Morgunblaðið - 31.07.2009, Blaðsíða 20
Mýtur, kerlingabækur,flökkusögur, bábiljur,goðsagnir, hégiljur,kreddur, hindurvitni og
hjátrú. Hvað er satt og hvað er
ósatt? Sór Barack Obama embættis-
eið við Kóraninn? Dó Marlboro-mað-
urinn úr lungnakrabbameini? Eru
engin Nóbelsverðlaun í stærðfræði
því eiginkona Alfreds Nobel hélt við
stærðfræðing?
Á vefsíðunni snopes.com er viða-
mikið safn ýmiskonar sagna sem
ýmist eru staðfestar eða hrakt-
ar, oft með ítarlegum hætti. Síð-
an er áhugaverð og skemmti-
leg lesning en rétt er að vara
fólk við: Hún er mikill tímaþjóf-
ur.
Satt
Notaðar nærbuxur
japanskra skóla-
stúlkna eru seldar í
sjálfsölum þar í landi.
Coca-Cola innihélt
upprunalega kókaín.
Charlie Chaplin tap-
aði eitt sinn í Chaplin-
eftirhermukeppni.
Þingið í Texas sam-
þykkti árið 1971 þings-
ályktunartillögu um að heiðra hinn
meinta fjöldamorðingja, the Bostor
Strangler.
Símtöl á kostnað viðtakanda (col-
lect-símtöl) eru flest á feðradaginn í
Bandaríkjunum.
Ósatt
Júlíus Sesar er höfundur upp-
skriftarinnar að Sesar-salati.
McDonald’s er heimsins stærsti
kaupandi kúaaugna.
Ronald Reagan var fyrsta
val í hlutverk Rick Blaine í
Casablanca
Í Vatíkaninu er stærsta
klámsafn heims.
Snápur? Ýmissa grasa kennir á vef-
síðunni Snopes þar sem sannleiks-
gildi ýmissa missannra „stað-
reynda“ er skoðað ofan í kjölinn.
Hindurvitni hrakin og staðfest
Á vefsetrinu www.Snopes.com má sóa
tíma sínum í óhefðbundinni fróðleiksleit
JACK Live Summer Festival verður
haldið í garðinum á Dillon Rokkbar
um helgina. Vísar nafn hátíðarinnar í
Jack Daniels en í tilkynningu frá
skipuleggjendum hátíðarinnar segir
að í huga tónlistarmanna sé ekkert
merki sem passi betur við tónlist.
Þetta er í annað skiptið sem hátíð-
in er haldin en í ár munu m.a. koma
fram Dr. Spock, Agent Fresco, Brain
Police, Dikta, Bróðir Svartúlfs og Sól-
stafir. Öllu verði verður stillt í hóf í
takt við þjóðfélagsástandið. Helg-
arpassinn kostar 2.500 kr., stakt
kvöld 1.500 kr. og að auki verða til-
boð á drykkjum og mat. Miðasala er á
Dillon, í Skífunni á Laugavegi og á
midi.is.
Dr. Spock Hljómsveitin mætir og
gulu uppþvottahanskarnir fylgja með.
Sumarhátíð á
Dillon Rokkbar
20 Daglegt líf
MORGUNBLAÐIÐ FÖSTUDAGUR 31. JÚLÍ 2009
LANGAR þig til þess að láta gott af
þér leiða og gefa nokkra þúsundkalla
í gott málefni? Hvernig væri til dæm-
is að styrkja bandaríska góðgerða-
sjóðin Barnaslátrun? Ekki svo
heillandi nei?
Sérðu eftir því að hafa sleppt Hró-
arskeldu í ár? Af hverju ekki bara að
gleyma peningaleysinu um stund og
fara á Hollenska skítafestivalið? Ekki
nei, er það virkilega?
Þetta er reyndar allt saman á mis-
skilningi byggt, en hætt er við því að
vefslóðir góðgerðasamtakanna
Children’s Laughter (www.children-
slaughter.com) og tónlistarhátíð-
arinnar Hollands Hit (www.holland-
shitfestival.nl) geri suma afhuga því
sem þar stendur að baki.
Heimasíður eru nauðsynlegar
flestum fyrirtækjum, samtökum og
einstaklingum sem vilja koma sér á
framfæri en geta jafnvel gert illt
verra ef vefslóðin er vanhugsuð.
Hér eru nokkur fleiri dæmi:
www.therapistschoice.com
-Selur sjúkravörur...eða?
www.firsbaptistcumming.org
-Vafasöm kirkja...í bænum Cumming
www.choosespain.com
-Sársaukafull sumardvöl á Spáni
Og að lokum ein íslensk....
www.suzukibilar.is
-Viltu kaupa bíla sem bila?
Á tvíræðum
slóðum...
Kvöl á Spáni Er þetta Spánarfríið
sem þú vildir?
„ÉG var hjá
Önnu um
helgina.
á laugardag-
inn var pizza og
ís. Já og negra-
kossar. Svo fórum við í
kínverskt box og hástökk.
Svo sváfum við inni í stofu. Morguninn eftir fór-
um við upp á Reykjalund að heimsækja afa þeirra.
Það var mjög gaman. Við fórum í þrekhjól, hjóla-
stól, lyftulistir og margt fleira. Svo reyndum við
að brjóta upp lás á hliði á leikskóla og fórum í hjó-
latúr.“
Vá hvað þetta var skemmtilegur dagur. Eða
hann hljómar allavega þannig, miðað við hvernig
ég lýsi honum í dagbókinni minni þegar ég var 10
ára. Þá vorum við skikkuð til að halda dagbók í
skólanum til að efla ritfærni og tjáningarþroska
eða eitthvað í þá áttina.
Núna er ég þakklát fyrir það því þessar dag-
bókarfærslur eru ómetanleg heimild um lífið sem
var þegar helginni var reddað með því að draga
allar dýnur úr rúmunum til að fara í kínverskt box
og meira að segja spítalaheimsóknir voru fjör af
því það var svo gaman að djöflast í
hjólastólunum á gólfdúknum. Ég
sakna þess tíma stundum.
Til dæmis þegar ég fæ bréf frá
Tollstjóranum í Reykjavík sem ég
skil ekkert hvað þýðir annað en að ég
muni tapa peningum af reikningnum
mínum. Eða þegar bifreiðagjöld, óhjá-
kvæmileg kaup á nýjum rafgeymi og
hraðasekt koma í bakið á mér allt í sömu
vikunni.
Ekki svo að skilja að lífið hafi verið al-
gjörlega áhyggjulaust við 10 ára aldurinn, alls
ekki. Ég man til dæmis að ég átti oft í miklu sál-
arstríði fyrir háttinn því ég gat ekki ákveðið
hvort ég átti að hafa dyrnar lokaðar, ef kvikna
skyldi í húsinu um nóttina, eða opna ef það kæmi
jarðskjálfti. Ákvað á endanum að loka þeim aðra
hverja nótt.
Ég man líka að ég fylltist stundum angist yfir
tilhugsuninni um að verða fullorðin. Mér sýndist á
mömmu og pabba að það væri hreint ekkert svo
skemmtilegt. „Þarf ég þá að hætta að klifra í
trjám?“ hugsaði ég kvíðin með mér.
Þrátt fyrir gleði æskunnar kom nefnilega
snemma í ljós að engum lætur betur en mér að
trega og ég var byrjuð, tregaði mína eigin barn-
æsku löngu áður en hún var búin.
Ég tregaði ævintýrin sem ég hélt að ég
myndi hætta að hafa gaman af, en vissi ekki að
Harry Potter átti eftir að verða til og skemmta
mér fram eftir öllum aldri.
Ég tregaði ímyndunaraflið sem ég taldi
að myndi glatast, en vissi ekki að ég átti
eftir að gleyma mér heilu dagana í dag-
draumum um ferðalög á framandi slóð-
ir, í stað þess að læra fyrir háskóla-
prófin. Og ég vissi ekki heldur að ég
ætti eftir að fara á þessa staði. Og
klappa tígrisdýri.
Ég tregaði líka leikina sem
ég hélt að ég myndi hætta að
leika þegar ég væri föst yfir
vinnu alla daga, en vissi
ekki að um leið og mér gæf-
ist frí gripi ég tækifærið til
að velta mér upp úr drul-
lusvaði í eltingarleik við
bolta. Með öðru full-
orðnu fólki. una@mbl.is
Á föstudegi Una Sighvatsdóttir
SVO virðist sem mikið fönduræði hafi gripið um
sig hjá landanum. Alls staðar er fólk að mála,
skrifa, prjóna eða hekla eða dytta að skapandi
verkefnum af einhvers konar tagi. Skart-
gripagerð er ein af slíkum fönduriðjum.
Hjónin Christina van Deventer og Bragi Þór
Valsson eiga verslunina Perlukafarann í Glæsibæ
en þar er hægt að fá á alls kyns vörur til skart-
gripagerðar auk þess sem Christina er hafsjór
þekkingar um skart, steina og föndurtækni.
Verðandi skartgripahönnuður fær litla körfu
frá Braga og fer í perlutínslu um búðina, velur úr
óteljandi tegundum af steinum, kristal, gleri,
beini, tré og perlum og grípur síðan með sér verk-
færi, víra, keðjur, þræði og annað sem föndrarinn
kann að þurfa til að búa til hálsmen, eyrnalokka,
hringi og armbönd eða hvað annað sem ímynd-
unaraflið og fingralipurð getur kallað fram.
Á hverjum laugardegi kl. 12 halda hjónin nám-
skeið í skartgripagerð á ganginum í Glæsibæ.
Sniðugt fyrir vinahópinn eða fjölskylduna.
gudrunhulda@mbl.is
Sjálfs er höndin hollust
Skartaðu þínu
fegursta
Nokkrar hugmyndir
um armbönd
TENGLAR
...............................................................
www.perlukafarinn.is/skartgripir/
’Svo reyndumvið að brjóta
upp lás á hliði
á leikskóla.
Hvað viltu lesa? Sendu okkur
tölvupóst á daglegtlif@mbl.is