand leikmanna liðsins sé eins og
best verður á kosið.
Smávægileg meiðsli
„Leikæfingin er kannski ekki mik-
il á þessum árstíma en stelpurnar
eru í góðu ástandi. Það er eitthvað
um smávægileg meiðsli í hópnum en
ég vonast til þess að það verði ekki
mikið um að leikmenn detti alveg út í
riðlakeppninni vegna meiðsla. Hóp-
urinn er ekki það stór að við þolum
mörg áföll.“
Valur leikur þrjá leiki á einni viku
og segir þjálfarinn að það sé mikið
lagt á leikmenn allra liða. „Þetta
verður strembin vika. Við erum
komnar í 16-liða úrslit í Evrópu-
keppni og það er leyst með því að
leika þrjá leiki á einni viku. Að mínu
mati er það álagið sem við óttumst
mest fyrir leikmannahópinn. Nokkr-
ir leikmenn eru að glíma við smá-
vægileg meiðsli og svona álag getur
orðið til þess að meiðsli leikmanna
taka sig upp.“
Elísabet á von á því að leikurinn
gegn Frankfurt verði gríðarlega erf-
iður en í því liði eru 8 leikmenn úr
heimsmeistaraliði Þjóðverja – auk
markvarðarins Silke Rottenberg
sem lék ekki á HM vegna meiðsla.
„Rottenberg er drottningin í mark-
inu og hún er mikið betri en Nadine
Angerer sem var í marki Þjóðverja á
HM og afrekaði að fá ekki á sig mark
í keppninni. Rottenberg er sú besta í
þessum bransa. Það er því ljóst að
við þurfum að eiga góð skot að marki
til þess að koma boltanum framhjá
henni,“ sagði Elísabet og það er
greinilegt að hún veit mikið um
þýska liðið sem er á meðal bestu liða
Evrópu. Markvörðurinn sterki sleit
krossband í hné í janúar á þessu ári,
en hún er 35 ára. Framherjinn Birgit
Prinz er einnig í þessu liði, en hún
hefur þrívegis verið valin besti leik-
maður heims af FIFA, 2003, 2004 og
2005. Frá árinu 2001 hefur hún verið
kjörin leikmaður ársins í þýsku
deildinni. Prinz hefur leikið 161
landsleik en framherjinn Sandra
Smisek hefur leikið 115 landsleiki.
Miðjumaðurinn Renate Lingor er
með 126 landsleiki og Pia Wunder-
lich er með 102 landsleiki. Í vörninni
er Steffi Jones með 111 landsleiki.
Leikur Vals og Frankfurt hefst kl.
15:30 að íslenskum tíma.
Morgunblaðið/ÞÖK
Áfram Elísabet Gunnarsdóttir, þjálfari Íslandsmeistaraliðs Vals, segir að liðið sé vel undirbúið fyrir 16-liða úrslitin í Evrópukeppninni.
„Hugsum fyrst og fremst
um okkar leikaðferð“
„ÞAÐ eru átta leikmenn úr heims-
meistaraliði Þýskalands sem við
mætum í dag í leiknum gegn Evr-
ópumeistaraliði Frankfurt. Við ger-
um okkur alveg grein fyrir því að
það verður erfiður leikur en ég veit
minna um lið Belga og Breta sem
eru með okkur í riðli,“ sagði Elísa-
bet Gunnarsdóttir þjálfari Íslands-
meistaraliðs Vals sem leikur í 16-
liða úrslitum Evrópukeppninnar í
Belgíu.
 Valur hefur keppni í dag í 16-liða úrslitum Evrópukeppninnar í Belgíu  Átta
leikmenn úr heimsmeistaraliði Þjóðverja eru í Evrópumeistaraliði Frankfurt
Í HNOTSKURN
»Valur leikur í 16-liða úr-slitum Evrópukeppninnar
í knattspyrnu og er leikið í
riðlakeppni í Belgíu.
»Tvö efstu liðin úr riðlinumkomast áfram í 8-liða úr-
slit keppninnar.
» Í EvrópumeistaraliðiFrankfurt eru átta leik-
menn úr heimsmeistaraliði
Þjóðverja.
»Elísabet Gunnarsdóttirþjálfari Vals hefur litlar
upplýsingar um Wezemaal frá
Belgíu og enska liðið Everton.