Mánaðarblað K.F.U.M. í Reykjavík - 01.04.1929, Blaðsíða 10

8
MÁNAÐARBLAÐ K. F. U. M.
sínu með brosið skínandi út úr sínum bláu,
sorgblíðu augum.
Þessi heimsókn var mjer til mikillar
skemmtunar; hún skildi eptir eitthvað iík-
ast geisla í minni mjer og hj arta. Mjer þótti
líka vænt um að sjá, þegar þeir fóru af stað.
að þeir höfðu Nelli litla milli sín, þessir
stóru, stæltu drengir og báru hann á „gull-
stól“ heim til hans, og komu honum til að
hlæja, svo að jeg hef aldrei sjeð hann hlæja
eins hjartanlega áður. Þegar jeg kom aptur
inn í borðstofuna, tók jeg þá fyrst eptir því,
að málverkið af Rigoletto ki*oppinbak var
horfið. Faðir minn hafði tekið það burtu, til
þess að Nelli skyldi ekki sjá það.
Jarðarför Viktors Emanuels. þriðjud. 17.
1 dag kl. 2, undireins og vjer vorum komn-
ir inn í skólastofuna, kallaði kennarinn á
Derossí. Hann stóð upp og gekk að litla borð-
inu og sneri sjer að oss öllum, og byrjaði að
lesa upp, fyrst ofur lítið skjálfraddaður, en
smátt og smátt hækkandi hljómskæru rödd-
ina sína, og varð kafrjóður í framan:
„Fyrir fjórum árum síðan, á þessum degi,
og á þessari klukkustund, nam staðar fyrir
framan Panþeón í Róm, líkvagninn, sem bar
líkama Viktors Emanuels, fyrsta konungs
allrar ftalíu, dáinn eptir 29 ára ríkisstjórn.
Á þeim tíma hafði hið mikla ítalska föður-
land, sem áður var niðurbútað í 7 ríki, und-
irokað af útlendingum og harðstjórum, verið
endurreist og endurlífguð og gjörð að einu
ríki, frjálsu og óháðu. Þessu var lokið eptir
29 ára ríkisstjórn, sem hann hafði gjört
nafnfræga og farsæla með karlmensku og
löghlýðni, með áræði í hættum, með vísdómi í
sigurvinningum, með staðfestu í þrenging-
um. Líkvagninn kom umvafinn blómsveig-
um; honum hafði verið ekið eptir götum
Rómaborgar í sífeldu blómregni, meðal ó-
tölulegs mannfjölda, er var hljóður af harmi,
mannfjölda, er saman var kominn hvaðanæfa
úr allri Ítalíu. Á undan vagninum gekk heil
fylking af hershöfðingjum og stórum skara
af ráðherrum og konungbornum mönnum; á
eptir vagninum gekk iheiðursfylking upp-
gjafa hermanna, er særzt höfðu í stríðum
konungs; þar var sem skóg sæi af fánum;
þar gengu sendisveitir frá S00 borgum; þar
var allt samankomið, sem sýna má vald og
tign heillar þjóðar. Líkbörurnar námu stað
ar fyrir framan hið hátignarfulla musteri,
þar sem gröfin beið þeirra.
Á þessu augnabliki hófu 12 brynjuklæddn
riddarar kistuna af vagninum. Á því augna-
bliki færði Italía sína hinztu kveðju sínum
dána konungi, sínum gamla þjóðhöfðingja,
sem hún hafði elskað svo heitt; færði sína
hinztu kveðju frelsishetju sinni, og föðui
sínum; hún kvaddi þar 29 ár, hin hamingju-
sælustu og blessunarríkustu, í sögu sinni.
Það var stórt augnablik og hátíðlegt. Það
titruðu tár í augum, og með titrandi hjarta
horfðu menn á kistuna og hina svartblæj-
uðu fána 80 herdeilda, sem 80 liðsforingjar
hjeldu á, þar sem þeir stóðu í tveim röðum,
báðu megin þar sem kistan var borin, þvi
Italía var þar viðstödd í þessum 80 teiknum,
sem minntu á þúsundir fallinna manna, á
blóðstrauma, á dýrkeyþta sigra, heilagar
fórnir og hjartasorgir.
----o——
Kjörorð.
Kjörorð Y.-D. er: „Hreinn og saklaus“. —
Kjörorð U.-D.: „Áfram, hærra!“ —
Kjörorð Alþjóðasambands Kristilegra fje-
laga ungra manna:
Ut omnes unum sint
(að allir sjeu eitt).
■--^-0—— ' y.‘ .
Mánaðarblað K. F. U. M. kemur út einu sinni í mánuði. Kostar kr. 2,50 árg. Afgr.stofa i húsi K. F. U. M.,
Amtmannsatíg, opin virka daga kl. 5—7. Simi 437. Pósth. 366. Útgefandi: K. F. U. M. — Prentsm. Acta.