Ægir - 01.01.1927, Síða 11

Æ G I R
3
sumar, enda var yfirleitt fiskgengd þar
mikil á grunnmiðum, eins og áður er tekið
fram.
Auk þessa voru gerðir út á þessu ári frá
Vesturlandi 4 botnvörpungar.
Norðurland.
Afli byrjaði þar með fyrsta móti, eink-
ími á fiskimiðuniim i kring um Grímsey og
sóttu þangað um tíma margir bátar frá
Eyjafirði og eins frá Ilúsavík. Tilraun þessi
með þorskanet, sem byrjað var þar á árið
áður og. getið er um í ársyfirliti mínu síð-
astliðið ár („Ægi“ 12. tbl. 1925) var hald-
ið áfram á þessu ári, en báru miklu minni
árangur. Annars er þorskveiði Norðlend-
inga frekar í afturför og stóð stutt, því
allur fjöldi báta þar hætti þar snemma, og
byrjuðu í síldveiðum, enda var i sumar
meiri eftirspurn eftir síld en þorski, og síld-
arverðið fór þar stöðugt hækkandi, en
þorskverðið lækkandi. Alls aflaðist í Norð-
lendingafjórðungi á þessu ári 15546 skpd.,
en árið áður 19719 skpd.
Austurland.
Þar byrjar vetrarvertíðin eins og á Suð-
urlandi rétt eftir áramót. Bátar frá hinum
norðlægari Austfjörðum, flytja sig til
Djúpavogs og Hornafjarðar til þess
að geta tekið á móti fiskgöngunni,
þegar hún færist norður með landinu.
í febrúarmánuði byrjaði að fiskast frá
Hornafirði, en aðallega byrjaði ekki aflinn
þar fyr en loðnan kom þangað inn á fjörð-
inn og náðist alment til beitu, um og eftir
7. mars. Fylgdi henni fiskgengd mikil og
Var þar þá mjög mikill afli um tíma, en
fiskurinn gekk fljótt norður með og 24.
niars er fiskur kominn fyrir alla Austfirði,
alla leið norður fyrir Borgarfjörð.
Erá Hornafirði gengu 29 bátar þegar þeir
voru þar flestir og öfluðu þeir alls ca. 4
þús. skpd.
Þegar vertíð lýkur, hætta flestir stærri
mótorbátar á Austurlandi veiðum, þangað
til kemur fram á haust, en að sumrinu eru
veiðar þar aðallega stundaðar af árabátum
og sinærri mótorbátum. Afli á árabáta var
góður um tíma af sumrinu á Norðfirði og
fleiri fjörðum.
Þorskanetaveiði var stunduð af einum
línubát á vertíðinni fyrir Austurlandi og
aflaði hann í marsmánuði ca. 130 skpd. Alls
nam aflinn á Austfjörðum á árinu ca. 32547
skpd., en 29302 árið áður, en af því eru um
6300 skpd. keypt af útlendum skipum, en ca.
2400 árið áður.
Áður fyr veiddist að jafnaði árlega mikið
af síld á Austfjörðum, en nú hefir hún
brugðist þar um mörg ár. Það er fyrst nú
í sumar, að hún loks gerir vart við sig aft-
ur svo nokkru nemur og mun hafa komið
þar talsvert af henni inn á firðina, en stóð
þar tiltölulega stuttan tíma.
Síldin gekk þar inn á firðina seinni hluta
júlímánaðar og aflaðist töluvert í ágústmán-
uði og fyrri hluta september en þá hvarf
hún aftur. Alls veiddist þar til söltunar,
nærri því eingöngu í kastnætur og dálítið í
lagnet, 10618 tunnur. Sildveiðin í ár hefir
bætt hag margra útgerðarmanna fyrir aust-
an, því mest af þessari síld mun hafa verið
seld allgóðu verði.
Síldveiðin
á árinu var mjög lítil. Það virðist svo sem
fyrsta síldargangan hafi verið gengin fram
hjá Norðurlandi, þegar veiðin almennt byrj-
aði, og fyrstu skipin sem fóru út til veið-
anna fiskuðu allvel i 2—3 daga, en síldin
var mögur og illa hæf til söltunar og því
meir seld síldarbræðslustöðvum, en allan á-
gústmánuð og það sem eftir var sumarsins,
fiskaðist mjög illa í snyrpinót, aftur á móti
fiskuðu reknetaskipin þolanlega. Samtals
var sildveiði íslendinga: