Eimreiðin - 01.01.1974, Side 75

EIMREIÐIN
þjóðlegt stolt og jafnvel þjóðarrembing, en kunna sumir hverj-
ir að hafa önnur markmið.
Þrátt fyrir ýmis ný lífsviðhorf, sem mannkynið þarf að temja
sér og draga mun úr sérkennum þjóða, þá má vel halda því
fram, að við í smæð okkar ættum að reyna að halda ýmsum
sérkennum sem mildu kryddi í þjóðarpottinum. Fólki kann að
sýnast sitt hvað um, hvernig Islendingar rækja þjóðernishlut-
verk sitt, en ræktarsemi við fósturjörðina, þrátt fyrir hrjúft
yfirborð hennar og mislyndi við mannanna börn, er þeim flest-
um ríkulega í blóð borin, enda viljum við í rauninni hvergi
annars staðar vera, þótt við séum, livað hreyfanleik snertir,
eitt frjálsasta fólk í heimi. Blæbrigði þjóðernisvitundar eru
litilvæg á móti þessari grundvallarstaðreynd.
75