Fréttablaðið - 09.06.2009, Page 8
8 9. júní 2009 ÞRIÐJUDAGUR
4
10
4
0
0
0
|
l
an
d
sb
an
ki
n
n
.is
L AU S N I R F Y R I R H E I M I L I Ð
Er greiðslubyrðin
að þyngjast?
Pantaðu ráðgjöf á landsbankinn.is,
í útibúinu þínu eða í síma 410 4000
Landsbankinn býður upp á mörg úrræði fyrir heimili sem eiga við greiðsluerfiðleika
að etja. Við aðstoðum þig við að velja lausn sem kemur til móts við þínar þarfir.
Samningurinn um skuldbindingar vegna Iceasave
„Ég er ósáttur
við Icesave-
samningana og
reyndar margt
annað. Það er
meiri óánægja
með samning-
inn en margir
gera sér grein
fyrir.“
„Ég kom
hingað til að
mótmæla
þessu rugli.
Ég er mjög
óánægður og
treysti því að
mótmælin beri árangur. Þetta er
bara byrjunin.“
„Ég er hér til að
sýna stuðning.
Ég sé enga
ástæðu til að
þjóðin eigi
að borga fyrir
eitthvað sem
nokkrir ein-
staklingar gera.“
„Ég er mjög
ósátt við að
þurfa að borga
skuldir fyrir
aðra, því ég
borga mínar
skuldir sjálf.
Þess vegna
ákvað ég að
hjóla hingað niður eftir úr Kópa-
vogi. Fólk er reiðara núna en það
var í haust.“
„Ég átti leið
hjá en vissi
ekki af þessum
mótmælum
fyrir fram. En
þetta er ágætt,
það er gott að
einhver segir
eitthvað.“
„Ég er reið.
Ég er ekki
alþingismað-
ur og það er
ekki mitt að
finna lausnina
á þessum
málum, en
þetta sam-
komulag er ekki rétta lausnin. Ég
vona að mótmælin skili árangri,
þess vegna er ég hér.“
Rætt við
mótmælendur á
Austurvelli í gær
HJÖRLEIFUR HJÖRLEIFSSON, RAFVIRKI
SÆMUNDUR GÍSLASON,
HÚSGAGNASALI
ARNÓR INGVARSSON, NEMI
ÁGÚSTA KARLSDÓTTIR, ATVINNULAUS
TRISTAN DEPENNE, LEIÐSÖGUMAÐUR
ARNDÍS EINARSDÓTTIR, NEMI
Hátt í þúsund manns söfnuðust
saman fyrir framan Alþing-
ishúsið í gær til að mótmæla
Icesave-samkomulaginu sem
kynnt var á Alþingi í gær. Nokk-
uð var um að viðstaddir berðu á
búsáhöld eins og í mót mælunum
í byrjun árs. Fimm voru hand-
teknir fyrir að óhlýðnast lög-
reglu, að sögn Egils Bjarnason-
ar yfirlögregluþjóns.
Margir báru skilti með áletr-
unum sem vísuðu til mikillar
óánægju með samkomulagið,
eins og „Hvers vegna ætti ég
að borga?“ Barið var á glugga í
þinghúsinu og nokkrir létu smá-
peningum rigna yfir húsið. Þá
var kveikt í stórum kyndli, sem
lögregla slökkti í með slökkvi-
tæki, og björgunarbát sem á stóð
„IceSlave“ komið fyrir framan
dyr þinghússins.
Gert er ráð fyrir að um dag-
legan viðburð verði að ræða þar
til komið verður í veg fyrir að
Icesave-samningurinn verði að
veruleika. - kg
Fimm voru handteknir:
Hátt í þúsund
mótmæltu
MÓTMÆLI Icesave-samkomulagið var rætt á Alþingi í gær. Hátt í þúsund manns mótmæltu fyrir utan. FRÉTTABLAÐIÐ/VILHELM
Skriflegt samkomulag um upp-
gjör Icesave-reikninga í Hollandi
lá fyrir milli íslenskra og hol-
lenskra yfirvalda örfáum dögum
eftir bankahrunið í haust, hinn 11.
október. Það samkomulag var mun
óhagstæðara fyrir Íslendinga en
það sem nú hefur verið undirritað.
Þetta fullyrti Steingrímur J. Sig-
fússon fjármálaráðherra á Alþingi
í gær, þegar hann flutti þinginu
skýrslu um málið.
Þá sagðist Össur Skarphéðinsson
utanríkisráðherra hafa komið í veg
fyrir að sams konar samkomulag
yrði gert við Breta.
Samkomulagið sem gert var við
Hollendinga var afrakstur við-
ræðna Árna Mathiesen, þáverandi
fjármálaráðherra, við starfsbróður
sinn í Hollandi. Samkvæmt Stein-
grími fól það í sér að íslenska ríkið
tæki lán til tíu ára, afborgunarlaust
en með fullum vöxtum í þrjú ár, á
6,7 prósenta vöxtum.
Steingrímur segir það hafa verið
verkefni nýrrar samninganefndar,
undir forystu Svavars Gestsson-
ar, að vinda ofan af því samkomu-
lagi. Samninganefndir Hollend-
inga og Breta hafi linnulítið vitnað
til minnis blaðsins frá því í október
í viðræðunum, síðast á fimmtudag,
og í ljósi þess hversu minnisblaðið
var íslensku nefndinni mikill fjötur
um fót sé niðurstaðan sem kynnt
var á laugardag glæsileg og sú
besta sem unnt var að nú úr þessu.
Bjarni Benediktsson, formaður
Sjálfstæðisflokksins, gagnrýndi
samningana sem náðst hefðu og
að óvissan um heimtir af eignum
Landsbankans væri öll á reikn-
ing Íslendinga. Þá skyldu íslensk
stjórnvöld ekki skýla sér á bak við
það að „fyrri stjórnvöld hafi verið á
leiðinni að gera einhverja samninga
sem aldrei stóð til að gera“.
Þorgerður Katrín Gunnarsdóttir,
varaformaður Sjálfstæðisflokks-
ins, sagði að hafa þyrfti í huga að á
þeim tíma sem samkomulagið við
Hollendinga hefði verið undirritað
hefðu allt að því legið fyrir hótanir
um að lokað yrði fyrir olíu- og mat-
vælaflutninga til landsins.
Sigmundur Davíð Gunnlaugs-
son, formaður Framsóknarflokks-
ins, kallaði það forkastanlegan
aumingjaskap af stjórnvöldum að
ætla ekki að fara með málið fyrir
dómstóla. „Þetta er versti samn-
ingur sem íslensk ríkisstjórn hefur
nokkurn tímann hugleitt að skrifa
undir. Þennan samning má ekki
staðfesta,“ sagði hann.
Árni Páll Árnason félagsmálaráð-
herra sagði dómstólaleið ekki koma
til greina. Þá fengju Íslendingar
ekki nauðsynleg lán frá Alþjóða-
gjaldeyrissjóðnum og Norðurlönd-
um, auk þess sem borin von væri
að stýrivextir lækkuðu og við bryt-
um samninginn um Evrópska efna-
hagssvæðið. Þar að auki hefðu ríki
lagalegan rétt til að neita að fara
með mál fyrir dómstóla og við það
væri að etja í þessu tilviki.
stigur@frettabladid.is
Verra samkomulag í haust
Fjármálaráðherra segir forvera sinn hafa gert skriflegt samkomulag um lyktir Icesave-málsins við Hollend-
inga í október. Það hafi verið mun verra en nýi samningurinn og bundið hendur samninganefndarinnar.
RISASTÓRT VANDAMÁL „Þetta er
nöturlegt mál,“ sagði fjármálaráðherra
á Alþingi um Icesave-málið. Hans hlut-
skipti hefði orðið að greiða úr því eins
og hægt hefði verið. FRÉTTABLAÐIÐ/VALLI
ÓLÍKAR NIÐURSTÖÐUR VIÐRÆÐNANNA
Samkomulagið við Hollendinga í október Nýja samkomulagið
■ Lán til tíu ára ■ Lán til fimmtán ára
■ Afborganalaust í þrjú ár ■ Afborganalaust í sjö ár
■ 6,7 prósenta vextir ■ 5,55 prósenta vextir
Steingrímur J. Sigfússon fjármálaráðherra greindi frá því á Alþingi í gær að ef
greiðslugeta íslenska þjóðarbúsins breyttist frá því sem Alþjóðagjaldeyrissjóðurinn
gerði ráð fyrir í nóvember síðastliðnum gætu íslensk stjórnvöld óskað eftir því að
samningurinn um Icesave-lánið yrði tekinn upp.
Höskuldur Þór Þórhallsson, þingmaður Framsóknarflokksins, fór fram á
það á Alþingi í gær að þjóðin fengi að greiða atkvæði um samninginn um
Icesave-lánið. Þingmenn Borgarahreyfingar hafa áður lýst sömu skoðun.
Þingmenn Borgarahreyfingarinnar biðluðu í gær til þingmanna stjórnar-
flokkanna að láta stjórnast af sannfæringu sinni þegar kæmi að því að
Alþingi greiddi atkvæði um ríkisábyrgð á láninu, sem er á bilinu 640 til 660
milljarðar króna.
VILJA ÞJÓÐARATKVÆÐAGREIÐSLU