Nýtt kirkjublað - 01.08.1916, Page 15

NÝTT KIRKJUBLAÍ)
18
ar kaflinn heitir sóttkveikja og smitun. Lriðji kafiiun varúð og
sóttvörn. Rjórði og síðasti kaflinn tekur yfir kelming bókarinnar
og heitir lœkning og meðferð örjóstveikinnar. Seinustu málsgreinar
þess kafla eru um nauðsyn heilsuhælisvistar iyrir berklaveika, og
hvernig beri að haga sór, þegar heim er komið frá hælinu.
Niðurlagsorð bókarinnar eru þessi:
„Það mun óhætt að segja, að Heilsuhælis-lækningin, eins og
henni hefir verið lýst hér að framan, er og verður undirstöðuat-
riðið í lækningu brjóstveikra manna. Og þó að síðar komi
fram ný lyf og nýjar aðferðir, þá verður heilsuhælis-meðferðin,
eða meðferð bygð á sama grundvelli, ætíð í gildi“.
Greinagóð bók og þörf.
Kirknasameiningar i Kanada.
Ritað er frá Winnipeg í f. m.:
Stórt og mikið framfaraspor var stigið hér í bænum fyrir
skemstu, þegar afgert var um sameining kirknanna — eða deild-
anna — þriggja tér í Kanada. Vonandi koma Baptistar og
Euska kirkjan á eftir. Hreyfing i þá átt er víst í aðsigi. En
Presbýterar, Metóðistar og Kongregatiónalistar eru alt svo vold-
ugar deildir og hafa alla leið fram að síðustu aldamótum verið
hver annari svo ólikar, að stórmerkilegt má heita, að nú skuli
þær saman renna í eitt. Vitaskuld verður sameiningin ekki fram-
kvæmd verklega fyrr en styrjöldin er um garð gengin.
Hver veit nema eitthvað af þeim sameiningarhug renui inn
til okkar Vestur-íslendinga. Ekki veitti af!
Ofnarnir frá Laugarnesi
sem auglýstir voru í 8. tbl. þ. á. fást ekki í sumar. Veldur því
styrjöldin. Hefir eigi enn fengist flutningur á miðhitunarvélinni.
Því treyst, að lausir verði ofnarnir fyrir næsta vor og geti orðið
sendir með aprílskipum kring um land næsta ár.
Vísast til auglýsingarinnar í 8. tölubl. Er alt óbreytt með
sendingu og afgreiðslu ofnanna, og það undirstrikast, sem þar
var tekið fram, að fjárhaldsmenn kirkna snúi sér beint til spítala-
ráðsmanns Einars Markússonar í Laugarnesi með pantanir sínar;
og alveg eins þeir sem ritað hafa biskupi um þau kaup.
Bezt að vera sem fyrst á ferðinni, þvf að fleiri munu um
boðið en kirkjurnar, og allar pantanir sóu komnar fyrir janúar-
lok næsta ár.
Skýrt só tekið fram í pöntuninni til Einars ráðsmanns Mark-
ússonar, á hvaða viðkomustað skipanua skuli senda ofninn.