Faxi - 01.10.1948, Qupperneq 6

6
F A X I
Síldveiðarnar.
Mikið var gert út á síldveiðar í sumar héð-
an af skaganum, það mátti heita að allur flot-
inn væri fyrir norðan. Síldveiðin gekk þó
ekki að óskum — öllu heldur mátti heita
að síldveiðin brygðist með öllu — enda komu
bátarnir óvenju snemma suður, eða upp úr
miðjum ágúst mánuði þeir fyrstu. Mjög fáir
bátar fiskuðu fyrir tryggingu hásetahlutar-
ins í sumar.
Reknetaveiði.
Eins og að undanförnu var gert út á rek-
netaveiði hér í flóanum seinni part sumars-
ins en veiði var sára treg svo að henni var
hætt miklu fyrr en vant er.
I lagnet
hafa menn fengið góðan afla öðru hverju,
en það og svo fréttir af síldartorfum á djúp-
miðum vekur von manna um að hún muni
ganga inn í firði og voga hvað líður og að
þar megi taka hana í hundruðum skipsfarma
í haust og vetur. Haust síldarvertíð á við þá
í fyrra mundi verða mjög kær komin fyrir
þjakaða útgerðina og sjómennina, sem báru
lítið úr bítum í sumar. Og þjóðin í heild
þarfnast hennar, því mjög ber nú á skorti
ýmissa nauðsynja okkar.
Meiri viðbúnaður
er nú til að hagnýta sér vetrarsíldina hér
á Suðurlandi. Verksmiðjur byggðar og aðrar
stækkaðar og þá munu margir af minni tog-
urum flotans hugsa til hreifings og flytja
síldina út frysta. En það var gert á mörgum
erlendum togurum síðast liðinn vetur.
Eldur í Verkó.
Sunnudaginn 10. okt. kviknaði í filmu, sem
verið var að sýna í Alþýðuhúsinu í Keflavík.
Eldurinn magnaðist ótt, en sýningarmaðurinn,
Guðmundur Jónsson, þreif filmuna og ætlaði
að hlaupa með hana út, en þegar hann hafði
rifið filmuna úr vélinni, vildi svo illa til, að
neisti hraut í aðra filmu sem átti að fara að
setja í sýningarvélina. Af þessu varð mikill
eldur. Húsið var þéttskipað fólki. Þegar það
varð eldsins vart, ruddist það út um aðaldyr,
án þess að taka leiðbeiningum húsvarðar um
að fara út bakdyramegin. Varð af þessu troðn-
ingur mikill og mun ein kona hafa misst með-
vitund af þeim sökum og einnig hamlaði það
sýningarmanninum að komast út, þar sem
hurðin að salnum féll á hurð að sýningarklef-
anum. Það stóð í vegi fyrir Guðmundi í við-
leitni hans við að ráða niðurlögum eldsins og
má þykja gott að hann slapp óskemmdur af
eldi og kolsýru.
Eftir fulllanga stund kom slökkviliðið á
varðberg og hóf starf sitt sem bar fljótlega
árangur. Slökkvilið flugvallarins kom einn-
ig á staðinn og var unnið sameiginlega að
lokaþætti björgunarstarfsins.
Miklar skemmdir urðu í sýningarklefan-
um, brunnu þar filmur og sýningarvélarnar
skemmdust mikið eða eyðilögðust. Húsið sjálft
brann ekki mikið en skemmdist töluvert af
vatni og reyk.
Viðgerð á húsinu var hafin þegar í stað,
enda er húsið notað sem skóli að nokkrum
hluta. Ekki er enn vitað hvenær kvikmynda-
húsreksturinn getur hafizt aftur. Þetta var
allmikið tjón fyrir Keflavíkurhrepp, sem rek-
ið hefur kvikmyndasýningar í Alþýðuhúsinu
um nokkurt skeið.
Met flugumferð
varð í septembermánuði um Keflavíkur-
flugvöll. 415 flugvélar komu við á vellinum,
þar af 328 millilandaflugvélar, og fluttu þær
alls 9774 farþega. Margt af þessu fólki er að
flytja búferlum vestur um haf. Stöðugt vax-
andi umferð um völlinn sýnir bezt mikilvægi
hans á friðartímum, en þörfin fyrir þennan
völl á ófriðartímum hefur áður sýnt sig í
orustunni um Atlandshafið.
Jón Norðfjörð, leikstjóri
frá Akureyri, kom hingað til Keflavíkur
16. september, í fylgd með Sigríði Schiöth
og Hólmgeir Pálssyni, sem einnig eru vel
þekktir leikarar frá Akureyri. Voru þau á
leikför um suðurland.
Hér sýndu þau þætti úr Lénharði fógeta,
þætti úr /þfintýri á gönguför og gamanleik-
inn Frúin sefur. Einnig las Jón upp kvæði.
Sér til aðstoðar fengu þau hér þau Guðbjörgu
Þórhallsdóttur og Skarphéðinni Ossurarson.
Skemmtun þessi fékk góðar undirtektir hér
sem annars staðar ,enda leikur þeirra góður.
Ný rakarastofa
var opnuð fyrir nokkrum dögum í húsi,
sem Guðmundur Guðgeirsson hefur látið
byggja í sumar. Húsið stendur við Hafnar-
götu, gegnt húsi Kaupfélags Suðurnesja. Það
e'r byggt sem rakarastofa, ér rúmgott og mjög
þokkalegt. Sjálf er stofan fullkomlega sam-
bærileg við rakarastofur í Reykjavík.
Hestar og lögrcgla.
í vor, þegar hafizt var handa um að fjar-
lægja hesta af götum Keflavíkur, sáust lög-
regluþjónarnir oft með allmarga hesta í taumi.
Spjátrungar reyndu að gera grín að þeim
borðalögðu, en hafi orð þeirra fengið nokk-
urn hljómgrunn, þá mun hann ekki lengur
vera fyrir hendi nú. Sannleikurinn er sá að
lögregluþjónarnir hafa unnið þetta starf mjög
samvizkusamlega og með þeim árangri að
varla hefur hestur sézt í umhirðuleysi hér í
FAXI
Blaðstjórn skipa:
Jón Tómasson,
Hallgr. Th. Björnsson,
Valtýr Guðjónsson.
Blaðstjórn ber ábyrgð á blaðinu og
annast ritstjóm þess.
Gjaldkeri blaðsins:
Guðni Magnússon.
Afgreiðslumaður:
Steindór Pétursson.
Auglýsingastjóri:
Björn Pétursson.
Verð blaðsins í lausasölu kr. 2,00.
Faxi fæst í Bókabúð KRON, Reykja-
vík og verzlun Valdimars Long,
Hafnarfirði.
Alþýðuprentsmiðjan h.f.
Keflavík í sumar og haust. Þeir, sem þurfa
að eiga hesta, geyma þá í girðingu og hirða
þá vel ,eins og áður, en útigangshrossum
hefur fækkað, öllum að skaðlausu og til ör-
yggis fyrir þeim átroðningi sem þau voru oft
völd að.
Meiraprófsnámskeið
fyrir bifreiðarstjóra fór fram hér í Kefla-
vík í haust. Nemendur voru alls 32, flestir
úr Keflavík og nágrenni, en nokkrir frá fjar-
lægari stöðum.
Spurning er,
hvort ekki er einnig hægt að halda hér
„mótor“-námskeið. A hverju ári fara margir
ungir menn héðan á þessi námskeið, sem
haldin eru víðsvegar um landið. Alltaf vant-
ar menn með kunnáttu í meðferð mótorvéla,
og með því að hafa námsskeið hér, má gera
ráð fyrir, að allmargir menn mundu taka
þátt í þeim, sem annars sætu heima.
Stúkustarfið
er nú hafið af fullum krafti. St. Framför í
Garði og st. Vík í Keflavík hafa verið saman
á fundum í haust með mjög góðum árangri
og hugsa nú til frekara samstarfs en áður
hefur verið. St. Framför er ein elzta stúkan
hér á landi, eða nær sextugu, og á hún vafa-
laust mikinn þátt í þeim manndóms og menn-
ingarblæ, sem um langt skeið hefur auð-
kennt Garðinn. St. Vík hugðist halda uppi
nokkru starfi í sumar. I þeim tilgangi var
nefnd kosin í vor til að annast fundina og
voru þessi kosin, Asvaldur Andrésson, Sess-
elja Kristinsdóttir, Katrín Einarsdóttir, Helgi
Skúlason og Sveinn Sæmundsson. Leystu þau
verk sitt af hendi með prýði og komu þau á
fundum í hverjum mánuði. Fundirnir voru
vel sóttir, einkum af æskufólki, enda voru
fundirnir að mestu skemmtifundir. •